Պուտին (ճաշատեսակ)

Վիքիպեդիայից՝ ազատ հանրագիտարանից
Jump to navigation Jump to search
Picto infobox mets.png
Պուտին
Poutine.JPG
Ենթատեսակկարտոֆիլով ուտեստ
Առաջացման երկիրFlag of Canada (Pantone).svg Կանադա
Poutine Վիքիպահեստում
Պուտին

Պուտին (ֆր.՝ Poutine), քվեբեկյան ազգային ուտեստ` արագ սննդի շարքից, բաղկացած է ֆրիից, անալի պանրից (cheese curds) և սոուսից: Քվեբեկում հայտնվել է 1950-ական թվականներին, 2000-ական թվականներին լայն ճանաչում է գտել նաև այլ երկրներում` ԱՄՆ, Ֆրանսիա, Բելգիա: Առկա է տեղի ռեստորանների ճաշացանկում, ինչպես նաև McDonald's, Burger King, KFC և A&W ցանցերի կանադական մասնաճյուղերում: Երբեմն մատուցվում է ծովամթերքների հետ, մասնավորապես, լավ է համակցվում թառափի դասի ձկնեղենի, մանր և խոշոր ծովախեցգետինների հետ:

Պատմություն[խմբագրել | խմբագրել կոդը]

Պուտինը Քվեբեկում հայտնվել է 1950-ական թվականներին: Այս ուտեստի ի հայտ գալու մի քանի տարբերակներ կան[1][2].

  • Ուորիկ (Warwick): Ամենատարածված տարբերակն այն է, որ պուտինը 1957 թվականին հայտնվել է Le lutin qui rit ռեստորանում, որը գտնվում է Կենտրոնական Քվեբեկի Ուորիկ փոքրիկ քաղաքի Սեն Լուի փողոցում: Ռեստորանի այցելուներից մեկը` Ժան Գի Լենեսը, Ֆեռնան Լաշանս անունով ռեստորանատիրոջը պատվիրում է մեկ ափսե ֆրի, այնուհետև որոշում է նրա վրա լցնել անալի քերած պանիր:
  • Դրամոնվիլ (Drummondville): Այլ վարկածով պուտին առաջին անգամ մատուցել են 1964 թվականին Դրամոնվիլում նոր բացված Le roy Jucep ռեստորանում: Նրա սեփականատերը` Ժան Պոլ Ռուան պնդում էր, որ հենց ինքն է ստեղծել պուտինը: Ուտեստի անվանումը ծագում է ռեստորանում աշխատող խոհարարի անունից` Տի-Պու: Այդ մասին մինչև օրս էլ գրված է ռեստորանի պաշտոնական կայքում:
  • Նիկոլե (Nicolet) կամ Սենտ-Իասենտ (Saint-Hyacinthe): Պուտինի հայրենիք են անվանում նաև Կենտրոնական Քվեբեկում գտնվող Նիկոլե քաղաքը: Այդ շրջանում կան պանրագործարաններ, որտեղ արտադրվում է չեդեր պանրի տեսակը, որը կարող է բացատրվել որպես պուտինի ծագման բացատրություն:
  • Պրինսվիլ (Princeville): Հնարավոր է, որ պուտինը ծագել է Պրիսվիլում, Կենտրոնական Քվեբեկ: Այնտեղ էր գտնվում «Արքայադուստր» պանրի գործարանը: 1966 թվականին պանրի գործարանի հարևանությամբ բացվում է La P’tite Vache փոքրիկ ռեստորանը: Պանրի գործարանն ու ռեստորանը պայմանավորվում են պանրի վաճառքի համար, այնպես որ այցելուները կարող էին պատվիրել ֆրի և նրա վրա լցնել քերած պանիր:

Ծագումնաբանություն[խմբագրել | խմբագրել կոդը]

1950-1960-ական թվականներին Քվեբեկում անգլերեն պուդինգ բառով անվանում էին ցանկացած ուտեստ, որի բաղադրության մեջ խառնվում էին շատ տարբեր բաղադրիչներ:

1880 թվականին կանադացի լրագրող և բառարանագիր Օսկար Դանը հրատարակում է «Կանադայում օգտագործվող խեղաթյուրված արտահայտությունների Ֆրանկոկանադական բացատրական բառարան», որտեղ կա նաև պուտին բառը հետևյալ նշանակությամբ.

Aquote1.png Պուտին - խոսակցական կանադերեն` անգլերեն պուդինգ բառի խեղաթյուրված տարբերակն է[3] Aquote2.png


Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]