Սարգիս Ամիրխանյան

Սարգիս Ամիրխանյան;
Ծնվել է	1910
Ծննդավայր	Սռիգեղ, Ղազախի գավառ, Ելիզավետպոլի նահանգ, Կովկասի փոխարքայություն, Ռուսական կայսրություն
Քաղաքացիություն	Ռուսական կայսրություն և ԽՍՀՄ
Կրթություն	Հայկական պետական մանկավարժական համալսարան (1940)
Մասնագիտություն	մանկավարժ
Պարգևներ և ; մրցանակներ	և

Սարգիս Առաքելի Ամիրխանյան (1910, Սռիգեղ, Ղազախի գավառ, Ելիզավետպոլի նահանգ, Կովկասի փոխարքայություն, Ռուսական կայսրություն), հայ մանկավարժ։ Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) մասնակից։

Կենսագրություն[խմբագրել | խմբագրել կոդը]

Սարգիս Ամիրխանյանը ծնվել է 1910 թվականին, Իջևանի շրջանի Սարիգյուղում։ Միջնակարգ կրթությունը ստացել է Դիլիջան քաղաքում։ 1940 թվականին ավարտել է Երևանի հայկական մանկավարժական ինստիտուտը։ 1931-1932 թվականներին աշխատել է Թումանյանի շրջանի Դսեղ գյուղի դպրոցի տնօրեն^[1]։

1941 թվականի հունիսի 23-ին կամավոր մեկնել է ռազմաճակատ, կռվել 47-րդ բանակի 236 դիվիզիայի 814-րդ գնդում, որպես վաշտի, ապա՝ գումարտակի հրամանատար։ Նրա գումարտակը աչքի է ընկել Ղրիմի ազատագրման մարտերում։ Ռազմաճակատում Ամիրխանյանը ծանր վիրավորվել է և տեղափոխվել թիկունք։ Ապաքինվելուց հետո վերադարձել է գործող բանակ, մարտնչել է 409-րդ հրաձգային դիվիզիայում, որը գտնվել է Ռումինիայում։ Առողջության վատթարացման պատճառով 1944 թվականի օգոստոսին Ամիրխանյանը զորացրվել է բանակից՝ փոխգնդապետի կոչումով^[1]։

Խորհրդա-գերմանական պատերազմում ցուցաբերած արիության ու տոկունության համար Ամիրխանյանը պարգևատրվել է Կարմիր դրոշի, Հայրենական պատերազմի 1-ին աստիճանի, Կարմիր աստղի շքանշաններով և մի շարք մեդալներով^[1]։

Զորացրվելուց հետո աշխատել է որպես Կիրովականի քաղսովետի գործկոմի նախագահ, ապա նախագահի տեղակալ, որտեղից էլ անցել է կենսաթոշակի^[1]։

Պարգևներ[խմբագրել | խմբագրել կոդը]

Կարմիր դրոշի շքանշան
Հայրենական պատերազմի 1-ին աստիճանի շքանշան
Կարմիր աստղի շքանշան

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 Հայաստանի ուսուցիչները Մեծ հայրենականում։ 3 գիրք։ Հարությունյան, Աշոտ Հովսեփի, Մելքումյան, Հայկազ Ստեփանի, Սուքիասյան, Աղվան Ղազարի։ Երևան, «Լույս», 1987:

[haygirk-1] 1,0 ^1,1 ^1,2 ^1,3 Հայաստանի ուսուցիչները Մեծ հայրենականում։ 3 գիրք։ Հարությունյան, Աշոտ Հովսեփի, Մելքումյան, Հայկազ Ստեփանի, Սուքիասյան, Աղվան Ղազարի։ Երևան, «Լույս», 1987:

[1]