Վարազդատ Մնացականյան
- Վիքիպեդիայում կան հոդվածներ Մնացականյան ազգանունով այլ մարդկանց մասին։
Վարազդատ Մնացականյան | |
---|---|
Ծնվել է | 1916 |
Ծննդավայր | Սուրմալուի գավառ, Երևանի նահանգ, Կովկասի փոխարքայություն, Ռուսական կայսրություն |
Մահացել է | անհայտ |
Քաղաքացիություն | ![]() ![]() |
Կրթություն | Երևանի պետական համալսարան (1949) |
Մասնագիտություն | մանկավարժ |
Կուսակցություն | ԽՄԿԿ |
Պարգևներ և մրցանակներ |
Վարազդատ Մկրտչի Մնացականյան (1916, Սուրմալուի գավառ, Երևանի նահանգ, Կովկասի փոխարքայություն, Ռուսական կայսրություն - անհայտ), հայ մանկավարժ։ Հայրենական մեծ պատերազմի մասնակից։ ԽՄԿԿ անդամ (1940):
Կենսագրություն
[խմբագրել | խմբագրել կոդը]Վարազդատ Մնացականյանը ծնվել է 1916 թվականին, Արևմտյան Հայաստանի Սուրմալուի գավառի Սոլա-Ղամար գյուղում։ 1916 թվականին նրա ծնողները գաղթել են Արևելյան Հայաստան և բնակություն հաստատել Հոկտեմբերյանի շրջանի Շենավան գյուղում։ 1934 թվականին ավարտել է Արմավիրի մանկավարժական տեխնիկումը։ 1934-1939 թվականներին Մնացականյանն աշխատել է Հոկտեմբերյանի շրջանի տարբեր գյուղերի դպրոցներում, եղել է ուսուցիչ, դպրոցի տնօրեն։ Մանկավարժական աշխատանքին զուգընթաց սովորել և ավարտել է Երևանի հեռակա մանկավարժական ինստիտուտի երկամյա բաժնի լեզվագրական ֆակուլտետը[1]։
1939 թվականին Մնացականյանը զորակոչվել է կարմիր բանակ՝ պարտադիր զինվորական ծառայության։ Ավարտել է 132-րդ դիվիզիայի 712-րդ հրաձգային գնդի կրտսեր հրաձգային գնդի կրտսեր հրամանատարների դպրոցը, ստացել ավագ սերժանտի կոչում։ Աշխատել է գնդի դպրոցում որպես դասակի հրամանատարի օգնական և ընտրվել վաշտի կոմերիտական կազմակերպության քարտուղար։ 1940 թվականին Մնացականյանը ընդունվել է կոմունիստական կուսակցության շարքերը։ Ակտիվ մասնակցություն է ունեցել Հարավ-Արևմտյան ռազմաճակատի մարտական գործողություններին։ Մարտերում ցուցաբերած արիության համար պարգևատրվել է «Մարտական ծառայությունների համար», «Կովկասի պաշտպանության համար» և այլ մեդալներով[1]։
1945 թվականին Մնացականյանը զորացրվել է բանակից և ընդունվել Երևանի պետական համալսարանի բանասիրական ֆակուլտետը, միևնույն ժամանակ աշխատել է մայրաքաղաքի Գրիբոյեդովի անվան միջնակարգ դպրոցում, որպես հայոց լեզվի և գրականության ուսուցիչ։ 1949 թվականին ավարտել է Երևանի պետական համալսարանը, նշանակվել Աշտարակի շրջանի Ուջան գյուղի դպրոցի տնօրեն և հայոց լեզվի ու գրականության ուսուցիչ։ 1951 թվականին տեղափոխվել է Հոկտեմբերյանի շրջան և աշխատելՆոր Արտագերսի, Նալբանդյանի, Մեծամորի, քաղաքի № 2 դպրոցներում։ Դպրոցի ուսումնադաստիարակչական աշխատանքները կազմակերպելու համար Մնացականյանը պարգևատրվել է «Աշխատանքային արիության համար» մեդալով[1]։
Պարգևներ
[խմբագրել | խմբագրել կոդը]- «Մարտական ծառայությունների համար» մեդալ
- «Կովկասի պաշտպանության համար» մեդալ
- «Աշխատանքային արիության համար» մեդալ
Ծանոթագրություններ
[խմբագրել | խմբագրել կոդը]- 1916 ծնունդներ
- Ռուսական կայսրությունում ծնվածներ
- Մահվան ամսաթիվը չորոշված անձինք
- ԵՊՀ շրջանավարտներ
- ԽՄԿԿ անդամներ
- «Մարտական ծառայությունների համար» մեդալով պարգևատրվածներ
- «Աշխատանքային արիության համար» մեդալակիրներ
- Կովկասի պաշտպանության համար մեդալակիրներ
- Անձինք այբբենական կարգով
- Հայ մանկավարժներ
- ՀՊՄՀ շրջանավարտներ
- ԵՊՀ բանասիրական ֆակուլտետի շրջանավարտներ
- Հայրենական մեծ պատերազմի հայ մասնակիցներ
- «Աշխատանքային արիության համար» մեդալով պարգևատրվածներ