Ռիկ Ֆլեյր

Վիքիպեդիայից՝ ազատ հանրագիտարանից
Ռիկ Ֆլեյր
Ric Flair
Ռիկ Ֆլեյրը «NXT» հաղորդաշարի թողարկումներից մեկի ժամանակ
Իրական անուն Ռիչարդ Մորգան Ֆլեր
Richard Morgan Fliehr
Ռինգային անուն(ներ) Ռիկ Ֆլեյր[1]
Սև կարիճ[1]
Ընդհանուր տեղեկություններ
Հայտարարվող քաշ 110 կգ[2]
Հայտարարվող հասակ 1,85 մ[2]
Ծննդյան թվական փետրվարի 25, 1949 (67 տարեկան)
Ծննդավայր Ամերիկայի Միացյալ Նահանգներ Մեմֆիս, Թենեսի, ԱՄՆ
Ապրելավայր Ամերիկայի Միացյալ Նահանգներ Շառլոթ, Հյուսիսային Կարոլինա, ԱՄՆ
Մարզիչ Վեռն Գանյե
Դեբյուտ 1972
Կարիերայի ավարտ 2011
Ամուսին Լեսլի Գուդման (1971–83)
Էլիզաբեդ Ֆլեյր (1983–2006)
Տիֆանի ՎանԴեմարկ (2006–09)
Ջեքի Բիմս (2009-այժմ)
Երեխաներ 4
Ռիկ Ֆլեյրը և Միքի Ռուրկը «Ռեսլմանիա 25»-ի ժամանակ

Ռիչարդ Մորգան (Ռիկ) Ֆլեր[3] (անգլ.՝ Richard Morgan Fliehr, ծնվ.` փետրվարի 25, 1949), առավել հայտնի Ռիկ Ֆլեյր (Ric Flair) ռինգային անվամբ, ամերիկացի նախկին պրոֆեսիոնալ ըմբշամարտիկ (ռեստլեր), NWA (2008), WWE (2008, 2012) և Պրոֆեսիոնալ ըմբշամարտի փառքի սրահների (2006) անդամ։ Ունենալով ավելի քան 40 տարվա մասնագիտական կարիերա, Ֆլեյրը համարվում է ռեստլինգի բոլոր ժամանակների լավագույն մարզիկներից մեկը։ Առավել ուշագրավ և տևական կարիերա է ունեցել «National Wrestling Alliance» (NWA), «World Championship Wrestling» (WCW), the «World Wrestling Federation» (WWF, ավելի ուշ՝ WWE) և «Total Nonstop Action Wrestling» (TNA) կազմակերպություններում։

«WWE»-ն, «TNA»-ը և «Pro Wrestling Illustrated» պարբերականը Ֆլեյրին ճանաչում են որպես աշխարհի 16-ակի չեմպիոն (ութ անգամ NWA աշխարհի ծանրքաշային, վեց անգամ WCW աշխարհի ծանրքաշային և երկու անգամ WWF չեմպիոն)։ Ֆլեյրի աշխարհի չեմպիոնական տիտղոսների փաստացի քանակը, ըստ տարբեր աղբյուրների տատանվում է 16-ից 25-ի միջև։ «NWA», «WCW» և «WWE» կազմակերպություններում ընդհանուր առմամբ նվաճել է 31 չեմպիոնական գոտիներ։

2008 և 2012 թվականներին առաջադրվել է WWE փառքի սրահ՝ համապատասխանաբար որպես անհատ մարզիկ և որպես «Չորս հեծյալներ» խմբավորման անդամ (Արն Անդերսոնի, Օլ Անդերսոնի և Թալի Բլենչարդի հետ)։

Ծանոթագրություններ[խմբագրել | խմբագրել կոդը]

  1. 1,0 1,1 «Էջը OWOW.com կայքում»։ Ռեստլինգի առցանց բազա։ Վերցված է օգոստոսի 29, 2008 
  2. 2,0 2,1 «Էջը WWE.com կայքում»։ World Wrestling Entertainment։ Վերցված է մարտի 31, 2011 
  3. «Փաուեր սլեմ»։ Այս ամիսը պատմության մեջ՝ փետրվար (SW Publishing)։ հունվար, 1999։ էջ 28։ 55 (անգլ.)

Արտաքին հղումներ[խմբագրել | խմբագրել կոդը]