Սուրբ Անտոն եկեղեցի (Էզինո Լարիո)

Սուրբ Անտոն եկեղեցի (Էզինո Լարիո)
	Սուրբ Անտոն եկեղեցի (Էզինո Լարիո)
	;
Տեղադրություն	Էզինո Լարիո
Աշխարհ	Եվրոպա
Երկիր	Իտալիա
Կրոնադավանանք	Կաթոլիկ
Ճարտարապետություն
Կարգավիճակ	կանգուն
Կառուցման սկիզբ	16-րդ դար
	Վիքիպահեստում

Սուրբ Անտոն եկեղեցի (իտալ.՝ Chiesa di Sant'Antonio abate^[1]), եկեղեցի Իտալիայի Լոմբարդիա մարզի Լեքո գավառի Էզինո Լարիո կոմունայում։ Համարվում է Սուրբ Վիկտոր եկեղեցու մաս։

Պատմություն[խմբագրել | խմբագրել կոդը]

Սուրբ Անտոն եկեղեցին գտնվում է Վերին Էզինոյում, կառուցվել է 16-րդ դարում, օծվել է 1561 թվականին։ Վերանորոգվել է մեկ դար հետո և կրկին բացվել 1662 թվականին։ Կառույցը միանավ եկեղեցի է, ավարտվում է բազմանկյուն խորանով։ Ունի 17-րդ դարի կեսերին կառուցված երկու կողմնակի կապելլաներ. աջակողմյան կառույցը նվիրված է Սուրբ Անտոնին, զարդարված է ստուկկոներով, որոնք շրջանակում են սրբի փայտե արձանիկը, պատին կան սրբի պատմությունը պատվող չորս պատկերազարդ նկարներ, իսկ կամարը պատված է հրեշտակների ֆրեսկոներով։ Ձախակողմյան կապելլան կառուցվել է 1691 թվականին և նվիրված է Սուրբ Հովսեփին։ Այստեղ են գտնվում «Խաչելություն» և «Փախուստ Եգիպտոսից» կտավները, կամարը պատված է Սուրբ Հովսեփի և հրեշտակների որմնանկարներով^[1]։

Գլխավոր խորանը պատված է 16-րդ դարի վերջում ստեղծված ռետաբլոյով (իսպ.՝ retablo), որտեղ պատկերված են Սուրբ Մարիամը երեխայի հետ Սուրբ Անտոնի և Սուրբ Սեբաստիանի միջև։ Սրբարանին կից գեղանկարները ներկայացնում են Սուրբ Անտոնի պատմությունը^[1]։

Շենքի ճակատային նախամուտքն ունի 1703 թվականին կառուցված ջերմային պատուհան, իսկ երգչախմբի փայտե դասը թվագրվում է 1793 թվականին։