Jump to content

Ռուդոլֆ Ցվետկո

Վիքիպեդիայից՝ ազատ հանրագիտարանից
Ռուդոլֆ Ցվետկո
Անձնական տեղեկություն
Սեռ՝արական
Մասնագիտացում՝սուսերամարտիկ և սպա
Երկիր՝ Ավստրո-Հունգարիա
Ծննդյան ամսաթիվ՝նոյեմբերի 17, 1880(1880-11-17) կամ 1880[1]
Ծննդավայր՝Կրան, Կրայնա դքսություն, Ավստրո-Հունգարիա
Մահվան ամսաթիվ՝դեկտեմբերի 15, 1977(1977-12-15) կամ 1977[1]
Մահվան վայր՝Լյուբլյանա, Սլովենիայի Սոցիալիստական Հանրապետություն, ՀՍՖՀ

Ռուդոլֆ Ցվետկո (սլովեներեն՝ Rudolf Cvetko. նոյեմբերի 17, 1880(1880-11-17) կամ 1880[1], Կրան, Կրայնա դքսություն, Ավստրո-Հունգարիա - դեկտեմբերի 15, 1977(1977-12-15) կամ 1977[1], Լյուբլյանա, Սլովենիայի Սոցիալիստական Հանրապետություն, ՀՍՖՀ), սլովենիացի նախկին սուսերամարտիկ, ով հաջողությամբ մասնակցել է 1912 թվականին Շվեդիայի մայրաքաղաք Ստոկհոլմում անցկացված ամառային օլիմպիական խաղերին[2]։ Նա դարձել է օլիմպիական խաղերին մասնակցելու իրավունք ստացած և օլիմպիական մեդալ նվաճած առաջին սլովենիացի մարզիկը։ Օլիմպիադայում հանդես է եկել Ավստրիայի թրասուսերակիրների թիմում և նրա կազմում արժանացել արծաթե մեդալի[3] (առաջին տեղը գրավել և ոսկե մեդալով պարգևատրվել են հունգարացի մարզիկները)։

Կենսագրություն[խմբագրել | խմբագրել կոդը]

Ռուդոլֆը ծնվել է Սենոժեչե քաղաքում, սլովենիացի ոստիկան Յանեզ Ցվետկոյի ընտանիքում։ Մանուկ հասակում ընտանիքով տեղափոխվել է Լյուբլյանա, որտեղ էլ նա ավարտել է տարրական դպրոցը։ Միջնակարգն ավարտել է Տրիեստում, այնուհետև 13 տարի ծառայել Զագրեբում տեղակայված 16-րդ հունգարական (խորվաթական) հետևակային գնդում, արժանացել լեյտենանտի զինվորական կոչման։ 1904 թվականից սկսել է զբաղվել մարզական սուսերամարտով, 1905 թվականին դարձել սուսերամարտի հրահանգիչ, 1908 թվականին՝ մարզաձևի հիմնական մարզիչ։ 1912 թվականին մասնակցել է օլիմպիական խաղերին։ Բանակից զորացրվելուց հետո դասավանդել է Գորիցայի պետական դպրոցում։ Առաջին համաշխարհային պատերազմի սկզբից դարձյալ զորակոչվել է, աչքի ընկել մարտերում, ստացել կապիտանի կոչում, պարգևատրվել «Մարտական ծառայությունների համար» բրոնզե մեդալով։

Առաջին աշխարհամարտից հետո ծառայության է անցել ոստիկանությունում, որտեղ 1926 թվականին արդեն գնդապետի կոչում ուներ։ Թոշակի է անցել, ղեկավարել «Իլլիրիա» մարզական ակումբի սուսերամարտի բաժինը։ Երկրորդ համաշխարհայինից հետո երիտասարդ մարզիկներ է պատրաստել «Տաբոր» մարզական ակումբում, միաժամանակ աշխատել Սլովենիայի սուսերամարտի միությունում։ Բացի այդ, Լյուբլյանայում գործող թատերական արվեստների ակադեմիայում և ֆիզիկական կուլտուրայի ինստիտուտում աշխատել է որպես սուսերամարտի հրահանգիչ։ Բեղմնավոր աշխատանքի համար արժանացել է բազմաթիվ պարգևների։

2012 թվականին Ռուդոլֆ Ցվետկոյին, հետմահու, պավավոր անկյուն են հատկացրել սլովենական սպորտի հերոսների սրահում։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 Չեխիայի ազգային գրադարանի կատալոգ
  2. «Rudolf Cvetko». Olympedia. Վերցված է 2021 թ․ մայիսի 16-ին.
  3. «Rudolf Cvetko Olympic Results». sports-reference.com. Արխիվացված է օրիգինալից 2020 թ․ ապրիլի 22-ին. Վերցված է 2010 թ․ ապրիլի 5-ին.

Գրականություն[խմբագրել | խմբագրել կոդը]

  • Enciklopedija Slovenije, s.v. »Cvetko, Rudolf«
  • Rudolf Cvetko : zbornik, ur. Tomaž Pavlin, Pomembne osebnosti slovenskega športa, ur. Rajko Šugman (Ljubljana, 2002).

Արտաքին հղումներ[խմբագրել | խմբագրել կոդը]

Վիքիպահեստն ունի նյութեր, որոնք վերաբերում են «Ռուդոլֆ Ցվետկո» հոդվածին։