Սևծովյան ճպուռ
Սևծովյան ճպուռ | |
Դասակարգում | |
Թագավորություն | Կենդանիներ (Animalia) |
Տիպ/Բաժին | Հոդվածոտանիներ (Arthropoda) |
Ենթատիպ | Վեցոտանիներ (Hexapoda) |
Դաս | Միջատներ (Insecta) |
Կարգ | Ճպուռներ (Odonata) |
Ընտանիք | Իսկական ճպուռներ (Libellulidae) |
Ցեղ | Libellula |
Տեսակ | Սևծովյան ճպուռ (L. pontica) |
Միջազգային անվանում | |
Libellula pontica | |
Կարգավիճակ | |
Հատուկ պահպանության կարգավիճակ՝ Վտանգման սպառնացող վիճակին մոտ գտնվող տեսակ |
Սևծովյան ճպուռ (լատին․՝ Libellula pontica), իսկական ճպուռների ընտանիքին պատկանող միջատ, որը գրանցված է ՀՀ Կարմիր գրքում։
Նկարագրություն[խմբագրել | խմբագրել կոդը]
39-42 մմ մարմնի երկարությամբ միջին չափի ճպուռ է։ Կարմրավուն կամ շիկակարմրավուն մարմնի փորային տերգիտների միջին գծի երկայնքով կան փոքրիկ բծեր։ Փորիկի վերին մասով ձգվում է նեղ, սև գույնի զոլ, որը փոքր-ինչ լայնանում է առջևից դեպի հետ։ Թևերի հիմքում կան ոչ մեծ, շագանակագույն մգացումներ[1]։
Տարածվածություն[խմբագրել | խմբագրել կոդը]
Տարածված է Թուրքիայում, դեպի արևելք՝ մինչև Ասիա, դեպի հարավ` մինչև Հյուսիսային Իսրայել։ Հայաստանում հայտնի է Մասիս քաղաքի շրջակայքում (Արարատի մարզ)[1]։
Էկոլոգիա[խմբագրել | խմբագրել կոդը]
Ապրում է ջրանցքներում և գետերի կիսաանապատային գոտում։ Թռչում է ամառվա առաջին կեսին, ձվադրում՝ ջրի մեջ` փորիկի ծայրով հարվածելով ջրի մակերեսին։ Թրթուրը զարգանում է մեկ տարվա ընթացքում[1]։
Պահպանություն[խմբագրել | խմբագրել կոդը]
Ծայրահեղ սահմանափակ արեալով հազվագյուտ տեսակ է։ Ծայրահեղ հազվադեպ է հանդիպում։ Հայտնի է մեկ հայտնաբերման փաստ։ Բնության պահպանության միջազգային միության Կարմիր ցուցակի չափորոշիչներով գնահատվում է որպես վտանգված տեսակ։ Գրանցված էր ԽՍՀՄ Կարմիր գրքում[1]։
Վտանգման հիմնական գործոններն են՝ ջրամբարների հիդրոլոգիական ռեժիմի փոփոխություն և աղտոտում[1]։
Պահպանության միջոցառումներ չեն իրականացվում[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 1,5 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.
|