Ռոբերտ Գեյր

Ռոբերտ Գեյր;
Ծնվել է	1839
Ծննդավայր	Շոտլանդիա, Մեծ Բրիտանիայի և Իռլանդիայի միացյալ թագավորություն
Մահացել է	1927
Մահվան վայր	ԱՄՆ
Քաղաքացիություն	Միացյալ Թագավորություն և ԱՄՆ
Մասնագիտություն	գյուտարար
	Robert Gair Վիքիպահեստում

Ռոբերտ Գեյր (անգլ.՝ Robert Gair, 1839^[1], Շոտլանդիա, Մեծ Բրիտանիայի և Իռլանդիայի միացյալ թագավորություն - 1927^[1], ԱՄՆ), գյուտարար, որը ստվարաթղթե փաթեթավորման հեղինակն է։

Կենսագրություն[խմբագրել | խմբագրել կոդը]

1853 թվականին ընտանիքի հետ Էդինբուրգից (Շոտլանդիա) գաղթել է ԱՄՆ։ Հոր հետ միասին Նյու Ջերսիում աշխատել է սանտեխնիկ, հետո Նյու Յորքում զբաղվել է մանրածախ առևտրով։ ԱՄՆ-ի քաղաքացիական պատերազմի ընթացքում ծառայել է դաշնային բանակում։ 1864 թվականին Մանհեթենում բացել է իր առաջին թղթի գործարանը^[2]։ Այդ ընթացքում Գեյրը զբաղվել է թղթե տոպրակների արտադրությամբ։ Սկզբնական փուլում դրանք պատրաստվել են ձեռքով՝ կանանց աշխատանքի կիրառմամբ, իսկ հետագայում՝ հատուկ սարքավորումներով (ամենամեծ չափի տոպրակները նախատեսված էին կրինոլինների փաթեթավորման համար)^[3]։ 1879 թվականին Գեյրը մշակել է տարաների համար ստվարաթղթե փաթեթավորման պատրաստման տեխնոլոգիան^[4]։ 1890-ական թվականներին Bloomingdale’s, Colgate, Pond’s առևտրական ցանցերի և մի քանի ծխախոտային ընկերությունների պատվերով նա արտադրել է ստվարաթղթե փաթեթավորում։ Ամենամեծ հաջողությանը գործարարը հասել է 1896 թվականին, երբ National Biscuit Company (Nabisco)-ը իր հայտնի «Uneeda» բիսկվիտները սկսել է փաթեթավորել Գեյրի արտադրած ստվարաթղթերով^[5]։ 1900-ական թվականներին նա մտել է ծալքավոր ստվարաթղթերից պատրաստված տուփերի բիզնես, որը հետագայում զարգացվել է E. S. & A. Robinson ընկերության կողմից, որի հետ Գեյրը ունեցել է գործնական սերտ հարաբերություններ^[6]։

Գեյրը դարձել է թղթե կայսրության հիմնադիրը և Բրուքլինի մի քանի շենքերի սեփականատերը, որոնցից շատերը 21-րդ դարում դեռ կրում են նրա անունը^[7]։ մահացել է 88 տարեկանում։

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 Faceted Application of Subject Terminology
↑ «Gairville, Brooklyn» (անգլերեն). New York History Walks. Վերցված է 2013 թ․ նոյեմբերի 27-ին.
↑ Twede and Selke, 2005, p. 33.
↑ Gray, Christofer (2004 թ․ մարտի 14). «Streetscapes: Robert Gair, Dumbo and Brooklyn; Neighborhood's Past Incised in Its Facades» (անգլերեն). New York Times. Վերցված է 2013 թ․ նոյեմբերի 27-ին.
↑ Chappell Ellison. «Inventing the Cardboard Box» (անգլերեն). Etsy. Արխիվացված է օրիգինալից 2013 թ․ դեկտեմբերի 3-ին. Վերցված է 2013 թ․ նոյեմբերի 27-ին.
↑ «Robinsons of Bristol. , 1945, p. 1». ES&A Robinson, Darwin, Bernard.
↑ Andrew Dolkart, 2008, p. 226.

Գրականություն[խմբագրել | խմբագրել կոդը]

Dolkart A. Guide to New York City Landmarks. — John Wiley & Sons, 2008. — 451 p. — ISBN 978-04-7028-963-1
Twede D., Selke S. E. M. Cartons, Crates and Corrugated Board: Handbook of Paper and Wood Packaging Technology. — DEStech Publications, Inc, 2005. — 517 p. — ISBN 978-19-3207-842-8

Արտաքին հղումներ[խմբագրել | խմբագրել կոդը]

Chappell Ellison. «Inventing the Cardboard Box» (անգլերեն). Etsy. Արխիվացված է օրիգինալից 2013 թ․ դեկտեմբերի 3-ին. Վերցված է 2013 թ․ նոյեմբերի 27-ին.

Վիքիպահեստն ունի նյութեր, որոնք վերաբերում են «Ռոբերտ Գեյր» հոդվածին։

[_9358182a5bcb69f9-1] 1,0 ^1,1 ^1,2 ^1,3 ^1,4 Faceted Application of Subject Terminology

[2] «Gairville, Brooklyn» (անգլերեն). New York History Walks. Վերցված է 2013 թ․ նոյեմբերի 27-ին.

[3] Twede and Selke, 2005, p. 33.

[4] Gray, Christofer (2004 թ․ մարտի 14). «Streetscapes: Robert Gair, Dumbo and Brooklyn; Neighborhood's Past Incised in Its Facades» (անգլերեն). New York Times. Վերցված է 2013 թ․ նոյեմբերի 27-ին.

[5] Chappell Ellison. «Inventing the Cardboard Box» (անգլերեն). Etsy. Արխիվացված է օրիգինալից 2013 թ․ դեկտեմբերի 3-ին. Վերցված է 2013 թ․ նոյեմբերի 27-ին.

[6] «Robinsons of Bristol. , 1945, p. 1». ES&A Robinson, Darwin, Bernard.

[7] Andrew Dolkart, 2008, p. 226.

[1]

[2]

[3]

[4]

[5]

[6]

[7]