Վարդան Ատրյան

Վարդան Ատրյան
Ծնվել է	հուլիսի 13, 1896
Ծննդավայր	Թիֆլիս, Ռուսական կայսրություն
Վախճանվել է	հունվարի 8, 1974 (77 տարեկան)
Վախճանի վայր	Երևան, Հայկական ԽՍՀ, ԽՍՀՄ
Մասնագիտություն	գրող և լրագրող
Ազգություն	հայ
Քաղաքացիություն	Ռուսական կայսրություն և ԽՍՀՄ
Կրթություն	Ներսիսյան դպրոց (1917) և Վրաստանի տեխնիկական համալսարան (1934)
Անդամակցություն	Վրաստանի գրողների միություն
Կուսակցություն	ԽՄԿԿ
Պարգևներ
	Վարդան Ատրյան Վիքիդարանում

Վարդան Ատրյան (Վարդան Հովհաննեսի Աստվածատրյան, հուլիսի 13, 1896(1896-07-13)^[1], Թիֆլիս, Ռուսական կայսրություն^[1] - հունվարի 8, 1974(1974-01-08)^[1], Երևան, Հայկական ԽՍՀ, ԽՍՀՄ^[1]), հայ արձակագիր, լրագրող։ ԽՍՀՄ գրողների միության անդամ 1934 թվականից։ ԽՄԿԿ անդամ 1917 թվականից։

Կենսագրություն

Ծնվել է Թիֆլիսում։ 1917 թվականին ավարտել է Թիֆլիսի Ներսիսյան դպրոցը, 1934 թվականին՝ Վ. Ի. Լենինի անվան տրանսպորտի ինժեներների անդրկովկասյան ինստիտուտը (Թիֆլիս)։ 1930-1934 թվականներին եղել է «Պրոլետար» օրաթերթի, 1930-1932 թվականներին՝ «Արշավ» և «Հոկտեմբեր» հանդեսների, 1932-1934 թվականներին «Գրոհ» ամսագրի խմբագիրը։ 1942-1955 թվականներին Վրաստանի խորհրդային գրողների միության հայկական բաժանմունքի նախագահն էր։

Նրա առաջին ստեղծագործությունը՝ «Զրահագնացքը», տպագրվել է 1926 թվականին, «Գրական արշավ» ամսագրում։

Նրա գործերից թարգմանվել և առանձին գրքերով լույս են տեսել ռուսերեն, վրացերեն, ուկրաիներեն։ Պարգևատրվել է Աշխատանքային կարմիր դրոշի շքանշանով։ Մահացել է Երևանում^[2]։

Երկերի մատենագրություն

Զրահագնացք, Երևան, Պետհրատ, 1930, 58 էջ։
Գրոհում (վեպ), Թիֆլիս, 1932, 246 էջ։
Շավարշ Մամյան (վիպակ), Թբիլիսի, 1947, 256 էջ։
Երկեր, Թբիլիսի, Սախելգամի, 1947, 264 էջ։
Արյունոտ քառուղիներով (վեպ), գիրք Ա, Թբիլիսի, 1955, 388 էջ։
Արյունոտ քառուղիներով (վեպ), գիրք Բ, Թբիլիսի, 1957, 472 էջ։
Հողի ձայնը (վեպ), Երևան, Հայպետհրատ, 1959, 447 էջ։
Կարմիր ձիավոր (վեպ), Երևան, «Հայաստան», 1965, 400 էջ։
Պատմվածքներ, Երևան, «Հայաստան», 1969, 306 էջ։

Թարգմանություններ (վրացերենից)

Վրաստանի գարունը․- Երևան։ Հայպետհրատ, 1951․- 114 էջ։

Աղբյուրներ

1 2 3 4 5 6 7 8 9 10 11 12 13 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 2000.
↑ Գրական տեղեկատու. Երևան: «Սովետական գրող». 1981. էջ էջ 48-49.

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 1, էջ 662)։

Վիքիդարանն ունի նյութեր, որոնք վերաբերում են «Վարդան Ատրյան» հոդվածին։

[_50b3f8072f120a04-1] 1 2 3 4 5 6 7 8 9 10 11 12 13 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 2000.

[2] Գրական տեղեկատու. Երևան: «Սովետական գրող». 1981. էջ էջ 48-49.

[1]

[2]