Նվիրում եմ քեզ աստղ
 ռուս.՝ Дарю тебе звезду | |
|---|---|
 | |
| Տեսակ | մուլտֆիլմ |
| Ժանր | պրիտչա |
| Ռեժիսոր | Ֆյոդոր Խիտրուկ |
| Հնչյունավորում | Վալենտին Նիկուլին |
| Բեմադրող նկարիչ | Էդուարդ Նազարով և Վլադիմիր Զույկով |
| Երաժշտություն | Սանդոր Կալոշ |
| Օպերատոր | Միխայիլ Դրույան |
| Երկիր |  ԽՍՀՄ |
| Լեզու | ռուսերեն |
| Ընկերություն | Սոյուզմուլտֆիլմ |
| Տևողություն | 483 s |
| Թվական | 1974 |
«Նվիրում եմ քեզ աստղ» (ռուս.՝ «Дарю тебе звезду»), խորհրդային մուլտիպլիկացիոն ֆիլմ, որ նկարահանվել է ռեժիսոր Ֆեոդոր Խիտրուկի կողմից «Սոյուզմուլտֆիլմ» ստուդիայում[1] և պատմում է սեռերի հարաբերությունների անփոփոխ լինելու մասին։
Սյուժե
[խմբագրել | խմբագրել կոդը]Մուլտֆիլմը բաղկացած է չորս մասերից (երգեր), որոնք կապված են ընդհանուր մոտիվներով (տղամարդը հանդիպում է կնոջը և նրա համար երգում ներբող, բայց նա զբաղված է տնային գործերով։
Առաջին երգ
[խմբագրել | խմբագրել կոդը]Քարե դար։ Տղամարդը միայնակ է և այդ պատճառով վայրի ու ագրեսիվ է։ Բայց ամեն ինչ փոխվում է, երբ մի օր՝ որսի ժամանակ, տեսնում է կնոջը։ Վերջինս փոխում է նրա կենցաղը, նա դառնում է ավելի համակերպվող, խնամված տեսքով և արդեն ունի ազատ ժամանակ։ Այդ ժամանակը տղամարդը հատկացնում է պոեզիային և իր առաջին բանաստեղծությունը նվիրում կնոջը.
Սիրելիս, ես քեզ կտանեմ Տիեզերքի ամենածայրը, ես կնվիրեմ քեզ այս աստղը։
Հավերժական լույսով նա կլուսավորի մեր ուղին դեպի անսահմանություն...
Այդ ժամանակ կինը զբաղված է տնային տնտեսությամբ. ավլում է աղբը, լվանում քարանձավը և մաքրում կաթսան, և առաջացող ձայնը խլացնում է բանաստեղծությունը։
Երկրորդ երգ
[խմբագրել | խմբագրել կոդը]Անցել է մի քանի հազարամյակ։ Մարդն ստեղծել է անիվը, գիրը և այլ օգտակար երևույթներ...
Միջնադարյան արաբական Արևելք։ Դաժան կռվում մարտիկը գերեվարում է գեղեցիկ աղջկա և նետերի տարափի տակ տանում իր տուն։ Նրա վիշտն ամոքելու և իր հանդեպ սեր արթնացնելու նպատակով նա աղջկա համար ներբող է արտասանում.
Սիրելիս, ես քեզ կտանեմ Տիեզերքի ամենածայրը...
Աղջիկն սկսում է համակրել նրան, բայց հետո հայտնվում է հարեմում, որտեղ այլ աղջիկների հետ միասին սկսում է մաքրել կաթսա, որի ձայնը խլացնում է սերենադները։
Երրորդ երգ
[խմբագրել | խմբագրել կոդը]Անցնում է ևս մեկ հազարամյակ։ Մարդը հայտանգործել է ավտոմեքենան, գունավոր հեռուստացույցը, ատոմային շարժիչը։ Վրա է հասել սինթետիկայի ու գերձայնային արագությունների դարաշրջանը։
Մեգապոլիսում՝ երկնաքերների ու փայլուն ցուցափեղկերի միջև, արագընթաց ավտոմայրուղով ընթացող երկու մեքենաների վարորդները՝ կին ու տղամարդ, նկատում են միմյանց։ Տղամարդը հարսանիքից հետո կնոջը տանում է իր բնակարան, որ լի է տեխնիկայով ու հարմարություններով։ Նա կնոջ համար բանաստեղծություն է արտասանում.
Սիրելիս, ես քեզ կտանեմ Տիեզերքի ամենածայրը...
Բայց խոհանոցում նորապսակ կնոջն սպասում է կեղտոտ ամանների կույտ, և նա սիրային քնարերգության հնչյունների ներքո սկսում է մաքրել կաթսան։
Չորրորդ երգ (վերջաբան)
[խմբագրել | խմբագրել կոդը]Անցել է 50 տարի։ Վրա է հասել ապագան։
Տիեզերական տարածության միջով սլանում է աստղաթիռը, որի տախտակամածին տղամարդն ու կինն են։ Ինչպես և դարեր առաջ, տղամարդը բանաստեղծություն է արտասանում կնոջ համար.
Սիրելիս, ես քեզ կտանեմ Տիեզերքի ամենածայրը, ես կնվիրեմ քեզ այս աստղը։
Հավերժական լույսով նա կլուսավորի մեր ուղին դեպի անսահմանություն...
Բայց դեպի կինն է շարժվում կաթսան, որի մաքրելու ձայնը լցնում է միջաստղային տարածությունը։
Ստեղծողներ
[խմբագրել | խմբագրել կոդը]- Սցենարի հեղինակ և ռեժիսոր՝ Ֆեոդոր Խիտրուկ
- Բեմադրող նկարիչներ՝ Վլադիմիր Զույկով, Էդուարդ Նազարով
- Կոմպոզիտոր՝ Շանդոր Կալոշ
- Հնչյունային օպերատոր՝ Գեորգի Մարտինյուկ
- Օպերատոր՝ Միխայիլ Դրույան
- Մոնտաժող՝ Իզաբելլա Գերասիմովա
- Նկարիչ-մուլտիպլիկատորներ՝ Էլվիրա Ավագյան, Նատալյա Բոգոմոլովա, Իվան Դավիդով, Գալինա Զեբրովա, Վիոլետա Կոլեսնիկովա, Մարիա Մոտրուկ, Վլադիմիր Պալչիկով, Տատյանա Պոմերանցևա, Լև Ռյաբինին
- Ռեժիսորի օգնական՝ Տ. Լիտկո
- Խմբագիր՝ Արկադի Սնեսարև
- Ֆիլմի տնօրեն՝ Լյուբով Բուտիրինա
- Հեղինակը տեքստը կարդում և երգը կատարում է՝ Վալենտին Նիկուլին
Մրցանակներ
[խմբագրել | խմբագրել կոդը]- 1975 – Կաննի կինոփառատոնի ժյուրիի հատուկ մրցանակ կարճամետրաժ ֆիլմերի մրցույթում
- 1976 – ԽՍՀՄ Պետական մրցանակ
Ծանոթագրություններ
[խմբագրել | խմբագրել կոդը]- ↑ «Дарю тебе звезду» մուլտֆիլմը «Անիմատոր.ռու» կայքում
Արտաքին հղումներ
[խմբագրել | խմբագրել կոդը]- «Дарю тебе звезду»(անգլ.) ֆիլմը Internet Movie Database կայքում
- «Дарю тебе звезду» «Հայրենական կինոյի հանրագիտարան» կայքում
- «Дарю тебе звезду» — Мультик.ру
- «Дарю тебе звезду» - смотреть мультфильм онлайн
|
