Jump to content

Ռեստլերը (ֆիլմ)

Վիքիպեդիայից՝ ազատ հանրագիտարանից
Ռեստլերը
անգլ.՝ The Wrestler
Երկիր ԱՄՆ
 Ֆրանսիա[1]
Ժանրդրամա[2][3][4][…] և սպորտային ֆիլմ
Թեմապրոֆեսիոնալ ըմբշամարտ[5], մարզական կարիերայի ավարտ[5], ծերացում[6], միայնություն[7] և ձախողում[6]
Թվականսեպտեմբերի 5, 2008, մայիսի 21, 2009[8] և փետրվարի 26, 2009[9]
Լեզուանգլերեն
ՌեժիսորԴարրեն Արոնոֆսկի[10][2][3][…]
ՊրոդյուսերԴարրեն Արոնոֆսկի և Սկոտ Ֆրենկլին
Սցենարի հեղինակՌոբերտ Սիգել
ԴերակատարներՄիքի Ռուրկ[10][11][3][…], Մարիսա Թոմեյ[10][11][12][…], Էվըն Ռէյչըլ Ուուտ[10][11][12][…], Մարկ Մարգոլիս[10][11][4], Էռնեստ Միլլեր[11][4], Չուդա Ֆրիդլենդեր[11][12][4], Աջայ Նայդու[11], Սեզարո[11], Նայջել ՄակԳինես, Ջեյ Լիթալ, Ջոն Դ'Լեո[11], R-Truth[11] և Նեկրո Բուտչեր
ՕպերատորՄարիզա Ալբերտի[13][14][15]
ԵրաժշտությունՔլինթ Մենսել
ՄոնտաժԷնդրյու Վայսբլում
Պատմվածքի վայրՆյու Ջերսի
Նկարահանման վայրՆյու Յորք և Նյու Ջերսի
ԿինոընկերությունSaturn Films, Wild Bunch և Protozoa Pictures
Տևողություն105 րոպե
Բյուջե6 000 000 $[16]
Շահույթ44 700 000 $[16]
Պաշտոնական կայքէջ
 The Wrestler (film) Վիքիպահեստում
Միքի Ռուրկը (ձախից) և Ռիկ Ֆլեյրը Ռեսլմանիա XXV-ի ժամանակ

«Ռեստլերը» (անգլ.՝ The Wrestler), ռեժիսոր Դարեն Արոնոֆսկու կողմից 2008 թվականին նկարահանված սպորտային դրամա։ Գլխավոր դերում խաղում է Միքի Ռուրկը, ով 2009 թվականին ներկայացվում է Օսկարի` լավագույն դերասանի անվանակարգում։

Ռուրկը մարմնավորում է պատկառելի տարիքի հասած մի պրոֆեսիոնալ ըմբշամարտիկի, ով չնայած ունեցել էր մեծ հաջողություններ 80-ականներին, սակայն արդեն քիչ հայտնի էր և դեռ շարունակում էր հանդես գալ տարբեր մանր կազմակերպություններում` մասամբ երբեմնի փառքը վերականգնելու և ինչ-որ տեղ նաև գոյատևելու համար։

Ֆիլմը 2008 թվականին Վենետիկի կինոփառատոնում ստանում է «Ոսկե առյուծ» մրցանակը, իսկ Միքի Ռուրկը ստանում է BAFTA մրցանակ, Ոսկե Գլոբուս, ինչպես նաև «Անկախ ոգի» կոչվող մրցանակ։ Մարիսա Տոմեյը նույնպես առաջադրվում է Ակադեմիայի մրցանակաբաշխության լավագույն երկրորդ պլանի դերասանուհու անվանակարգում։

Ֆիլմի սյուժեն

[խմբագրել | խմբագրել կոդը]

Ռոբին Ռեմզինսկին (Միքի Ռուրկ), առավել հայտնի որպես Ռենդի «Բաբան» Ռոբինսոն (անգլ.` Randy "The Ram" Robinson), պրոֆեսիոնալ ըմբշամարտիկ (ռեստլեր) է, ով 1980-ականներին հասել էր կարիերայի բարձարկետին։ 20 տարի հետո նրա փառքն արդեն խամրել էր, սակայն նա ժամանակ առ ժամանակ հանդես էր գալիս Նյու Ջերսիի տարբեր անկախ կազմակերպություններում։ Ռենդին կանոնավոր այցելում էր տեղի սթրիփ ակումբներից մեկը, որտեղ ընկերանում է Կասիդի անունով մի պարուհու (Մարիսա Տոմեյ) հետ։ Վերջինս, ինչպես և Ռենդին, արդեն ծերանում էր իր աշխատանքի համար։ Ռենդին շուտով ստանում է առաջարկ մենամարտելու իր քսան տարվա «վաղեմի թշնամի» Այոթոլայի հետ (Էռնեստ Միլլեր) և ստիպված է լինում ինտենսիվ պարապել մարտի համար՝ օգտագործելով նաև ստերոիդներ։

