Ռուժոմբերոկ ՖԱ

	'
Երկիր	Սլովակիա

«Ռուժոմբերոկ ՖԱ» ( սլովակ.՝ MFK Ružomberok. ruʐɔmberɔk), սլովակյան ֆուտբոլային ակումբ Ռուժոմբերոկ քաղաքից:

Ակումբի և քաղաքի դրոշի ավանդական գույներն են սպիտակը, դեղինը և կարմիրը։ 2005 թվականին ֆուտբոլային ակումբի նոր հովանավոր Mondi Business Paper SCP-ն ներկայացրեց նրա մարզազգեստի նոր հավաքածուն՝ սպիտակ, նարնջագույն և սև գույներով: Ակումբի մարզական ամենամեծ ձեռքբերումը 2006 թվականին Սլովակիայի ֆուտբոլի բարձրագույն խմբի առաջնության չեմպիոնի և գավաթի խաղարկության հաղթողի տիտղոսների նվաճումն է: Մեծ թիվ են կազմում «Ռուժոմբերոկ ՖԱ»-ի այն ֆուտբոլիստները, ովքեր հրավիրվել են խաղալու Սլովակիայի ազգային հավաքականում: Մի շարք խաղացողներ էլ մի քանի տարի «Ռուժոմբերոկ ՖԱ»-ում հանդես գալուց հետո տեղափոխվել են ավելի բարձրակարգ ակումբներ: Վերջիններիս թվում են Մարեկ Սապարան (1,3 մլն. եվրոյի դիմաց տեղափոխվել է նորվեգական «Ռոզենբորգ»^[1]), Տոմաշ Բոբչեկը, Մարտին Ռեգալին, Յան Մասլոն, Էրիկ Ենդրիշեկը, ովքեր 0,5-06 մլն. եվրոյի դիմաց տեղափոխվել են համապատասխանաբար լեհական «Լեխիա»^[2], բելգիական «Կ. Վ. Կորտրիյկ»^[3], ուկրաինական «Վոլին»^[4], գերմանական «Կայզերսլաութեռն»^[5], ապա՝ «Հաննովեր 96»^[6]...

Ձեռքբերումներ

Սլովակիայի չեմպիոն (1 անգամ): 2006 թ.
Սլովակիայի առաջնության արծաթե մեդալակիր (1 անգամ): 2022 թ.
Սլովակիայի առաջնություն բրոնզե մեդալակիր (4 անգամ): 2001, 2004, 2017, 2019 թթ.
Սլովակիայի գավաթի խաղարկության հաղթող: 2006 թ.

Մրցելույթներ եվրոպական գավաթային մրցաշարերում

Մրցաշրջանը	Մրցաշարը	Մրցափուլը	Մրցակիցը	1-ին հանդիպում	2-րդ հանդիպում	Արդյունքը
2001/02	ՈՒԵՖԱ-ի գավաթ	Q	Բելառուս, Բելշինա	3:1	0:0	3:1
		1R	Ֆրանսիա, Տրուա	1:6	1:0	2:6
2006/07	ՈՒԵՖԱ-ի Չեմպիոնների լիգա	2Q	Շվեդիա, Յուրգորդեն	0:1	3:1	3:2
		3Q	Ռուսաստան, ԲԿՄԱ (Մոսկվա)	0:2	0:3	0:5
2006/07	ՈՒԵՖԱ-ի գավաթ	1R	Բելգիա, Բրյուգե	0:1	1:1	1:2
2017/18	Եվրոպա լիգա	1Q	Սերբիա, Վոյվոդինա	1:2	2:0	3 : 2
		2Q	Նորվեգիա, Բրանն	0:1	2:0	2:1
		3Q	Անգլիա, Էվերտոն	0:1	0:1	0:2
2019/20	Եվրոպա լիգա	1Q	Բուլղարիա, Լևսկի	0:2	0:2	0:4
2020/21	Եվրոպա լիգա	1Q	Շվեյցարիա, Սերվետ	0:3
2022/23	Կոնֆերենցիաների լիգա	1Q	Լիտվա, Կաունո Ժալգիրիս	2:0	0:0	2:0
		2Q	Լատվիա, Ռիգա	0:3	1:2	1:5