Պեսակ

Պեսակ
Բնակավայր
	Պեսակ
	ֆր.՝ Pessac
	Զինանշան
Երկիր	Ֆրանսիա
Համայնք	Բորդո (շրջան), Bordeaux Métropole? և Ժիրոնդ
Մակերես	38,82 կմ²
ԲԾՄ	35 մետր, 12 մետր, 56 մետր, 47 մետր
Բնակչություն	▲66 874 մարդ (հունվարի 1, 2022)
Ժամային գոտի	UTC+1 և UTC+2
Փոստային դասիչ	33600
Պաշտոնական կայք	pessac.fr(ֆր.)
	Պեսակ (Ֆրանսիա)
	Պեսակ (Ֆրանսիա)
	Պեսակ Վիքիպահեստում

Պեսակ ( ֆր.՝ Pessac, օքս.՝ Peçac ), քաղաք և համայնք Հարավարևմտյան [[Ֆրանսիա|Ֆրանսիայում՝ Նոր Ակվիտանիա երկրամասի]] Ժիրոնդ դեպարտամենտի Բորդոյի շրջանում։ Պեսակ 1 և Պեսակ 2 կանտոնների վարչական կենտրոնն է։

Աշխարհագրական դիրքը

Պեսակը Բորդո քաղաքի հարավ-արևմտյան արվարձանն է և նրա հետ կապված է ավտոբուսային և տրամվայի երթուղիներով։

Տնտեսություն

Պեսակում են հատվում Եվրոպական համայնքի ֆրանսիական մետաղադրամները։

Գինեգործություն

Պեսակը գտնվում է Բորդոյի գինեգործական տարածաշրջանի Օ-Գրավ մարզում։ Համայնքի գինեգործարական տնտեսություններից մեկը՝ Շատո Օ-Բրիոնը / Château Haut-Brion-ը, Գրավում միակն է, որի արտադրանքը 1855 թվականին ներառվել է բորդո գինիների դասակարգման մեջ։ Ընդ որում՝ բնորոշվել է որպես առաջին crus: Այդպիսով այն ներառվել է Բորդոյի մեծագույն գինիների քառյակի մեջ (ներկայումս դրանք հինգն են)։ 1953 թվականին Շատո Օ-Բրիոն գինին և մերձակա տնտեսությունում արտադրևվող Շատո Պապ-Կլեմանը ընդգրկվել են Գրավի լավագույն գինիների ցանկում։ Համայնքում են գտնվում նաև Շատո լը Կարմ Օ-Բրիոն տեսակի խաղողի այգիները, որոնք ժամանակին մտել են Օ-Բրիոն կալվածքի կազմի մեջ։ Շատո լը Կարմ Օ-Բրիոն անվանումը կրող գինեգործարանը տարածաշրջանում միակն է է, որ իրական հասցե ունի Բորդո քաղաքում։

1987 թվականին, իրենց որակի շնորհիվ, Պեսակի և մերձակա Տալանսի ու հարևան մի քանի այլ համայնքների գինիներն առանձնացվել են մի հատուկ ապելասիոնի մեջ, որը հայտնի է Պեսակ-Լեոնյան անվանումով։