Վենետիկի գեղարվեստի ակադեմիա

Վիքիպեդիայից՝ ազատ հանրագիտարանից
Jump to navigation Jump to search
Վենետիկի գեղարվեստի ակադեմիա
Casa degli Incurabili Venezia Zattere.jpg
Տեսակգեղարվեստի ակադեմիա
Հիմնադրված է1750, սեպտեմբերի 24
ՀիմնադրիրGiambattista Pittoni? և Ջովաննի Բատիստա Տիեպոլո
ՏնօրենGiovanni Battista Piazzetta?
ԵրկիրFlag of Republic of Venice (1659-1675).svg Վենետիկի հանրապետություն և Flag of Italy.svg Իտալիա
ՏեղագրությունՎենետիկ Իտալիա Իտալիա
Կայքaccademiavenezia.it
Accademia di Belle Arti (Venice) Վիքիպահեստում

Վենետիկի գեղարվեստի ակադեմիա (իտալ.՝ Accademia di belle arti di Venezia), պետական երրորդային հանրային գեղարվեստի ակադեմիա Իտալիայի Վենետիկ քաղաքում։

Պատմություն[խմբագրել | խմբագրել կոդը]

Վենետիկի գեղարվեստի ակադեմիան հիմնադրվել է 1750 թվականի սեպտեմբերի 24-ին, ակադեմիայի կարգավիճակ ստացել է 1756 թվականին[1]: Ակադեմիայի առաջին տնօրենն է եղել Ջովաննի Բատիստա Պյացետտան, Վյուրցբուրգից վերադառնալուց հետո ակադեմիայի առաջին նախագահ է դարձել Ջովաննի Բատիստա Տիեպոլոն[2]: Ի սկզբանե ակադեմիան տեղակայված է եղել Մեծ ջրանցքի (Grand Canal) մոտ գտնվող հացահատիկի պահեստ հանդիսացող Fonteghetto della Farina շենքի վերնահարկի սենյակներից մեկում՝ Սուրբ Մարկոսի հրապարակի հարևանությամբ։ Սակայն տարածքը փոքր էր, իսկ շուկայից եկող աղմուկն ու փոշին անհանգստացնում էին աշակերտներին ու ուսուցիչներին[2]:

1770-ական թվականներին ակադեմիայում է ուսանել Անտոնիո Կանովան[3]:

1807 թվականին ակադեմիան վերահիմնադրվել է Նապոլեոնի հրամանագրով։ Ակադեմիայի անունը փոխվել է՝ Veneta Academia di Pittura, Scultura e Architettura-յից (Վենետիկի նկարչության, քանդակագործության և ճարտարապետության ակադեմիա) դառնալով Accademia Reale di Belle Arti (Գեղարվեստի թագավորական ակադեմիա) և տեղափոխվել է Վենետիկի ակադեմիայի պատկերասրահի տարածք[1][4]:

1879 թվականին Գեղարվեստի ակադեմիան և Վենետիկի ակադեմիայի պատկերասրահը վարչականորեն առանձնացվել են, սակայն մինչև 2004 թվականը տեղակայված են եղել նույն շենքում, այնուհետև գեղարվեստի դպրոցը տեղափոխվել է Ospedale degli Incurabili, Venice (Վենետիկի անբուժելի հիվանդների հիվանդանոց)։ Ինչպես Իտալիայի մյուս պետական ակադեմիաները, այս ակադեմիան ևս 1999 թվականի դեկտեմբերի 21-ի թիվ 508 հրամանով դարձել է ինքնուրույն աստիճաններ շնորհող հաստատություն[5] և գործում է Իտալիայի կրթության և հետազոտության նախարարության (Ministero dell'Istruzione, dell'Universita e della Ricerca) ենթակայության ներքո[6]:

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]