Ջոն Դոլմայան

Վիքիպեդիայից՝ ազատ հանրագիտարանից
Ջոն Դոլմայան
Դոլմայանը 2009 թվականին
Հիմնական տվյալներ
Ծնվել է հուլիսի 15, 1973 (42 տարեկան)
Լիբանան Բեյրութ, Լիբանան
Երկիր Flag of the United States.svg ԱՄՆ
Մասնագիտություն Երաժիշտ, եգերիհեղինակ
Գործունեություն 1997–այժմ
Լեյբլ Interscope, Serjical Strike, American, Columbia, Axis of Justice
Կապված System of a Down, Axis of Justice, Սերժ Թանկյան, Scars on Broadway
Ամուսին System of a Down, Axis of Justice, Սերժ Թանկյան, Scars on Broadway
Կայք systemofadown.com

Ջոն Դոլմայան (ծնվ.` հուլիսի 15, 1973, Բեյրութ, Լիբանան), Լիբանանում ծնված ամերիկահայ թմբկահար, նվագել է հանրահայտ «System of a Down» խմբում, իսկ 2003 թ.-ին մեկ այլ հայազգի երաժիշտի ` «System of a Down» խմբի նախկին կիթառահար Դարոն Մալաքյանի հետ հիմնել է «Scars on Broadway» խումբը։

Կենսագրություն[խմբագրել]

Դոլմայանը ծնվել է 1973 թ.-ի հուլիսի 15-ին Լիբանանի մայրաքաղաք Բեյրութում, հայկական ընտանիքում։ Երբ Ջոն Դոլմայանը դարձավ 5 տարեկան,Լիբանանում տեղի ունեցող քաղաքացիական պատերազմի պատճառով Դոլմայանների ընտանիքը տեղափոխվում է Տորոնտո, այնուհետև Լոս Անջելես։
Դոլմայանը սկսել է հետաքրքրվել հարվածային գործիքներով 2 տարեկան հասակից։ Առաջին անգամ լիարժեքորեն հարվածային գործիք է նվագել 15 տարեկան հասակում։ Ինքնուսույց է, անհատական ոչ մեկի մոտ չի պարապել։ Օրական 4-6 ժամ հատկացնելով հարվածային գործիքներին ` Ջոն Դոլմայանը աստիճանաբար բարելավել է իր նվագելու որակը։ Ըստ Ջոն Դոլմայանի ` նրա նվագելու ոճի մեջ մեծ ազդեցություն են թողել թմբկահարներ Կիտ Մունը (The Who), Ջոն Բոնեմը (Led Zeppelin), Ստյուարտ Կոպլենդը (The Police), Նեյլ Պիրտը (Rush[1]
1997թ-ին, երբ System of a Down խմբի առաջին թմբկահար Էնդի Խաչատրյանը ստանում է ձեռքի վնասվածք և լքում է խումբը, խմբին միանում է Ջոն Դոլմայանը։ System of a Down խմբի հետ նա ձայնագրում է 5 ալբոմ ` System of a Down (1998), Toxicity (2001), Steal This Album! (2002), Mezmerize (2005), Hypnotize (2005)։ 2006թ-ին System of a Down խումբը ժամանակավորապես դադարում է իր գործունեությունը, իսկ Դարոն Մալաքյանը իրականացնում է իր հին մտահաղացումը և Ջոն Դոլմայանի հետ շարունակում է իր գործունեությունը նոր ` Scars on Broadway խմբում։ Նշված խմբի հետ Ջոն Դոլմայանը ձայնագրում է 1 ալբոմ ` Scars on Broadway (2008)։
Ջոն Դոլմայանի նվագելու ոճը ճանաչվել է ունիկալ։ Այն մեծ ազդեցություն է թողել թմբկահարների նոր սերնդի վրա։ Շատ քննադատներ նրա նվագելու ոճը անվանում են շիզոֆրենիկ։ Ջոն Դոլմայանի հարվածային սոլոներին կարելի է ավելի մոտիկից ծանոթանալ ` լսելով Deer Dance, I-E-A-I-A-I-O և Question երգերը։

Ջոն Դոլմայանը և Ջոուի Ջորջիսոնը այն միակ թմբկահարներն են, որոնք մեյնսթրիմ մետալ ոճի մեջ երբեմն օգտագործում են դեթ մետալին բնորոշ էլեմետներ։ Այդ էլեմենտները բավականին լավ արտահայտված են System of a Down խմբի B.Y.O.B. երգի մեջ։
Հարվածային գործիքների մեջ Ջոն Դոլմայանը նախընտրում է Tama մոդելի հարվածային գործիքներ։ 2006 թ.-ի ամռանը Ջոն Դոլմայանը մի քանի հարցազրույցների ընթացքում նշեց, որ ուզում է հիմնել Torpedocomics օնլայն կազմակերպություն, որը կզբաղվի կոմիքսների վաճառքով։

Ձեռքբերումներ[խմբագրել]

2006 թ.-ին ըստ DRUM! ամսագրի Ջոն Դոլմայանը ճանաչվում է տարվա լավագույն թմբկահար։

Աղբյուրներ[խմբագրել]

Ծանոթագրություններ[խմբագրել]

  1. Հարցազրույց Ջոն Դոլմայանի հետ