Հաջորդ ծանր ռեստլինգային մարտից հետո Ռենդին հանդերձասրահում սկսում է իրեն վատ զգալ. հետ տալուց և ուշաթափվելուց հետո Ռենդին աչքերը բացում է հիվանդանոցի պալատում, որտեղ բժիշկը նրան ասում է, որ այդ ընթացքում բժշկական անձնակազմը կատարել է սրտի վիրահատություն, որից հետո բժիշկը խստիվ կերպով զգուշացնում է, որ Ռենդին թոշակի անցնի, հակառակ դեպքում՝ կմահանա։ Ռենդին ստիպված հետևում է բժշկի խորհրդին և որոշում է ամեն ինչ սկսել նոր էջից. աշխատանքի է անցնում տեղի սուպերմարկետներից մեկի մսի բաժնում՝ որպես հսկիչ-վաճառող։

Կասիդիի առաջարկով Ռենդին որոշում է այցելել և հարաբերությունները վերականգնել դեռահաս աղջկա՝ Ստեֆանիի հետ (Էվան Ռեյչել Վուդ), ում նա լքել էր երեխա ժամանակ։ Աղջիկը չի ընդունում հորը։ Ստեֆանիի սիրտը շահելու համար Ռենդին Կասիդիի օգնությամբ գնում է հագուստի խանութ՝ որևէ շոր գնելու և աղջկան նվիրելու համար։ Այդ ընթացքում Կասիդին բացահայտում է, որ արու զավակ ունի։ Ռենդին խոստովանում է, որ սիրում է Կասիդիին, սակայն վերջինս վանում է նրան՝ պատճառաբանելով աշխատանքի բնույթը։ Հետո Ռենդին աղջկան է տալիս նվերները ու ներողություն խնդրում։ Հոր և աղջկա հարաբերությունները զգալիորեն լավանում են։ Ստեֆանին Ռենդիին հրավիրում է ընթրիքի՝ եկող շաբաթ օրը։

Ռենդին գնում է Կասիդիի աշխատավայր և շնորհակալություն հայտնում օգնության համար, որից հետո կրկին է առաջարկում իր սերը։ Նորից մերժում ստանալուց հետո, Ռենդին խիստ վիրավորվում է Կասիդիից և հեռանում ակումից։ Հանդիպելով իր ռեստլեր ընկերներին, Ռենդին այցելում է մի ռեստլինգային շոու, որից հետո ընկերների հետ գնում է բար։ Բարում հարբելուց և Կոկային ներշնչելուց հետո, Ռենդին բարի զուգարանում սեքսով է զբաղվում մի երիտասարդ կնոջ հետ։ Ամբողջ շաբաթ օրը քնած մնալով՝ նա բաց է թողնում աղջկա հետ հանդիպումը։ Գնալով աղջկա տուն՝ Ռենդին փորձում է ստանալ դստեր ներողամտությունը, սակայն վերջինս նրան չի ներում և դառնորեն հեկեկալով ասում է, որ էլ երբեք չի ուզում նրան տեսնել։

