Սեթ Արսենյան

Սեթ Արսենյան
Ծնվել է	փետրվարի 4, 1902(1902-02-04)
Ծննդավայր	Վան, Վանի վիլայեթ, Օսմանյան կայսրություն
Մահացել է	1988
Մահվան վայր	Լոս Անջելես, Կալիֆոռնիա, ԱՄՆ
Կրթություն	Գևորգյան Հոգևոր Ճեմարան և Կոլումբիայի համալսարան
Մասնագիտություն	հոգեբան

Սեթ Մարկոսի Արսենյան (փետրվարի 4, 1902(1902-02-04), Վան, Վանի վիլայեթ, Օսմանյան կայսրություն - 1988, Լոս Անջելես, Կալիֆոռնիա, ԱՄՆ), հայ հոգեբան, մանկավարժ։

Կենսագրություն

Սովորել է Վանի Երամյան վարժարանում (1915), Էջմիածնի Գևորգյան Ճեմարանում (1916), Երևանի թեմական դպրոցում (1918), ավարտել է Կ․ Պոլսի Ռոբերտ քոլեջը (1926), ապա՝ Կոլումբիայի համալսարանը (1932)։ 1937 թվականին նույն համալսարանում ստացել է փիլիսոփայական գիտությունների դոկտորի աստիճան։ 1938–67 թվականներին պաշտոնավարել է Սպրինգֆիլդի քոլեջում, որտեղ ստացել է պատվավոր դոկտորի տիտղոս։ 1968 թվականից դասավանդել է Սան–Դիեգոյի (ԱՄՆ) համալսարանում։ Արսենյանի գիտական աշխատությունները վերաբերում են երկու լեզուների (բիլինկուիզմ) ուսուցման և մտավոր զարգացման հոգեբանության բնագավառին։ 1963 թվականին այցելել է Սովետական Հայաստան և դասախոսություններ կարդացել Երևանի Խ․ Աբովյանի անվ․ հայկական մանկավարժական ինստիտուտում։ Հայաստանի մշակույթի վերելքի մասին հոդվածներ է տպագրել արտասահմանի առաջադեմ մամուլում։

Գրականություն

• Bilingualism and mental development, N․ Y․, 1937; Humanics and higher education,

Աղբիւրներ

• Հայ Հանրագիտակ, Հ. Մկրտիչ Վարդ. Պոտուրյան, 1938, Պուքրեշ, Հատոր Բ, էջ 302։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 2, էջ 113)։