Սուսանա Խիմենես

Սուսանա Խիմենես; իսպ.՝ Susana Giménez
Ծնվել է	հունվարի 29, 1941 (83 տարեկան) կամ հունվարի 29, 1944 (80 տարեկան)
Ծննդավայր	Բուենոս Այրես, Արգենտինա
Քաղաքացիություն	Արգենտինա
Կրոն	կաթոլիկություն
Մասնագիտություն	դերասանուհի, թատրոնի դերասանուհի, հաղորդավար, մոդել և գործարար
Համատեղ ապրող(ներ)	Կառլոս Ռոկե Մոնսոն և Ռիկարդո Դարին
Պարգևներ և մրցանակներ	Golden Martín Fierro Award? և Q6359119?

Մարիա Սուսանա Խիմենես Աուբերտ (իսպ.՝ María Susana Giménez Aubert; հունվարի 29, 1941(1941-01-29)^[1] կամ հունվարի 29, 1944(1944-01-29)^[2], Բուենոս Այրես, Արգենտինա^[1]), արգենտինացի հեռուստահաղորդավարուհի, դերասանուհի և մոդել։ 1987 թվականից արգենտինական հեռուստատեսությամբ վարում է Susana Giménez թոք-շոուն (նախկինում կոչվում էր Hola Susana):

Կենսագրություն

Կիլմեսում Խիմենեսը ստացել է մանկավարժական կրթություն՝ տարրական դասարանների ուսուցիչ մասնագիտությամբ։ Մինչ հայտնի դառնալը քարտուղարուհի է աշխատել խոշոր գործարանում։ 1960-ական թվականների կեսերին Սուսանան սկսել է աշխատել որպես ֆոտոմոդել, նկարահանվում էր գովազդում, հայտնվում էր ամսագրերի շապիկներին։ 1968 թվականին տեղի ունեցավ նրա մուտքը կինո. փոքր դերեր էր խաղում կինոկատակերգություններում։ 1970 թվականին Խիմենեսը միացավ Matrimonios y algo más հեռուստատեսային սքեթչ-շոուի դերասանական կազմին և նշանավորվեց «Մարտին Ֆիեռո» հեռուստատեսային մրցանակի ստացումով որպես լավագույն առաջնելույթ ունեցած դերասանուհի։ 1970-ական թվականներին նա շատ է նկարահանվում ֆիլմերում և խաղում թատրոնում։ 1980-ական թվականների սկզբների Խիմենեսը վերադարձավ հեռուստատեսություն՝ Ալբերտո Օլմեյդոյի հետ դառնալով El Trece ալիքի «Ալբերտո և Սուսանա» սքեթչ-շոուի գլխավոր աստղը։ Բայց ցածր վարկանիշի պատճառով հաղորդումը հենց առաջին եթերաշրջանից հետո փակվեց։ Դրանից հետո Խիմենեսը կրկին կենտրոնացավ կինոյի և թատրոնի ուղղությամբ։

1987 թվականին Սուսանան դարձավ Hola Susana թոք-շոուի հաղորդավարը, որը Կառա Ռաֆայելայի Pronto Raffaella? (Իտալիայում և Իսպանիայում) և Օփրա Ուինֆրի^[4] (ԱՄՆ) հանրաճանաչ շոուների նմանատիպն էր։ Հաղորդումն ի սկզբանե հեռարձակվում էր ATP ալիքով, այնուհետև անցավ Canal 9, իսկ 1992 թվականից հեռարձակվում է Արգենտինայի խոշորագույն Telefe հեռուստաալիքով։ Շոուն նաև հեռարձակվում է Լատինական Ամերիկայի այլ երկրներում։ 1994 թվականից հաղորդումը եթեր հեռարձակվեց փրայմ-թայմին, իսկ 1998 թվականին փոխեց անվանումը Susana Giménez անվանումով։ Բազմիցս շոուն և Սուսանա Խիմենեսը՝ որպես հաղորդավարուհի, արժանացել են «Մարտին Ֆիեռո» հեռուստատեսային մրցանակի։

Ծանոթագրություններ

↑ ^1,0 ^1,1 ^1,2 ^1,3 ^1,4 cinenacional.com (իսպ.) — 2001.
↑ ^2,0 ^2,1 Susana Giménez: 80 datos, secretos y curiosidades que, quizás, no conocías de la gran diva argentina (իսպ.) — 2024.
↑ A 35 años de su separación, los motivos por los que Susana Giménez y Ricardo Darín terminaron su romance: "Ricardo quería tener hijos y yo no quería, él quería ir a vivir a una casa y yo a un departamento" (իսպ.) — 2022.
↑ «'I will never go back to Manchester,' says City's Argentine star Carlos Tevez – on £286,000 a week». Daily Mail. 2011 թ․ հունիսի 4. Վերցված է 2012 թ․ մայիսի 7-ին.

Արտաքին հղումներ

Susana Giménez շոուն(իսպ.) Telefe-ի կայքում։
Սուսանա Խիմենես Internet Movie Database կայքում

Վիքիպահեստն ունի նյութեր, որոնք վերաբերում են «Սուսանա Խիմենես» հոդվածին։

[_982c685e5953c9ab-1] 1,0 ^1,1 ^1,2 ^1,3 ^1,4 cinenacional.com (իսպ.) — 2001.

[_c0e48c0dd00b791e-2] 2,0 ^2,1 Susana Giménez: 80 datos, secretos y curiosidades que, quizás, no conocías de la gran diva argentina (իսպ.) — 2024.

[_a26c4c55b3f69521-3] A 35 años de su separación, los motivos por los que Susana Giménez y Ricardo Darín terminaron su romance: "Ricardo quería tener hijos y yo no quería, él quería ir a vivir a una casa y yo a un departamento" (իսպ.) — 2022.

[4] «'I will never go back to Manchester,' says City's Argentine star Carlos Tevez – on £286,000 a week». Daily Mail. 2011 թ․ հունիսի 4. Վերցված է 2012 թ․ մայիսի 7-ին.

[1]

[2]

[3]

[4]