Միչիգան լիճ

Վիքիպեդիայից՝ ազատ հանրագիտարանից
Picto infobox map.png
Միչիգան լիճ
Lake Michigan

Landsat
Տեղագրություն Ամերիկայի Միացյալ Նահանգներ ԱՄՆ
Երկարություն 494 կմ
Լայնություն 190 կմ
Ավազանի մակերեսը 58,000[1] կմ²
Ջրափնյա գծի երկարությունը 2,636 կմ
Ամենամեծ խորությունը 281 մետր[2] մ
Միջին խորությունը 85 մետր մ
Միջին բարձրությունը 176 մետր[2] մ
Կղզիներ տես՝ ցանկը
Ծանոթագրություն
[2]

Միչիգանը (անգլ.՝ Lake Michigan), քաղցրահամ լիճ ԱՄՆ-ում, հյուսիսամերիկյան հինգ Մեծ Լճերից մեկը։ Լճերի համակարգից այն միակն է, որն ամբողջությամբ գտնվում է ԱՄՆ-ի տարածքում և ամենախոշորն է այն լճերի թվում, որոնք գտնվում են ԱՄՆ-ի տարածքում[3]: Գտնվում է Վերին լճից հարավ, միացված է Հուրոն լճի հետ Մակինո նեղուցով, Միսիսիպի գետի համակարգի հետ՝ Չիկագո-Լոկպորտ ջրանցքով: Հիդրոգրաֆիայիայի տեսանկյունից Միչիգան և Հուրոն լճերը առաջացնում են միասնական համակարգ, սակայն աշխարհագրորեն դրանք ընդունված է համարել երկու առանձին լճեր։

Աշխարհագրություն[խմբագրել | խմբագրել կոդը]

Արևածագը Միչիգան լճի մոտ

Միչիգանի մակերեսը մոտ 57 750 կմ² է (մեծությամբ երրորդն է Մեծ Լճերի թվում), երկարությունը՝ մոտ 500 կմ, լայնությունը՝ մոտ 190 կմ։ Բարձրությունը ծովի մակարդակից կազմում է 177 մ (ինչպես Հուրոն լիճը), խորությունը՝ մինչև 281 մ։ Սառույցով պատված է տարվա չորս ամիսների ընթացքում։ Կղզիներն են՝ Բիվեր, Հյուսիսային Մանիտու, Հարավային Մանիտու:

Լճի ափին են գտնվում Չիկագո, Միլուոկի, Գրին Բեյ (Վիսկոնսին), Գերի, Համոնդ (Ինդիանա), Էվանսթոն (Իլինոյս) քաղաքները։ Լճի ափին են գտնվում Միչիգան, Ինդիանա, Իլինոյս և Վիսկոնսին նահանգները։

Անվան ծագումնաբանություն[խմբագրել | խմբագրել կոդը]

Լճի անվանումը ծագում է mishigami բառից, որը օջիբվա հնդկացիների լեզվից թարգմանաբար նշանակում է «մեծ ջուր»[4]: Եվրոպացիներից առաջինը լիճը հայտնաբերել է ֆրանսիացի Ժան Նիկոլեն 1634 թվականին[5]:

Ծանոթագրություններ[խմբագրել | խմբագրել կոդը]

  1. «Lake Michigan»։ Great-lakes.net։ 2009-06-18։ Վերցված է 2010-01-14 
  2. 2,0 2,1 2,2 Wright, John W. (ed.) (2006). The New York Times Almanac (2007 տպ.). New York, New York: Penguin Books. էջ 64. ISBN 0-14-303820-6. 
  3. Lake Michigan" . Great-lakes.net. 2009-06-18. Retrieved 2010-01-14.
  4. «Superior Watershed Partnership Projects» 
  5. Bogue 1985, էջեր. 7–13


Հյուսիսամերիկյան Մեծ Լճեր

Վերին լիճ  • Միչիգան լիճ  • Հուրոն լիճ  • Էրի լիճ  • Օնտարիո լիճ