Սուսանա Խիմենես
 իսպ.՝ Susana Giménez | |
|---|---|
 | |
| Ծնվել է | հունվարի 29, 1941[1] (82 տարեկան) |
| Ծննդավայր | Բուենոս Այրես, Արգենտինա[1] |
| Կրոն | կաթոլիկություն |
| Մասնագիտություն | դերասանուհի, թատրոնի դերասանուհի, հաղորդավար, մոդել և գործարար |
| Համատեղ ապրող(ներ) | Կառլոս Ռոկե Մոնսոն |
| Պարգևներ և մրցանակներ | |
Մարիա Սուսանա Խիմենես Աուբերտ (իսպ.՝ María Susana Giménez Aubert; հունվարի 29, 1941[1], Բուենոս Այրես, Արգենտինա[1]), արգենտինացի հեռուստահաղորդավարուհի, դերասանուհի և մոդել։ 1987 թվականից արգենտինական հեռուստատեսությամբ վարում է Susana Giménez թոք-շոուն (նախկինում կոչվում էր Hola Susana):
Կենսագրություն[խմբագրել | խմբագրել կոդը]
Կիլմեսում Խիմենեսը ստացել է մանկավարժական կրթություն՝ տարրական դասարանների ուսուցիչ մասնագիտությամբ։ Մինչ հայտնի դառնալը քարտուղարուհի է աշխատել խոշոր գործարանում։ 1960-ական թվականների կեսերին Սուսանան սկսել է աշխատել որպես ֆոտոմոդել, նկարահանվում էր գովազդում, հայտնվում էր ամսագրերի շապիկներին։ 1968 թվականին տեղի ունեցավ նրա մուտքը կինո. փոքր դերեր էր խաղում կինոկատակերգություններում։ 1970 թվականին Խիմենեսը միացավ Matrimonios y algo más հեռուստատեսային սքեթչ-շոուի դերասանական կազմին և նշանավորվեց «Մարտին Ֆիեռո» հեռուստատեսային մրցանակի ստացումով որպես լավագույն առաջնելույթ ունեցած դերասանուհի։ 1970-ական թվականներին նա շատ է նկարահանվում ֆիլմերում և խաղում թատրոնում։ 1980-ական թվականների սկզբների Խիմենեսը վերադարձավ հեռուստատեսություն՝ Ալբերտո Օլմեյդոյի հետ դառնալով El Trece ալիքի «Ալբերտո և Սուսանա» սքեթչ-շոուի գլխավոր աստղը։ Բայց ցածր վարկանիշի պատճառով հաղորդումը հենց առաջին եթերաշրջանից հետո փակվեց։ Դրանից հետո Խիմենեսը կրկին կենտրոնացավ կինոյի և թատրոնի ուղղությամբ։
1987 թվականին Սուսանան դարձավ Hola Susana թոք-շոուի հաղորդավարը, որը Կառա Ռաֆայելայի Pronto Raffaella? (Իտալիայում և Իսպանիայում) և Օփրա Ուինֆրի[2] (ԱՄՆ) հանրաճանաչ շոուների նմանատիպն էր։ Հաղորդումն ի սկզբանե հեռարձակվում էր ATP ալիքով, այնուհետև անցավ Canal 9, իսկ 1992 թվականից հեռարձակվում է Արգենտինայի խոշորագույն Telefe հեռուստաալիքով։ Շոուն նաև հեռարձակվում է Լատինական Ամերիկայի այլ երկրներում։ 1994 թվականից հաղորդումը եթեր հեռարձակվեց փրայմ-թայմին, իսկ 1998 թվականին փոխեց անվանումը Susana Giménez անվանումով։ Բազմիցս շոուն և Սուսանա Խիմենեսը՝ որպես հաղորդավարուհի, արժանացել են «Մարտին Ֆիեռո» հեռուստատեսային մրցանակի։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 cinenacional.com (իսպ.) — 2001.
- ↑ «'I will never go back to Manchester,' says City's Argentine star Carlos Tevez – on £286,000 a week»։ Daily Mail։ June 4, 2011։ Վերցված է 2012-05-07
Արտաքին հղումներ[խմբագրել | խմբագրել կոդը]
- Susana Giménez շոուն(իսպ.) Telefe-ի կայքում։
|
Սուսանա Խիմենես Վիքիպահեստում |
|---|
| ||||||||||||||
