Շելթոն Բենջամին
| Շելթոն Բենջամին Shelton Benjamin | |
|---|---|
 Բենջամինը «ROH Supercard of Honor VII» իրադարձության ժամանակ (ապրիլ, 2013) | |
| Իրական անուն | Շելթոն Ջեյմս Բենջամին[1] Shelton James Benjamin |
| Ռինգային անուն(ներ) | Շելթոն Բենջամին Շելթոն Էքս Բենջամին |
| Ընդհանուր տեղեկություններ | |
| Հայտարարվող քաշ | 1,88 մ |
| Հայտարարվող հասակ | 112 կգ |
| Ծննդյան թվական | հուլիսի 9, 1975 (48 տարեկան) |
| Ծննդավայր |  Օրինջբուրգ, Հարավային Կարոլինա, ԱՄՆ |
| Ապրելավայր | Սպրինգ, Տեխաս, ԱՄՆ |
| Մարզիչ | «Ohio Valley Wrestling» |
| Դեբյուտ | 2000 |
Շելթոն Ջեյմս Բենջամին (անգլ.՝ Shelton James Benjamin, հուլիսի 9, 1975, Orangeburg, Հարավային Կարոլինա, ԱՄՆ), ամերիկացի պրոֆեսիոնալ ըմբշամարտիկ (ռեստլեր) և նախկին օլիմպիական ըմբիշ։ Առավել հայտնի է «WWE» և «ROH» կազմակերպություններում ելույթ ունենալու տարիներից։ Ներկա պահին հանդես է գալիս «New Japan Pro Wrestling» (NJPW) կազմակերպությունում՝ Շելթոն Էքս Բենջամին (Shelton X Benjamin) ռինգային անվամբ։
Մինչև ռեստլինգով զբաղվելը, հանդես է եկել օլիմպիական ըմբշամարտի մրցասպարեզում, ավագ դպրոցն ավարտելուց հետո հաճախելով Լասենի համայնքային քոլեջ և հաղթանակներ տանելով NJCAA առաջնությունում, ինչպես ըմբշամարտի, այնպես էլ թեթև աթլետիկայի մրցույթներում։ Քոլեջից հետո համալսարանային առաջնություններում ներկայացրել է Մինեսոտայի համալսարանը։ Համալսարանն ավարտելուց հետո սկզբնապես որոշում է կայացրել որակավորվել 2000 թվականի Սիդնեյի օլիմպիական խաղերի մասնակցության համար, սակայն գերադասել է մուտք գործել ռեստլինգի արդյունաբերություն[2]։
Մասնագիտական կարիերան մեկնարկել է «WWE»-ի նախկին կրտսեր առաջնությունում՝ «Ohio Valley Wrestling»-ում (OVW), որտեղ ելույթներ ունենալու ընթացքում 4 անգամ նվաճել է OVW հարավային թիմային տիտղոսները (որոնցից 3-ը՝ Մինեսոտայի համալսարանի թիմակից Բրոք Լեզնարի հետ)։ 2002 թվականին «WWE»-ի հիմնական կազմ տեղափոխվելուց հետո, Քուրտ Էնգլի և Չառլի Հաասի հետ ձևավորում է «Թիմ Էնգլ» խմբավորումը, իսկ ավելի ուշ «Աշխարհի լավագույն թիմ» անվամբ Հաասի հետ հանդես գալիս թիմային դիվիզիոնում։ «WWE»-ում ելույթներ ունենալու տարիներին 3 անգամ նվաճել է WWE միջմայրցամաքային, և 1 անգամ՝ WWE Միացյալ Նահանգների և 2 անգամ՝ WWE թիմային չեմպիոնական տիտղոսները։
Ծանոթագրություններ[խմբագրել | խմբագրել կոդը]
- ↑ «OWoW Էջը». «Ռեստլինգի առցանց աշխարհի». Վերցված է 2007 թ․ հունիսի 17-ին.
- ↑ Միլներ, Ջոն (2005 թ․ ապրիլի 17). «Շելթոն Բենջամինի էջը». «SLAM! Wrestling». Արխիվացված է օրիգինալից 2012 թ․ հուլիսի 17-ին. Վերցված է 2007 թ․ հունիսի 18-ին.
Արտաքին հղումներ[խմբագրել | խմբագրել կոդը]
- Պաշտոնական կայք Արխիվացված 2011-04-30 Wayback Machine(անգլ.)
- Էջը NJPW պաշտոնական կայքում(ճապոներեն)
- Էջը GFW պաշտոնական կայքււմ(անգլ.)
- Էջը WWE.com կայքււմ(անգլ.)
- Էջը IMDb կայքում (անգլ.)
 | Վիքիպահեստն ունի նյութեր, որոնք վերաբերում են «Շելթոն Բենջամին» հոդվածին։ |
| ||||||
