Պոլինան ծնվել է 1985 թվականի հուլիսի 12-ին Մոսկվայում։ Հայրը՝ Օլեգ Ասկերին, մասնագիտությամբ ռազմական թարգմանիչ է, Օքսֆորդի համալսարանի շրջանավարտ, Մենեջերների մասնագիտացման ինստիտուտի հիմնադիր և ղեկավար։ Մայրը՝ Նատալիա Ասկերին, ստացել է 3 բարձրագույն կրթություն, այժմ տնային տնտեսուհի[1] է։ Քույրը՝ Անգելա Ասկերին, ինտերիերի դիզայներ է, 2007 թվականին ստեղծել է «Angelina Askeri Interiors» ստուդիան։ Պոլինան ավարտել է Մոսկվայի տպագրության պետական համալսարանի գովազդ և մարքեթինգ ֆակուլտետը[1]
։ Այժմ նա ստանում է իր երկրորդ բարձրագույն կրթությունը և զարգացնում է դերասանական հմտությունները Բորիս Շչուկինի անվան թատերական ինստիտուտում։ «Doors to Hollywood»-ում ստացել է դերասանական կուրսեր։ Վարպետացման դասընթացներ է ստացել հոլիվուդյան դերասաններ Իվաննա Չաբբակի և Նեդ Բելլամի մոտ։
Պոլինան 13 տարեկանից անդամակցել է «Բաշնյա», «Նեոն», «Մալատոկ» ամսագրերին, այնուհետև «Օգոնյոկ» ամսագրին և Կոմերսանտ օրաթերթին[2]. ։ 18 տարեկանում դարձել է «Ռոսպոֆիլմ»-ի տնօրեն և մասնակցել է «Տղամարդու ժամանակաշրջան․ թավշյա հեղափոխություն» և «Հավաքել կարթերը» ֆիլմերի նկարահանումներին։ 19 տարեկանում մասնակցել է Համառուսական գեղեցկության մրցույթին, որտեղ արժանացել է «Միսս հմայք» տիտղոսին[3]։ Առաջին ամսագիրը, որը Պոլինային հրավիրեց քասթինգի Cover Story -ի համար Fashion Collection էր, որից անմիջապես հետո նկարահանվում է առաջին գովազդային հոլովակում։ Իր կարիերայի ընթացքում Պոլինան նաև աշխատել է «Պրեզիդենտ » և «Մոդուս Վիվենդիս»»[4] ամսագրերի հետ։
Երեք տարի ապրելով Փարիզում, լինելով «Karin» գործակալության մոդել, համագործակցել է այնպիսի նորաձևության տների հետ ինչպիսիք են «Ռոբերտո Կավալին», «Դիորը», «Levi’s-ը», «Jitrois-ը», ինչպես նաև «Feraudան» և L’Oreal-ը։ Նկարահանվել է Ֆանտայի, Բիլայնի, Ակտիվիայի, Jacobsի, ինչպես նաև մի շարք խանութների և գործակալությունների գովազդների համար։ Նաև եղել է «Carlo Pazolini», «Salita», «Sheba», «ALBA» ամսագրերի և «ՍպորտՄաստեր» խանութ-սրահի, «Arnold Prize» նորաձևության տան դեմքերից[5]։ Նկարահավել է «Անիծված դրախտ», «Անիծված դրախտ 2», «Երկու պատմություն սիրո մասին», «Գայթակղությունների քաղաք» սերիալներում, «Արջային որս», «Ջրահարսը» ֆիլմերում։ 2007 թվականին Fashion TV հեռուստաընկերության կողմից ստացել է «Ամենահաջող ռուս առևտրային մոդել» մրցանակը[3]։ 2008 թվականին Russia.ru ալիքով վարել է «Полина Аскери Лайф» ծրագիը[6] ։ 2012 թվականին Պոլինան սկսնակ ոճաբանների, դիմահարդարների, լուսանկարիչների և մոդելների համար ստեղծել է «SNC Pride Club»[4] ծրագիրը, որի շրջանակներում համագործակցել է նկարիչ Ադան Սալախովի հետ։ Պոլինայի կարծիքով գեղեցկությունը մեծ պատասխանտվություն է հասարակության առաջ և փորձում է օգնել բազմաթիվ հիմնադրամների և մանկատների։ Նա ակտիվորեն աջակցում է ռուս դիզայներներին, համարելով, որ իրենց երկրում կան շատ տաղանդավոր հագուստի դիզայներներ։ Ակտիվորեն մասնակցել է Mercedes-Benz Fashion Week Russia-յի գովազդներին[7]։
2014 թվականից հանդիսանում է Love2Beauty.Ru ինտերնետ-ամսագրի գլխավոր խմբագիրը։
Ռուսաստան
Polina Askery Վիքիպահեստում
