Սայմոն Կոլիզիմո

Վիքիպեդիայից՝ ազատ հանրագիտարանից
Սայմոն Կոլիզիմո
Քաղաքացիությունը  Ավստրալիա
Ծննդյան ամսաթիվ հունվարի 8, 1979(1979-01-08)[1][2][3] (45 տարեկան)
Ծննդավայր Մելբուռն, Ավստրալիա
Հասակ 184 սանտիմետր
Քաշ 75 կիլոգրամ
Դիրք կիսապաշտպան

Սայմոն Կոլիզիմո (անգլ.՝ Simon Colosimo, հունվարի 8, 1979(1979-01-08)[1][2][3], Մելբուռն, Ավստրալիա), ավստրալիացի ֆուտբոլիստ, իտալական ծագմամբ պաշտպան։ Հայտնի է «Պերտ Գլորի», «Մելբուռն Սիթի», «Սիդնեյ ՖԱ» և Ավստրալիայի ֆուտբոլի ազգային հավաքականի կազմում խաղերով։ 2000 թվականի Օլիմպիական խաղերի մասնակից է։

Ակումբային կարիերա[խմբագրել | խմբագրել կոդը]

Կոլոզիմոն պրոֆեսիոնալ կարիերան սկսել է «Կարլթոն» ֆուտբոլային ակումբի կազմում հանդես գալով։ Հաջող մրցաշրջանից հետո նրա նկատմամբ հետաքրքրություն են ցուցաբերել Գերմանիայի «Բավարիա» և Հունաստանի «Պանաթինաիկոս» ֆուտբոլային ակումբները, սակայն Ավստրալիայի ֆուտբոլի ազգային հավաքականի Անգլիայի «Մանչեսթեր Յունայթեդ»-ի դեմ ընկերական խաղի ժամանակ Էնդի Կոուլի հետ ընդհարման պատճառով ծնկի լուրջ վնասվածք է ստացել[4]։ Արդյունքում մի քանի բարդ վիրահատությունից և երկարատև վերականգնումից հետո Կոլոզիմոն կարողացել է խաղադաշտ վերադառնալ միայն կես տարի անց։ 2000 թվականին նա մրցաշրջանն անցկացրել է «Սաութ Մելբուրնի» կազմում, որից հետո որոշել է հեռանալ Ավստրալիայից և ընդունել «Մանչեսթեր Սիթի»-ի հրավերը։ Սայմոնը չի կարողացել հարմարվել Եվրոպայում և Անգլիայում և Բելգիայի «Անտվերպեն»-ում անցկացրած երկու անհաջող մրցաշրջաններից հետո վերադարձել է հայրենիք։ Նրա նոր թիմն է դարձել «Պերտ Գլորի»-ն, որին Կոլոզիմոն օգնել է հաղթել Ազգային լիգայում։ Հաջորդ մրցաշրջանը նա անցկացրել է «Պարրամատտա Փաուեր»-ում, ապա մեկնել Է մալայզիական «Պահանգ», որի հետ հաղթել է տեղի Սուպերլիգան։

2005 թվականին Սայմոնը վերադարձել է «Պերտ Գլորի»՝ կնքելով երեք տարվա պայմանագիր։ 2007 թվականին նա կարճաժամկետ գործուղման է մեկնել Թուրքիա՝ վարձավճարով հանդես գալով «Սիվասպոր»-ում։ Կոլոզիմոյի վերադարձից հետո ընտրվել է թիմի ավագ[5]։

2008 թվականին նրա պայմանագիրը «Գլորի»-ի հետ ավարտվել է և Սայմոնը ազատ գործակալի կարգավիճակով տեղափոխվել է «Սիդնեյ»։ Նա երկու տարվա պայմանագիր է կնքել և օգնել է թիմին 2010 թվականին հաղթել Ա լիգայում։ Պայմանագրի ավարտից հետո Կոլոզիմոն տեղափոխվել է «Մելբուրն Սիթի»։  Օգոստոսի 5-ին «Սենտրալ Կոստ Մարինես»-ի դեմ խաղում նա նորամուտ է նշել նոր ակումբում։ Դեկտեմբերի 17-ին «Ադելաիդա Յունայթեդ»-ի դեմ խաղում խփել է իր առաջին գոլը «Սիթիի» կազմում[6]։ 2013 թվականին Կոլիզիմոն աշխատանքի է մեկնել հնդկական «Դեմպո»։ Սեպտեմբերի 22-ին «Շիլոնգ Լայոնգ»-ի դեմ խաղում նորամուտ է ունեցել Հնդկաստանի ֆուտբոլի առաջնությունում[7]։ 2014 թվականին Սայմոնը վերադարձել է հայրենիք, որտեղ ավարտել է կարիերան «Գոուլբերն Ուոլեյ Սանս» ակումբում։

Միջազգային կարիերա[խմբագրել | խմբագրել կոդը]

1999 թվականին Սայմոնը խաղացել է Նիգերիայում աշխարհի երիտասարդական առաջնությունում։

