Ջալիլ Ջասըմե

Վիքիպեդիայից՝ ազատ հանրագիտարանից
Jump to navigation Jump to search
Ջալիլ Ջասըմե
Ծնվել էհոկտեմբերի 25, 1908(1908-10-25)
ԾննդավայրԿարսի մարզ, Ռուսական կայսրություն
Վախճանվել էհոկտեմբերի 24, 1998(1998-10-24) (89 տարեկանում)
Վախճանի վայրԵրևան, Հայաստան
Մասնագիտությունգրող
Ազգությունքուրդ
ԿրթությունՀայկական պետական մանկավարժական համալսարան
ԿուսակցությունԽՄԿԿ

Ջալիլ Օսեի Ջասըմե (քրդ.՝ Casimê Celîl, հոկտեմբերի 25, 1908, գյուղ Ղզլ-Ղուլա, Կարսի մարզ - հոկտեմբերի 24, 1998, Երևան[1]), քուրդ խորհրդային գրող, արձակագիր, թարգմանիչ: ԽՍՀՄ գրողների միության անդամ 1930 թվականից: ԽՄԿԿ անդամ 1930 թվականից։

Կենսագրություն[խմբագրել | խմբագրել կոդը]

1941 թվականին ավարտել է Երևանի Աբովյանի անվան մանկավարժական ինստիտուտը։ Քրդերեն հրատարակվել են Ջասըմի «Իմ օրերը» (1960), «Մարերի երգերը» (1970),«Բրդի օդան» (1975), հայերեն՝ «Ալագյազ» (1954), «Քրդական սիրավեպեր» (1955), «Մայրենի աղբյուր» (1957), «Իմ օջախը» (1966), ռուսերեն՝ «ժամանակների ճամփաներով» (1968) ժողովածուները։ Ջասըմեն բնության և սիրո երգիչ է։

Լայնորեն օգտվել է ժողովրդական բանահյուսության ակունքներից։ Թարգմանել է Ա․ Պուշկինի, Տ․ Շևչենկոյի, Հ․ Թումանյանի, Ե․ Չարենցի, Հ․ Շիրազի և ուրիշների գործերից։ Կազմել է քուրդ խորհրդային գրողների ալմանախներ։

Ջասըմեի ստեղծագործություններից թարգմանվել են արաբերեն, ֆրանսերեն, անգլերեն։ Հեղինակ է քրդական դպրոցների 5-6-րդ դասարանների գրականության դասագրքերի։

Ծանոթագրություններ[խմբագրել | խմբագրել կոդը]

  1. ՀՀՀ, հ. 4, էջ 246
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png