Յուրի Շահմուրադով

Վիքիպեդիայից՝ ազատ հանրագիտարանից
Յուրի Շահմուրադով
Անձնական տեղեկություն
Սեռ՝արական
Ազգություն՝հայ
Մասնագիտացում՝ըմբիշ և մարզիչ
Երկիր՝ ԽՍՀՄ և  Ռուսաստան
Ծննդյան ամսաթիվ՝փետրվարի 27, 1942(1942-02-27)[1] (82 տարեկան)
Ծննդավայր՝Ջրական, Ադրբեջանական ԽՍՀ, ԽՍՀՄ[1]
Մարզիչ(ներ)՝Իլյա Դրաև և Արմենակ Կաապետյան
175 սանտիմետր

Յուրի Ավանեսի Շահմուրադով (փետրվարի 27, 1942(1942-02-27)[1], Ջրական, Ադրբեջանական ԽՍՀ, ԽՍՀՄ[1]), հայ խորհրդային ըմբիշ (ազատ ոճ, 2-րդ միջին քաշ), մարզիչ, ԽՍՀՄ սպորտի վաստակավոր վարպետ (1970), ԽՍՀՄ վաստակավոր մարզիչ (1973), մանկավարժական գիտությունների թեկնածու։

Ավարտել է Դաղստանի մանկավարժական համալսարանը (1968), Մոսկվայի կուսակցական բարձրագույն դպրոցը (1980)։ Աշխարհի (1970), Եվրոպայի (1966, 1967, 1969), ԽՍՀՄ (1967-1970, 1972) չեմպիոն։ Ազատ ոճի ըմբշամարտի ՍՍՀՄ հավաքականի գլխավոր մարզիչ (1972-1981), 1981 թվականից՝ ՍՍՀՄ Պատգամավորների խորհրդին առընթեր ֆիզիկական մշակույթի և սպորտի կոմիտեի մենամարտային մարզաձևերի վարչության պետի տեղակալ։ Պարգևատրվել է «Պատվո նշան», ժողովուրդների բարեկամության և Հոկտեմբերյան հեղափոխության շքանշաններով։

Ծնվել է 1942 թվականի փետրվարի 27-ին, Ջրականում՝ Հին Թաղեր գյուղից հայ ներգաղթածների ընտանիքում[2]։ Երբ 6 տարեկան էր, նրա ընտանիքը տեղափոխվեց Օրջոնիկիձե (այժմ՝ Վլադիկավկազ), որտեղ սկսեց զբաղվել ազատ ոճի ըմբշամարտով՝ Իլյա Դրաևի ենթակայության ներքո։ 1962 թվականին ընդունվել է Դաղստանի պետական համալսարան և տեղափոխվել Մախաչկալա, որտեղ շարունակել է զբաղվել ըմբշամարտով ԽՍՀՄ-ի վաստակավոր մարզիչ Արմենակ Կարապետյանի օժանդակությամբ։ 1966 թվականից մինչև 1972 թվականը ներկայացել է ԽՍՀՄ ազգային հավաքականի դրոշի ներքո։ 1966, 1967, 1969 թվականներին դարձել է Եվրոպայի չեմպիոն, 1970 թվականին՝ աշխարհի չեմպիոն։ 1968 թվականին մասնակցել է Մեխիկոյի Օլիմպիական խաղերին։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 Հայկական սովետական հանրագիտարան, հատոր 8 (հայ.) — հատոր 8. — էջ 426.
  2. ըստ Լեռնային Ղարաբաղի Հանրապետության վարչատարածքային բաժանման՝ ԼՂՀ Հադրութի շրջանի, իսկ ԱՀ վարչատարածքային բաժանման համաձայն՝ Ադրբեջանի Խոջավենդի շրջանի կազմում։

Արտաքին հղումներ[խմբագրել | խմբագրել կոդը]

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 8, էջ 426