Սիրանո դը Բերժըրակ

Սիրանո դը Բերժըրակ; ֆրանսերեն՝ Hercule Savinien Cyrano de Bergerac
Ծննդյան անուն	ֆրանսերեն՝ Hercule Savinien de Cyrano
Ծնվել է	մոտ մարտի 6, 1619[…]
Ծննդավայր	Փարիզ, Ֆրանսիայի թագավորություն
Վախճանվել է	հուլիսի 28, 1655[…] (36 տարեկան)
Վախճանի վայր	Սանուա, arrondissement of Argenteuil, Սենա և Ուազա, Իլ դը Ֆրանս, Ֆրանսիայի մետրոպոլիս, Ֆրանսիա
Մասնագիտություն	դրամատուրգ, բանաստեղծ, գրող, փիլիսոփա, գիտաֆանտաստիկ գրող և վիպասան
Լեզու	ֆրանսերեն
Քաղաքացիություն	Ֆրանսիա
Կրթություն	Lycée Saint-Louis-de-Gonzague?
	Cyrano de Bergerac Վիքիպահեստում

Սավինիեն դը Սիրանո դը Բերժըրակ (ֆրանսերեն՝ Savinien de Cyrano de Bergerac, մոտ մարտի 6, 1619(1619-03-06)^[1]^[2]^[3]^[…], Փարիզ, Ֆրանսիայի թագավորություն^[4]^[1] - հուլիսի 28, 1655(1655-07-28)^[1]^[2]^[3]^[…], Սանուա, arrondissement of Argenteuil, Սենա և Ուազա, Իլ դը Ֆրանս, Ֆրանսիայի մետրոպոլիս, Ֆրանսիա^[4]^[1]), ֆրանսիացի գրող, ազատախոհ։

Կենսագրություն

Սովորել է ճիզվիտների քոլեջում, որպես զինվոր ծառայել է թագավորական գվարդիայում։ Կրել է Ջ. Բրունոյի, Թ․ Կամպանելայի և Պ․ Գասենդիի գաղափարների ազդեցությունը։

1654 թվականին հրատարակվել է Սիրանո դը Բերժըրակի «Տարբեր երկերը», ուր ամփոփված են «Նամակները» (պարսավագրեր զանազան մարդկանց մասին), «Խրատված պեդանտը» կատակերգությունը և «Ագրիպինայի մահը» ողբերգությունը, որոնցում դրսևորվել է հեղինակի երգիծական տաղանդը, արտահայտվել են նրա աթեիստական ու մատերիալիստական գաղափարները։

Սիրանո դը Բերժըրակի գլխավոր ստեղծագործությունը «Այլ աշխարհ, կամ Լուսնի պետություններն ու կայսրությունները» (1657) գործն է, որը մոտ է փիլիսոփայական վեպին։ Գրքի հրատարակիչը խիստ աղքատացրել է տեքստը՝ հանելով հակակրոնական հատվածները. դրանք վերականգնվել են միայն XX դարում՝ ըստ հայտնաբերված ձեռագրի։ Պատկերելով կյանքը լուսնի վրա՝ հեղինակն ի հայտ է բերում տիեզերքի և մարդու իր ըմբռնումը, ծիծաղում է Պտղոմեոսի համակարգի վրա, մերժում է հոգու անմահությունը, ծաղրում հրաշքներին հավատալը։ Սիրանո դը Բերժըրակը հավիտենական է համարում միայն նյութը։ Այդ գործի շարունակությունն է կազմում «Արևի պետությունները և կայսրությունները» (1662) անավարտ վեպը։

Սիրանո դը Բերժըրակի կերպարը մարմնավորված է Էդմոն Ռոստանի «Սիրանո դը Բերժըրակ» (1898, հայերեն՝ 1951) պիեսում։

Ծանոթագրություններ

1 2 3 4 5 6 7 8 9 Bibliothèque nationale de France data.bnf.fr (ֆր.): տվյալների բաց շտեմարան — 2011.
1 2 3 4 Encyclopædia Britannica
1 2 3 4 Internet Speculative Fiction Database — 1995.
1 2 3 4 Сирано де Бержерак Савиньен // Большая советская энциклопедия (ռուս.): [в 30 т.] — 3-е изд. — М.: Советская энциклопедия, 1969.

Վիքիպահեստն ունի նյութեր, որոնք վերաբերում են «Սիրանո դը Բերժըրակ» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 10, էջ 406)։

[_c4bf775568d6324b-1] 1 2 3 4 5 6 7 8 9 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_1d0e05f81607a284-2] 1 2 3 4 Encyclopædia Britannica

[_be5da165d8390968-3] 1 2 3 4 Internet Speculative Fiction Database — 1995.

[_7fe62df4963aad6d-4] 1 2 3 4 Сирано де Бержерак Савиньен // Большая советская энциклопедия (ռուս.): [в 30 т.] — 3-е изд. — М.: Советская энциклопедия, 1969.

[1]

[2]

[3]

[4]