Պապլոր դժգույն

Վիքիպեդիայից՝ ազատ հանրագիտարանից
Jump to navigation Jump to search
Պապլոր դժգույն
Գիտական դասակարգում
Թագավորություն Բույսեր
Բաժին Ծածկասերմեր
Ընտանիք Հակինթազգիներ
Տեսակ Պապլոր դժգույն
Լատիներեն անվանում
Muscari pallens


Պապլոր դժգույն (լատ.՝ Muscari pallens), հակինթազգիների ընտանիքին պատկանող ծածկասերմ բույս։ Գրանցված է Հայաստանի Հանրապետության Կարմիր գրքում։

Նկարագրություն[խմբագրել | խմբագրել կոդը]

10-17 սմ բարձրությամբ սոխուկավոր բույս է՝ ձվաձև սոխուկով, դարչնագույն թեփուկներով։ Տերևները արմատամերձ են, գծային։ Ծաղկաբույլը խիտ, կարճ ողկույզի ձևով է։ Ծաղկասլաքն ունի 3-5 սմ երկարություն և պտղի ժամանակ երկարացող է։ Պտղատու ծաղիկները երախի մոտ թույլ ձգվածքով են, համարյա սպիտակ կամ դժգույն երկնագույն։ Տուփիկը կլորավուն է, 4-5 մմ երկարության։ Սերմերը սև են[1]։

Տարածվածություն[խմբագրել | խմբագրել կոդը]

Հայաստանում հանդիպում է Իջևանի (Իջևանի և Դիլիջանի միջև) և Սևանի (Սոտքի շրջակայք) ֆլորիստիկական շրջաններում։ Ընդհանուր արեալը ընդգրկում է Մեծ Կովկասը, Դաղստանը, Արևմտյան, Կենտրոնական և Հարավային Անդրկովկասը[1]։

Էկոլոգիա[խմբագրել | խմբագրել կոդը]

Աճում է ստորին և վերին լեռնային գոտիներում՝ ծովի մակարդակից 800-2100 մ բարձրությունների վրա, բաց կրաքարային ժայռոտ տեղերում, անտառներում։ Ծաղկում է մարտ-ապրիլ ամիսներին, պտղաբերում՝ մայիսին[1]։

Պահպանություն[խմբագրել | խմբագրել կոդը]

Վտանգված տեսակ է, որի տարածման շրջանի մակերեսը 5000 կմ²-ից պակաս է, բնակության շրջանի մակերեսը՝ 500 կմ²-ից պակաս։ Համարվում է Կովկասի էնդեմիկ։ Հայաստանի Կարմիր գրքի առաջին հրատարակության մեջ ընդգրկված էր որպես ոչնչացման սպառնալիքի ենթակա տեսակ։ CITES-ի և Բեռնի կոնվենցիաների հավելվածներում ընդգրկված չէ[1]։

Պահպանության գործուղություններ չեն իրականացվում[1]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 Հայաստանի Կարմիր գիրք։ Երևան: Հայաստանի բնապահպանության նախարարություն։ 2010։ ISBN 978-99941-2-420-6