Սկիրոս

Սկիրոս;
Տեսակ	կղզի և պոլիս
Երկիր	Հունաստան
Վարչատարածքային միավոր	Skyros Municipality?
Վայր	Եգեյան ծով
Մասն է	Սպորադներ
Մակերես	209 կմ²

Սկիրոս (հուն․՝ Σκύρος^[1]), Հունաստանին պատկանող կղզի Էգեյան ծովում՝ Հյուսիսային Սպորադներ կղզեխմբի (արշիպելագի) ծայր հարավային մասում։ Այդ կղզեխմբի ամենամեծ կղզին է. զբաղեցնում է 208,594 քառակուսի կիլոմետր տարածք^[2]։ Առողջավայր է, զբոսաշրջային կենտրոն, ունի մանրավազ լողափեր։ Վարչականորեն մտնում է Կենտրոնական Հունաստան պերիֆերիայի Էվբեա միավորի Սկիրոս համայնքի կազմի մեջ^[1] (համայնքի կազմում ընդգրկված են 15 բնակավայր ու ևս 4 կղզի` 223,1 քառակուսի կիլոմետր ընդհանուր մակերեսով^[2].)։ 2011 թվականի տվյալներով բնակչության թվաքանակը եղել է 2.994^[1]։ Վարչական կենտրոնը Սկիրոս քաղաքն է, որտեղ գործող հնագիտական թանգարանում պահվում են մինոսյան դարաշրջանի արտեֆակտներ^[3]։

Հաշվի առնելով կղզու ռազմավարական կարևոր դիրքը Էգեյան ծովի կենտրոնում՝ հելլենական օդուժն այստեղ հիմնել է ռազմա-օդային խոշոր բազա, որի օդանավակայանն սպասարկում է նաև զբոսաշրջիկների ու քաղաքացիական այլ անձանց։ Կղզու արևմտյան ափին գործում է Լինարիա նավահանգիստը, որտեղ ուղևորների ու բեռների լաստանավային փոխադրումներ է իրականացնում «Սկիրոս» ընկերությունը^[4]։ Լաստանավը կրում է "Achilleas SKYROS SHIPPING CO." (Greek։ Αχιλλέας ΣΚΥΡΟΣ ΝΑΥΤΙΚΗ ΕΤΑΙΡΙΑ) անվանումը։

Պատմություն[խմբագրել | խմբագրել կոդը]

Սկիրոսը բնակեցված է եղել դեռևս քարեդարյան ժամանակներում, ինչի մասին վկայում են Կաստրո սարի շրջանում հայտնաբերված հնագիտական գտածոները^[5]։ Հին հունական քաղաքակրթության ծաղկման ժամանակաշրջանում կղզին համբավվել է մարմարի, մուգ օքրայի, ոսկու հանքավայրերով^[6]։

Ըստ հունական դիցաբանության՝ Թեսևսը Աթենքից վտարվելուց հետո եկել է Սկիրոս, որտեղ էլ սպանվել է Լիկոմեդոս արքայի կողմից^[7]^[7]։

Հին հունական հերոսներից Աքիլլեսը նույնպես ապրել է Սկիրոսում. Տրոյական պատերազմին մասնացելուց խուսափելու նպատակով նա կնոջ տարազով թաքնվել է այստեղ, բեղմնավորել է Լիկոմեդոսի դստերը՝ Դեյդամիային^[8]։ Սկիրոսում է ծնվել Աքիլլեսի Նեոպտղոմեոս որդին^[8]^[9]։ «Աքիլլեսը Սկիրոսում» թեման արտացոլվել է երեք տասնյակից ավելի կոմպոզիտորների, այդ թվում՝ Հենդելի, Սկառլատիի, Մետաստազիոյի, Կավալլիի, Կալդարայի, Պաիզիելլոյի օպերաներում։

Բնակչություն[խմբագրել | խմբագրել կոդը]

Տարին	Բնակչ., մարդ
1991	2931^[10]
2001	2711^[10]
2011	2994^[1]

Կլիմա[խմբագրել | խմբագրել կոդը]

Սկիրոսին բնորոշ է միջերկրածովյան կլիման՝ մեղմ ձմեռներով ուհաճելի ամառներով։

Սկիրոսի օդանավակայանի կլիմայական տվյալները
Ամիս	հունվ	փետ	մարտ	ապր	մայ	հուն	հուլ	օգոս	սեպ	հոկ	նոյ	դեկ	Տարի
Միջին բարձր °C (°F)	12.3 (54.1)	12.7 (54.9)	14.1 (57.4)	17.7 (63.9)	22 (72)	26.3 (79.3)	27.9 (82.2)	27.6 (81.7)	24.7 (76.5)	20.8 (69.4)	17.2 (63)	13.9 (57)	19.77 (67.62)
Միջին ցածր °C (°F)	7.4 (45.3)	7.4 (45.3)	8.7 (47.7)	11.4 (52.5)	15 (59)	19.3 (66.7)	21.7 (71.1)	21.7 (71.1)	18.8 (65.8)	15.5 (59.9)	12 (54)	9.1 (48.4)	14 (57.23)
Տեղումներ մմ (դյույմ)	70.6 (2.78)	55.3 (2.177)	49.9 (1.965)	24.3 (0.957)	15.4 (0.606)	6.5 (0.256)	5.9 (0.232)	8.4 (0.331)	19.4 (0.764)	36.7 (1.445)	54.6 (2.15)	81.1 (3.193)	428.1 (16.856)
աղբյուր: {{{աղբյուր 1}}}