Պրեդիգերկիրխեի տաճար

Վիքիպեդիայից՝ ազատ հանրագիտարանից
Jump to navigation Jump to search
Պրեդիգերկիրխեի տաճար
Erfurt-Predigerkirche-innen.jpg
Հիմնական տվյալներ
Տեսակեկեղեցի
ԵրկիրԳերմանիա Գերմանիա
ՏեղագրությունԳերմանիա Էրֆուրտ
ԱնվանվածՀովհաննես Ավետարանիչ
Ճարտարապետական նկարագրություն
Ճարտարապետական ոճԳոթական ճարտարապետություն
Կառուցման սկիզբ13-րդ դար
Հիմնադրված13-րդ դար

Պրեդիգերկիրխեի տաճար (Քարոզչի տաճար), բողոքական եկեղեցի է Գերմանիայի Էրֆուրտ քաղաքում։ Մտնում է Դոմինիկյան միաբանության Պրեդիգերկլոստեր վանական համալիրի մեջ։ Տաճարն ի սկզբանե կառուցվել է Դոմինիկյան միաբանության կողմից 13-րդ դարում, երբ վանահայրը միջնադարյան աստվածաբան, փիլիսոփա և միստիկ Մայստեր Էքհարթն էր։ Տաճարը դարձավ բողոքականների եկեղեցի միայն ռեֆորմացիայից հետո։ Կառույցի նախնական տեսքը ձևափոխվեց 1340–50 թվականներին, իսկ զանգակատունը կառուցվեց 1447-1488 թվականների միջև։ Մոտ 1806 թվականին Պրեդիգերկիրխեի տաճարն օգտագործվել է որպես ռազմագերիների ճամբար, ինչի հետևանքով բավականին տուժել է ինտերիերը։ Շուրջ քսան տարի անց կատարվել են վերանորոգումներ։ Տաճարի առաջին երգեհոնը տեղադրվել է 1567 թվականին, որը պատրաստել էր Հայնրիխ ֆոն Կոմպենիուս դեր Ալտերեն։ Նրա թոռ Լյուդվիգ Կոմպենիուսը պատրաստում է նոր, բարոկկո ոճի երգեհոն 1650 թվականին։ Այն քաղաքի ամենամեծ և ամենաթանկարժեք երգեհոնն էր։ Այսօր եկեղեցում օգտագործվում է 1978 թվականին պատրաստված Schuke երգեհոն։