Սուպերմարկետում մի հաճախորդ ճանաչում է Ռենդիին, երբ վերջինս սպասարկում էր նրան։ Ռենդին, սակայն, հրաժարվում է ընդունել, որ ինքը 80-ականների գերաստղ Ռենդի Ռոբինսոնն է, քանի որ անցյալը նրան ցավ էր պատճառում։ Հաճախորդի անդադար պնդումներից ջղաձվելով և լարվելով՝ Ռենդին խստորեն վնասում է բութ մատը՝ այն պատահաբար դնելուվ միս կտրող գործիքի շեղբի տակ։ Արյան դուրս ժայթքումից և ցավից՝ Ռենդին գոռում է ամբողջ սուպերմարկետով և վիրավորում այնտեղի մարդկանց՝ ասելով, որ թքած ունի ամեն ինչի վրա և դուրս է գալիս այդ աշխատանքից։ Արդեն ոչինչ չմանալով՝ Ռենդին որոշում է հետ վերադառնալ դեպի պրոֆեսիոնալ ըմբշամարտ` ընունելով պրոմոտերների առաջարկը մասնակցելու «Ռենդի Ռոբինսոնն ընդդեմ Այոթոլայի» մարտի 20-ամյա տարեդարձին, որի շրջանակներում նա հանդիպելու էր իր 20 տարվա կարիերայի ամենահաջողված սցենարային հակառակորդին՝ Այոթոլային։ Կասիդին փորձում է Ռենդիին ետ պահել այդ մարտից՝ զգուշացնելով նրա սրտի վիճակի մասին։ Սակայն Ռենդին սկսում է աղիողորմ լաց լինել՝ ասելով, որ նա ամեն ինչ կորցրել է, և ամենքը թքած ունեն վրան, ուստի միակ բանը որ մնացել է՝ ռեստլինգն է։

Մարտի ժամանակ Ռենդին սկսում իրեն ոչ հաստատուն զգալ։ Այոթոլան Ռենդիին խնդրում է իրեն ծածկել (ռեստլինգում ռինգի վրա «անգիտակից» պառկած հակառակորդին խաչաձև ծածկելով է միայն որոշվում հաղթանակողը), սակայն վերջինս չի ուզում մարտն ավարտվել։ Ռենդին մագլցում է ռինգի անկյան գագաթը՝ որպեսզի կատարի իր «Ռեմ-Ջեմ» կոչվող ֆինիշերային հարվածը։ Նայելով ամբոխին՝ Ռենդին մի պահ մոռանում է ցավերի մասին և կատարում թռիչքը, որտեղ էլ հենց ֆիլմը ավարտվում է՝ անտեղյակ պահելով հետագա զարգացման մասին։

Դերերում

[խմբագրել | խմբագրել կոդը]
Ռուրկի հաջողված դերակատարումը նոր հետաքրքություն է առաջացնում դեպի իր անձը

Ծանոթագրություններ

[խմբագրել | խմբագրել կոդը]
  1. ↑ Unifrance — 1949.
  2. ↑ 2,0 2,1 http://www.imdb.com/title/tt1125849/
  3. ↑ 3,0 3,1 3,2 http://www.filmaffinity.com/en/film545673.html
  4. ↑ 4,0 4,1 4,2 4,3 http://www.ofdb.de/film/154942,The-Wrestler---Ruhm-Liebe-Schmerz
  5. ↑ 5,0 5,1 Cakarel E. MUBI — 2007.
  6. ↑ 6,0 6,1 The Wrestler — 2008.
  7. ↑ https://web.archive.org/web/20200430152739/http://archive.usccb.org/movies/W/wrestler.shtml
  8. ↑ http://nmhh.hu/dokumentum/158984/2009_filmbemutatok_osszes.xls
  9. ↑ http://www.kinokalender.com/film6929_the-wrestler.html
  10. ↑ 10,0 10,1 10,2 10,3 10,4 http://www.bbfc.co.uk/releases/wrestler-film
  11. ↑ 11,00 11,01 11,02 11,03 11,04 11,05 11,06 11,07 11,08 11,09 http://www.imdb.com/title/tt1125849/fullcredits
  12. ↑ 12,0 12,1 12,2 http://www.allocine.fr/film/fichefilm_gen_cfilm=86254.html
  13. ↑ http://core.collectorz.com/movies/the-wrestler-2008
  14. ↑ http://moviepolo.com/en/movie/12163/The+Wrestler-2008
  15. ↑ http://flickfacts.com/movie/586/the-wrestler
  16. ↑ 16,0 16,1 http://www.boxofficemojo.com/movies/?id=wrestler.htm

Արտաքին հղումներ

[խմբագրել | խմբագրել կոդը]
Վիքիքաղվածքն ունի նյութեր, որոնք վերաբերում են «Ռեստլերը (ֆիլմ)» հոդվածին։
Վիքիպահեստն ունի նյութեր, որոնք վերաբերում են «Ռեստլերը (ֆիլմ)» հոդվածին։
 ⛭ 
  Թեմատիկ կայքեր
Չափորոշչային վերահսկողություն
GND: 7658231-0 · SUDOC: 181685639 · VIAF: 204626064 · WorldCat VIAF: 204626064
Ստացված է «https://hy.wikipedia.org/w/index.php?title=Ռեստլերը_(ֆիլմ)&oldid=10125981» էջից