2000 թվականին նա մասնակցել է հարկի տակ Օլիմպիական խաղերին։ Մրցախաղում նա հանդես է եկել Իտալիայի[8], Նիգերիայի[9], Հոնդուրասի[10] թիմերի դեմ խաղերում։

2001 թվականի ապրիլի 11-ին Ամերիկյան Սամոայի հավաքականի դեմ 2002 թվականի աշխարհի առաջնության ընտրական մրցաշարի խաղում Սայմոնը դուբլի հեղինակ է դարձել՝ առաջին գոլերը խփելով ազգային թիմում[11]։ 2005 թվականին նա մասնակցել է Կոնֆեդերացիայի գավաթին։ Մրցախաղում խաղացել է Թունիսի ֆուտբոլի ազգային հավաքականի դեմ խաղում[12]։

2000 և 2004 թվականներին շահել է ՕՖԿ-ի ազգային գավաթը։

Գոլեր Ավստրալիայի ազգային հավաքականի կազմում[խմբագրել | խմբագրել կոդը]

# Տարի Վայր Հակառակորդ Հաշիվ Արդյունք Մրցախաղ
01. 11 ապրիլի 2001 Քոֆս Հարբոր, Ավստրալիա Ամերիկյան Սամոա Ամերիկյան Սամոայի ֆուտբոլի ազգային հավաքական 18:0 31:0 Աշխարհի առաջնություն 2002 որակավորում
02. 11 ապրիլի 2001 Քոֆս Հարբոր, Քոֆս Հարբոր, Ավստրալիա Ամերիկյան Սամոա Ամերիկյան Սամոայի ֆուտբոլի ազգային հավաքական 27:0 31:0 Աշխարհի առաջնություն 2002 որակավորում
03. 9 հունիսի 2005 Կրեյվեն քոթեջ, Լոնդոն, Անգլիա Նոր Զելանդիա Նոր Զելանդիայի ֆուտբոլի ազգային հավաքական 1:0 1:0 Ընկերական խաղ

Ձեռքբերումներ[խմբագրել | խմբագրել կոդը]

Ակումբային

Ավստրալիա Պերտ Գլորի

  • Ֆուտբոլի ազգային լիգա— 2002/2003

Մալայզիա Պահանգ

  • Մալազիայի ֆուտբոլի առաջնություն — 2004

Ավստրալիա Սիդնեյ ՖԱ

  • Ավստրալիայի ֆուտբոլի առաջնություն — 2009/2010

Միջազգային

Ավստրալիա Ավստրալիայի ֆուտբոլի ազգային հավաքական

Ծանոթագրություններ[խմբագրել | խմբագրել կոդը]

  1. ↑ 1,0 1,1 http://www.tff.org/Default.aspx?pageId=30&kisiId=1020168
  2. ↑ 2,0 2,1 Transfermarkt.com(բազմ․) — 2000.
  3. ↑ 3,0 3,1 FBref.com(բազմ․)
  4. ↑ «Out of action – Carlton club threatens legal action». 1999 թ․ հուլիսի 19. Արխիվացված է օրիգինալից 2007 թ․ սեպտեմբերի 30-ին. Վերցված է 2007 թ․ օգոստոսի 7-ին.
  5. ↑ «Colosimo new Perth skipper». The World Game. SBS. 2007 թ․ օգոստոսի 8. Արխիվացված է օրիգինալից 2012 թ․ սեպտեմբերի 14-ին. Վերցված է 2008 թ․ հունվարի 19-ին.
  6. ↑ «Аделаида Юнайтед VS. Мельбурн Сити 1:2» (ռուսերեն). soccerway.com. 2010 թ․ դեկտեմբերի 17.
  7. ↑ «Демпо VS. Шиллонг Лайонг 0:3» (ռուսերեն). soccerway.com. 2013 թ․ սեպտեմբերի 22.
  8. ↑ «Австралия (до 23) VS. Италия (до 23) 0:1» (ռուսերեն). fifa.com. 2000 թ․ սեպտեմբերի 13.
  9. ↑ «Австралия (до 23) VS. Нигерия (до 23) 2:3» (ռուսերեն). fifa.com. 2000 թ․ սեպտեմբերի 16.
  10. ↑ «Австралия (до 23) VS. Гондурас (до 23) 1:2» (ռուսերեն). fifa.com. 2000 թ․ սեպտեմբերի 19.
  11. ↑ «Австралия VS. Американское Самоа 31:0» (ռուսերեն). soccerway.com. 2001 թ․ ապրիլի 11.
  12. ↑ «Австралия VS. Тунис 0:2» (ռուսերեն). soccerway.com. 2005 թ․ հունիսի 21.

Արտաքին հղումներ[խմբագրել | խմբագրել կոդը]

 ⛭ 
  Թեմատիկ կայքեր
Ստացված է «https://hy.wikipedia.org/w/index.php?title=Սայմոն_Կոլիզիմո&oldid=9794825» էջից