Միկելե դա Վերոնա
Միկելե դա Վերոնա | |
---|---|
![]() | |
Ծնվել է | 1470[1] |
Ծննդավայր | Վերոնա, Վենետո, Իտալիա |
Վախճանվել է | 1540 |
Մահվան վայր | Վերոնա, Վենետո, Իտալիա |
Քաղաքացիություն | ![]() |
Մասնագիտություն | նկարիչ |
![]() |
![](http://upload.wikimedia.org/wikipedia/commons/thumb/2/20/Michele_Da_Verona_-_Crucifixion_-_WGA15576.jpg/270px-Michele_Da_Verona_-_Crucifixion_-_WGA15576.jpg)
Միկելե դա Վերոնա կամ Միկելե դի Ցենոնե (իտալերեն՝ Michele da Verona, Michele di Zenone, 1470[1], Վերոնա, Վենետո, Իտալիա - 1540, Վերոնա, Վենետո, Իտալիա), Վերածննդի դարաշրջանի իտալացի նկարիչ[2], կերպարվեստի Վերոնայի դպրոցի ներկայացուցիչ[3]։ Երբեմն նրան շփոթում են իր ժամանակակից վերոնացի մեկ այլ նկարչի՝ Ցերոնե Վերոնեզեի (Zerone Veronese) (1484 -1542) հետ։
Կենսագրություն
[խմբագրել | խմբագրել կոդը]Արվեստի պատմաբաններն իրենց ուսումնասիրությունների արդյունքում եզրահանգել են, որ Միկելեն ծնվել է 1469 կամ 1470 թվականին, ամենայն հավանականությամբ՝ Վերոնայի մերձակայքում գտնվող Սոմակամպանյա բնակավայրում, բրդի մշակությամբ զբաղվող Ցենոնե դի Գասպարեի ընտանիքում[4]։ Քիչ բան է հայտնի նրա ստեղծագործական գործունեության մասին[5]։ Պատմական առաջին հիշատակումներից մեկը 1492 թվականին վերագրվող տեղեկությունն է այն մասին, որ նա քսաներկու տարեկան հասակում նկարչի որակավորում է ստացել[4]։ Ընդ որում՝ սովորել է Դոմենիկո Մորոնեի արվեստանոցում, վերջինիս որդու՝ Ֆրանչեսկոյի հետ համատեղ[5]։ Ուսումնասիրողների կարծիքով՝ նրա աշխատանքներում նկատվում է ոչ միայն իր վարպետի, այլև կերպարվեստի վենետիկյան դպրոցի ներկայացուցիչներ Ջենտիլե Բելլինիի, Վիտտորե Կարպաչոյի ազդեցությունը[5]։
Միկելե դա Վերոնայի գլուխգործոցը համարվում է Վերոնայի Սան Ջորջո ին Բրաիդա վանքի համար 1501 թվականին նկարած «Խաչելությունը», որը ներկայումս գտնվում է Միլանի Սան Ստեֆանո եկեղեցում[6]։ Նկարչի գործերից պահվում են նաև Նյու Յորքի Մետրոպոլիտեն թանգարանում, Վենետիկի Ֆրանկետի պատկերասրահում ու Ֆոսկարիի հավաքածուում, Բուդապեշտի գեղարվեստի թանգարանում... Նա հեղինակել է նաև որմնանկարներ (Վերոնայի Սանտա Կիարա, Վիտտորիա Նուովա, Սանտ՛ Անաստազիա, Վենետիկի մերձակա Վիլլա դի վիլլա եկեղեցիներում)։
Գրականություն
[խմբագրել | խմբագրել կոդը]- Bryan, Michael (1889). Walter Armstrong & Robert Edmund Graves (ed.). Dictionary of Painters and Engravers, Biographical and Critical (Volume II: L-Z). York St. #4, Covent Garden, London; Original from Fogg Library, Digitized May 18, 2007: George Bell and Sons. էջ 661.
{{cite book}}
: CS1 սպաս․ location (link)
Ծանոթագրություններ
[խմբագրել | խմբագրել կոդը]- ↑ 1,0 1,1 RKDartists (նիդերլ.)
- ↑ Metropolitan Art Collections
- ↑ http://www.metmuseum.org/collections/search-the-collections/437081%7Ctitolo=Metropolitan Art Collections}}
- ↑ 4,0 4,1 |nomeurl=michele-da-verona_(Dizionario-Biografico)|accesso=8 febbraio 2019}}
- ↑ 5,0 5,1 5,2 | titolo=le muse | editore=De Agostini | città=Novara | anno=1966 | volume=VII |p=458}}
- ↑ Autrefois dans le réfectoire de l'église San Giorgio, Vérone.
Արտաքին հղումներ
[խմբագրել | խմբագրել կոդը]![]() | Վիքիպահեստն ունի նյութեր, որոնք վերաբերում են «Միկելե դա Վերոնա» հոդվածին։ |
|