Ջուղա շահրեստան
 պարս.՝ شهرستان جلفا | |
|---|---|
 | |
| Երկիր |  Իրան |
| Կարգավիճակ | շահրեստան (գավառ) |
| Մտնում է | Արևելյան Ադրբեջան օսթան |
| Վարչկենտրոն | Ջուղա |
| Խոշորագույն քաղաք | Հադիշահր |
| Բնակչություն | 61 358 մարդ (2016)[1] |
Ջուղա շահրեստան (պարս.՝ شهرستان جلفا), շահրեստան (գավառ) Իրանի հյուսիս-արևմուտքում՝ Արևելյան Ադրբեջան օսթանի հյուսիսարևմտյան մասում։ Բնակչությունը վերջին մարդահամարի տվյալներով կազմում է 61 358 մարդ (2016)[1]։
Հյուսիսից սահմանակից է Հայաստանի Սյունիքի մարզի և Ադրբեջանի Հանրապետության Նախիջևանի Ինքնավար Հանրապետություն հետ, որոնցից բաժանված է Արաքս գետով։ Նաև սահմանակից է Արևելյան Ադրբեջան օսթանի Խուդափերին (արևելքից), Վարզաղան (հարավ-արևելքից) և Մարանդ շահրեստանների և Արևմտյան Ադրբեջան օսթանի Փոլդաշտ շահրեստանի (արևմուտքից) հետ։
Շահրեստանի տարածքով է անցնում Իրանը Հայաստանի հետ կապող ճանապարհը. այստեղ է գտնվում միակ Ագարակ-Նուրդուզ սահմանային անցակետը։
Բնակչություն
[խմբագրել | խմբագրել կոդը]2006 թվականի մարդահամարի տվյալներով շահրեստանի բնակչությունը կազմում էր 52 176 մարդ՝ 14 186 տնային տնտեսություններում[2]։ 2011 թվականի մարդահամարը հաշվառել էր 55 166 մարդ, որոնք ապրում էին 16 103 տնտեսություններում[3]։ Ըստ վերջին՝ 2016 թվականի մարդահամարի տվյալների՝ բնակչությունը կազմում էր արդեն 61 358 մարդ՝ 19 443 տնտեսություններում[4]։
Բնակիչերը հիմնականում իրանական ադրբեջանցիներ են։
Վարչական բաժանում
[խմբագրել | խմբագրել կոդը]Վարչական տեսանկյունից շահրեստանը բաժանված է 2 բախշերի (շրջանների), որոնք իրենց հերթին ընդգրկում են 5 գյուղական շրջաններ և 3 քաղաքներ։ Շահրեստանի բաժանում վարչական միավորների ըստ վերջին մարդահամարների բնակչության տվյալների հետ մեկտեղ բերված են աղյուսակում ստորև.
| Վարչական միավոր | 2006[2] | 2011[3] | 2016[4] |
|---|---|---|---|
| Կենտրոնական շրջան (բախշ) | 43 669 | 46 730 | 53 352 |
| Դարան գյուղական շրջան | 1 566 | 1 533 | 1 571 |
| Էրսի գյուղական շրջան | 4 779 | 4 250 | 4 589 |
| Շոջա գյուղական շրջան | 4 499 | 4 744 | 4 036 |
| Հադիշահր (քաղաք) | 27 842 | 30 575 | 34 346 |
| Ջուղա (քաղաք) | 4 983 | 5 628 | 8 810 |
| Սիառուդ շրջան (բախշ) | 8 507 | 8 436 | 8 006 |
| Դիզմարե Ղարբի գյուղական շրջան | 3 437 | 3 467 | 3 191 |
| Նովջեմեր գյուղական շրջան | 3 716 | 3 416 | 3 267 |
| Սիառուդ (քաղաք) | 1 354 | 1 553 | 1 548 |
| Ընդհանուր | 52 176 | 55 166 | 61 358 |
Հայկական հետք
[խմբագրել | խմբագրել կոդը]Հնում շահրեստանի տարածքը մասն է կազմել Մեծ Հայքի Վասպուրական աշխարհի (նահանգի) Բաքրան (կամ Մարանդ) և Պարսպատունիք գավառների։
Հայկական մշակութային ժառանգության պահպանված կոթողներից կարևորագույնը Դարաշամբի Սուրբ Ստեփանոս վանքն է, որը գտնվում է Իրանական Ջուղայից մոտ 12 կմ արևմուտք։ Մոտակայքում են նաև Ներքին Դարաշամբի Սուրբ Աստվածածին եկեղեցին և Հովվի մատուռը։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 نتایج سرشماری جمعیت به تفکیک تقسیمات کشوری سال 1395
- ↑ 2,0 2,1 «Իրանի Իսլամական Հանրապետության մարդահամար, 1385 (2006)» (պարսկերեն). Արխիվացված է օրիգինալից (Excel) 2011 թ. սեպտեմբերի 20-ին. Վերցված է 2022 թ. սեպտեմբերի 25-ին.
- ↑ 3,0 3,1 «Իրանի Իսլամական Հանրապետության մարդահամար, 1390 (2011)» (Excel) (պարսկերեն). Վերցված է 2022 թ. դեկտեմբերի 19-ին.
- ↑ 4,0 4,1 «Իրանի Իսլամական Հանրապետության մարդահամար, 1395 (2016)» (պարսկերեն). Արխիվացված է օրիգինալից (Excel) 2022 թ. օգոստոսի 30-ին. Վերցված է 2022 թ. դեկտեմբերի 19-ին.