Ջուզեպպե Աբբատի
Ջուզեպպե Աբբատի իտալերեն՝ Giuseppe Abbati | |
|---|---|
 | |
| Ծնվել է | հունվարի 13, 1836[1][2][3] |
| Ծննդավայր | Նեապոլ, Իտալիա |
| Վախճանվել է | փետրվարի 21, 1868[1][2] (32 տարեկան) |
| Մահվան վայր | Ֆլորենցիա |
| Քաղաքացիություն | .svg){kind=small} Իտալիայի թագավորություն |
| Կրթություն | Վենետիկի գեղարվեստի ակադեմիա |
| Մասնագիտություն | նկարիչ և Garibaldino |
| Ոճ | Մաքիայոլի |
| Մեկենասներ | Diego Martelli? |
| Ուսուցիչ | Girolamo Michelangelo Grigoletti?[4] |
| Հայր | Vincenzo Abbati? |
 Giuseppe Abbati Վիքիպահեստում | |
Ջուզեպպե Աբբատի ( իտալերեն՝ Giuseppe Abbati, հունվարի 13, 1836[1][2][3], Նեապոլ, Իտալիա - փետրվարի 21, 1868[1][2], Ֆլորենցիա), իտալացի գեղանկարիչ, պատկերել է նկարներ մաքիայոլի ոճով։ Եղել է Ռիսորջիմենտոյի մասնակից։
Կենսագրություն[խմբագրել | խմբագրել կոդը]
Ջուզեպպե Աբբատին ծնվել է Նեապոլում, 1836 թվականի հունվարի 13-ին՝ նկարիչ Վինչենցո Աբբատիի և Ֆրանչեսկայի (ծննդով հռոմեացի) ընտանիքում[5]։ 1850-1853 թվականներին սովորել է Վենետիկի գեղարվեստի ակադեմիայում՝ Ջիրոլամո Միքելանջելո Գրիգոլետտի և Ֆրանչեսկո Բանիարի մոտ։ 1856 թվականին ուսանողական գործուղման ժամանակ ծանոթացել է նկարիչներ Տելեմակո Սինորինիի և Վիտո Անկոնայի հետ։ Այդ ժամանակ Նեապոլում հոր հետ բացել է արհեստանոց[6]։
Պայքարել է Իտալիայի միասնության համար, որի ժամանակ էլ զրկվել է աջ աչքից։ 1860 թվականին հաստատվել է Ֆլորենցիայում, որտեղ ծանոթացել է Սերաֆինո դե Տիվոլի հետ և անդամագրվել մաքիայոլի խմբին։
1861 թվականին Աբբատիի նկարները իտալական ցուցահանդեսում քննադատները բարձր են գնահատել։ 1860-ական թվականներին շատ էր նկարում պլեների ոճով ՝ մենաստաններում և Ֆլորենցիայի հարակից այգիներում։ Հաճախ էր այցելում և աշխատում Կաստիլոնչելոյում գտնվող Դիեգո Մարտելիի տանը։
Աբբատին ուներ հպարտ և անկախ բնավորություն։ 1868 թվականին նա հրաժարվեց նկարիչներին տրվող խրախուսանքներից, Ռիսորջիմենտոյի կրծքանշանից։ Հրաժարվեց նաև հաշմանդամներին տրվող թոշակից[5]։
1866 թվականին նա մասնակցել էր Իտալիայի անկախության համար մղվող Երրորդ պատերազմին, որի ժամանակ գերի էր ընկել։ Վերադառնալով գերությունից՝ հաստատվում է Կաստել դելլա Միզերիկորդիայում։ Մահացել է Ֆլորենցիայում 1868 թվականի փետրվարի 21-ին։ Ջուզեպպեն դարձել էր իր իսկ կատաղի շան հարձակման զոհը[6]։
Աբբատին եղել է պերգենտինյան դպրոցի հետևորդ, որի անդամները ուսումնասիրում էին գույնի և ձևի համադրությունը։ Դպրոցի հետևորդներից են եղել Սերաֆինո դե Տիվոլին, Նինո Կոստան, Ջովաննի Ֆատորին, Վինչեցո Կաբյանկան։ Նկարչական դպրոցը իր անունը ստացել է Ֆլորենցիայի Պերգենտինա այգու անունից, որտեղ նկարիչները սիրում էին աշխատել։ Այս դպրոցում են իրենց գործունեությունը ծավալել Սիլվերստրո Լեգան, Օդոարդո Բորրանին, Ռաֆֆայելո Սերնեզին, Տելեմակո Սինորինին։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 RKDartists (նիդերլ.)
- ↑ 2,0 2,1 2,2 2,3 2,4 Բրոքհաուզի հանրագիտարան (գերմ.) / Hrsg.: Bibliographisches Institut & F. A. Brockhaus, Wissen Media Verlag
- ↑ 3,0 3,1 Artists of the World Online, Allgemeines Künstlerlexikon Online, AKL Online (գերմ.) / Hrsg.: A. Beyer, B. Savoy — B: K. G. Saur Verlag, Verlag Walter de Gruyter, 2009. — doi:10.1515/AKL
- ↑ https://www.sapere.it/enciclopedia/Abbati%2C%2BGius%C3%A8ppe.html
- ↑ 5,0 5,1 Broude 1987, p. 80.
- ↑ 6,0 6,1 Steingräber & Matteucci 1984, p. 103.
Արտաքին հղումներ[խմբագրել | խմբագրել կոդը]
- Mezzetti A.։ «Abbati, Giuseppe»։ www.treccani.it։ Վերցված է 1.10.2018
| ||||||||||||||||
