Սերգեյի երկրաչափ թիթեռ

Սերգեյի երկրաչափ թիթեռ
Դասակարգում
Թագավորություն	Կենդանիներ (Animalia)
Տիպ/Բաժին	Հոդվածոտանիներ (Arthropoda)
Ենթատիպ	Վեցոտանիներ (Hexapoda)
Դաս	Միջատներ (Insecta)
Կարգ	Թիթեռներ (Lepidoptera)
Ընտանիք	Երկրաչափներ (Geometridae)
Ցեղ	Eupithecia
Տեսակ	Սերգեյի երկրաչափ թիթեռ (E. sergiana)
Միջազգային անվանում
Eupithecia sergiana

Սերգեյի երկրաչափ թիթեռ (լատին․՝ Eupithecia sergiana), երկրաչափ թիթեռների ընտանիքին պատկանող միջատ, որը գրանցված է Հայաստանի Հանրապետության Կարմիր գրքում։

Նկարագրություն

17 մմ թևերի բացվածքով թիթեռ է։ Գլուխը, մեջքը և փորիկը պատված են մուգ թեփուկներով։ Զոլավոր ծոպերով, առանց նախշի հիմքով թևի տրամակապը միջին մասում ունի հետզհետե վերացող սև գիծ։ Միջին բջջի գագաթին տեղադրված է նեղ, երկարավուն բիծ։

Տարածվածություն

Հայաստանի էնդեմիկ միջատ է։ Հայտնի է միայն Երևան քաղաքից (կենդանաբանական այգի)։

Էկոլոգիա

Ապրելավայրերը հայտնի չեն։ Թիթեռները թռչում են դեպի լույսի աղբյուր սեպտեմբերին։

Կենսաբանական մանրամասներ հայտնի չեն։

Պահպանություն

Չափազանց սահմանափակ արեալով հազվագյուտ տեսակ է։ Բնության պահպանության միջազգային միության Կարմիր ցուցակի չափորոշիչներով գնահատվում է որպես կրիտիկական վիճակում գտնվող տեսակ։

Հազվադեպ է հանդիպում, հայտնի են եզակի հայտնաբերումներ։

Վտանգման հիմնական գործոնները բացահայտված չեն։

Պահպանության գործողություններ չեն իրականացվում։

Ծանոթագրություններ

Վիքիցեղերն ունի նյութեր, որոնք վերաբերում են «Սերգեյի երկրաչափ թիթեռ» հոդվածին։