Ռենե Մագրիտի թանգարան

Վիքիպեդիայից՝ ազատ հանրագիտարանից
Ռենե Մագրիտի թանգարան
Տեսակպատմական շենք-թանգարան
Երկիր Բելգիա[1][2]
ՏեղագրությունԺետ[1][2]
ՀասցեRue Esseghem - Esseghemstraat? (135)
Հիմնադրվել է1925
Քարտեզ
Քարտեզ

Ռենե Մագրիտի թանգարան (ֆր.՝ Musée René Magritte, հոլ.՝ René Magritte Museum), բելգիացի սյուրռեալիստ նկարիչ Ռենե Մագրիտի ստեղծագործության արտացոլմանն ու լուսաբանմանը նվիրված թանգարան Բրյուսելի մայրաքաղաքային տարածքի բաղկացուցիչ մաս կազմող Ժետ քաղաքում[3], այն տանը, որտեղ նա ապրել ու ստեղծագործել է 24 տարի՝ 1930-1954 թվականներին[4]։ Բնակարանը, որտեղ ապրել են նա ու իր կինը՝ Ժորժետը, գտնվում է շենքի առաջին հարկում։ Երկրորդ ու երրորդ հարկերի սենյակները հատկացվել են նկարչի կենսագրության կարևոր դրվագներն արտացոլող նյութերի ցուցադրմանը[3]։ 1954 թվականին ամուսնական զույգը տեղափոխվել է Սխաարբեկ, բնակություն հաստատել ավելի ընդարձակ մի բնակարանում, սակայն, Ժորժետի վկայությամբ, Ժետում գտնվող բնակարանն առավել կարևոր դեր է խաղացել Ռենեի կյանքում ու ստեղծագործական գործունեության մեջ։

Արվեստի գործերի հավաքորդ, բելգիական սյուրռեալիզմով տարված Անդրե Գարիտը 1993 թվականին գնել է այդ շենքը, վերանորոգել և նրա գործադրած ջանքերի շնորհիվ Մագրիտի ծննդյան 100-ամյա հոբելյանի տարում՝ 1998 թվականին, թանգարանն իր դռները բացել է հանրության առաջ։ 2000-ական թվականներին, անհրաժեշտ վերակառուցման հետ կապված մեծածավալ աշխատանքների իրականացման պատճառով, թանգարանը որոշ ժամանակ փակվել է։ Վերաբացվել է 2009 թվականին[5]։

2009 թվականի սեպտեմբերի 24-ին թանգարանում ավազակային հարձակում է տեղի ունեցել. երկու անձնավորություն հափշտակել են «Օլիմպիա» նկարը, որը գնահատված էր 750 000 եվրո[6]։ Երկու տարի անց գողերը միջնորդի միջոցով նկարը վերադարձրել են թանգարանին[7]։

Տես նաև[խմբագրել | խմբագրել կոդը]

Ռենե Մագրիտ

Ծանոթագրություններ[խմբագրել | խմբագրել կոդը]

  1. 1,0 1,1 Wiki Loves Monuments monuments database — 2017.
  2. 2,0 2,1 https://erfgoedkaart.be/?id=9587
  3. 3,0 3,1 «René Magritte Museum»։ Museum website։ Վերցված է 25 May 2016 
  4. «René Magritte Museum toont ongeziene werken van kunstenaar» (Dutch)։ De Redactie։ 21 February 2014։ Վերցված է 27 May 2016 
  5. Mund Sabine (2009)։ «André Garitte: Magritte au quotidien»։ 2009 (French)։ Վերցված է 28 May 2016 (չաշխատող հղում)
  6. Gewapende overvallers stelen doek, De Morgen, 24 september 2009
  7. "Olympia" van René Magritte is terecht, deredactie.be, 5 januari 2012

Գրականություն[խմբագրել | խմբագրել կոդը]

  • Jan Ceuleers: René Magritte, 135 rue Esseghem, Jette-Brussels. Musée René Magritte und Pandora Verlag, Antwerpen 1999, ISBN 90-5325-121-9.
  • André Garitte et al., Musée René Magritte (1999-2009) : Dix ans, éd. René Magritte Museum/Pandora, 2009.
  • André Garitte, Redécouverte du surréalisme, éd. René Magritte Museum/Pandora, 2011.
  • Louis Scutenaire, Avec Magritte, Presses Universitaire de France, 1977.

Արտաքին հղումներ[խմբագրել | խմբագրել կոդը]