Ջեմս Գրինվուդ

Վիքիպեդիայից՝ ազատ հանրագիտարանից
Jump to navigation Jump to search
Ջեմս Գրինվուդ
Ծնվել է1833[1][2], 1831[3] կամ 1832[4][5]
ԾննդավայրԼոնդոն, Մեծ Բրիտանիայի և Իռլանդիայի միացյալ թագավորություն
Վախճանվել էօգոստոսի 11, 1927(1927-08-11)[5][6][7]
Վախճանի վայրCatford, London Borough of Lewisham, Մեծ Լոնդոն, Անգլիա, Միացյալ Թագավորություն[7]
Գրական անունAmateur Casual[7] և One of the Crowd[7]
Մասնագիտությունլրագրող և գրող
Լեզուանգլերեն
ՔաղաքացիությունFlag of the United Kingdom.svg Միացյալ Թագավորություն

Ջեմս Գրինվուդ (անգլ.՝ James Greenwood, 1833[1][2], 1831[3] կամ 1832[4][5], Լոնդոն, Մեծ Բրիտանիայի և Իռլանդիայի միացյալ թագավորություն - օգոստոսի 11, 1927(1927-08-11)[5][6][7], Catford, London Borough of Lewisham, Մեծ Լոնդոն, Անգլիա, Միացյալ Թագավորություն[7]), բրիտանացի գրող և լրագրող, «Փոքրիկ շրջմոլիկը» վեպի հեղինակը։

Կենսագրություն[խմբագրել | խմբագրել կոդը]

Ջեմս Գրինվուդը ծնվել է 1833 թվականին սովորական ծառայողի ընտանիքում։ Ապագա գրողն ուներ տասնմեկ եղբայր և քույր։ Երեք եղբայրները՝ Ֆրեդերիկը, Ջեմսը և Վոլտերը տպարանում գրելուց հետո սկսում են վարել ինքնուրույն կյանք։ Մի քանի տարի անց Ֆրիդրիկն ու Ջեմսը սկսեցին համագործակցել թերթերի հետ, իսկ Վոլտերը հիվանդանում է տուբերկույլոզով և մահանում[8]։

Ֆրեդրիկը արդար ճանապարհով վերջապես հավաքում է գումար և դառնում մեծ թերթի խմբագիր։ Ջեմսը դառնում է գրող և լրագրող, ով գրում էր հրատապ թեմաներով։ Նա աշխատել է Pall Mall Gazette և Daily Telegraph թերթերում։ 19-րդ դարի 60-ական թվականներին Գրինվուդի անունը հայտնի դարձավ Անգլիայում, իր Լոնդոնի անտունների կացարանների մասին գրված չափածո ստեղծագործություններով։ Նրա ակնարկները տպագրվել են նաև այլ թերթերում և հասարակական լայն արձագանք ստացել։ Հոդվածներից մեկում նշվում է․ Գրինվուդի կողմից ներկայացված տեսարանը այնքանով էր սարսափելի, որ նա այդպիսի վատ պայմաններում անցկացրել է ընդամենը մեկ գիշեր, իսկ մեր հազարավոր անտուն հայրենակիցները այդ նույն պակմաններում ստիպված են ապրել իրենց ամբողջ կյանքը։ Բացի այդ Գրինվուդը գրել է արվեստի ստեղծագործություններ։ 19-րդ դարի 50-ական թվականների վերջից մինչև 20-րդ դարի սկզբները նա հրատարաքկեց շուրջ 40 գրքեր։ 19-րդ դարի 60-ական թվականներին նա շատ սիրված էր նաև Ռուսաստանում։ Նրա վեպերը, պատմությունները և ակնարկները տպագրվել են թերթերում, ամսագրերում և առանձին հրատարակություններում։

Սկսած 70-ական թվականներից Գրինվուդը մամուլում հանդես է եկել ավելի հազվադեպ, սակայն նրա անունը չանհետացավ գրականությունից։ Նա մահացավ 90 տարեկանում՝ 1929 թվականին։

Աշխատանքներ[խմբագրել | խմբագրել կոդը]

Գրինվուդի աշխատանքների զգալի մասը հումորային են, կյանքի և երիտասարդների մասին։ Բնութագրել է արևադարձային երկրների՝ հատկապես Աֆրիկայի բնույթը, բնիկների կյանքն ու բարքերը։ Այս թեմայով աշխատանքների շարքին է պատկանում «Ռոբին Դևիջերի արկածները», որը նման է Դանիել Դեֆոյի «Ռոբինզոն Կրուզոյի արկածները» վեպին։ Ստեղծագործությունների մեկ այլ խմբին պատկանում են կենդանիների մասին պատմվածքներ և վիպակներ։ Նա գրել է մի ծումբ պատմվածքներ, ակնարկներ, վեպեր, վիպակներ, որոնցում նկարագրված է Լոնդոնի կեղտոտ բնակիչների՝ աղքատների, գործազուրկների, մանր արհեստավորների մասին։

Փոքրիկ շրջմոլիկը[խմբագրել | խմբագրել կոդը]

Նոր սերնդի ընթերցողների համար Գրինվուդը դարձավ Փոքրիկ շրջմոլիկը գրքի հեղինակը։ Գիրքը մի հերոս տղայի մասին է, ով հայտնվել էր փողոցում։ Նա պետք է շուկայից գողանար ձեռքի տակ ընկած ապրանքը և վաճառել։ Գիշերները անցկացնում էր վագոններում, երբմն քնում էր խոնավ հողի վրա։ Սակայն որոշ ժամանակ անց նրա կյանքում հայտնվեց մի բարի մարդ Ջենեթ անունով, ով օգնում է դուրս գալ այդ իրավիճակից։

Փոքրիկ շրջմոլիկը առաջին անգամ տպագրվել է 1866 թվականին Լոնդոնում և 1964 թվականին թարգմանվել է հայերեն[9]։

Ծանոթագրություններ[խմբագրել | խմբագրել կոդը]

  1. 1,0 1,1 (unspecified title) (ռուս.)Детская литература, 1975.
  2. 2,0 2,1 Краткая литературная энциклопедия (ռուս.)М.: Советская энциклопедия, 1962.
  3. 3,0 3,1 https://spartacus-educational.com/PHgreenwood.htm
  4. 4,0 4,1 Swartz A. Open Library — 2007.
  5. 5,0 5,1 5,2 5,3 5,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
  6. 6,0 6,1 6,2 James Greenwood
  7. 7,0 7,1 7,2 7,3 7,4 7,5 7,6 7,7 Oxford Dictionary of National Biography / C. MatthewOxford: OUP, 2004.
  8. Гринвуд Дж. Маленький оборвыш. (The True History of a Little Ragamuffin).
  9. Փոքրիկ շրջմոլիկը

Արտաքին հղումներ[խմբագրել | խմբագրել կոդը]