Միլիոն տարի՝ մեր թվարկությունից առաջ (ֆիլմ, 1966)
 անգլ.՝ One Million Years B.C. | |
|---|---|
| Երկիր | .svg){kind=small} Միացյալ Թագավորություն |
| Ժանր | ֆենթեզի ֆիլմ[1][2][3] և արկածային ֆիլմ[2][1] |
| Թեմա | դինոզավրեր |
| Հիմք | One Million B.C.? |
| Թվական | 1966 |
| Լեզու | անգլերեն |
| Ռեժիսոր | Don Chaffey?[2][4] |
| Պրոդյուսեր | Michael Carreras? |
| Սցենարի հեղինակ | Michael Carreras? և William Bast? |
| Դերակատարներ | Ռաքել Ուելչ[2][4], John Richardson?[2], Փերսի Հերբերթ[2], Ռոբերտ Բրաուն[2], Մարտին Բեսուիկ[2], Richard James?[2] և Jean Wladon? |
| Օպերատոր | Ուիլկի Կուպեր |
| Երաժշտություն | Մարիո Նաշիմբենե |
| Մոնտաժ | Tom Simpson? |
| Նկարահանման վայր | Կանարյան կղզիներ |
| Կինոընկերություն | Hammer Film Productions? և Seven Arts Productions? |
| Տևողություն | 96 րոպե |
Միլիոն տարի՝ մեր թվարկությունից առաջ (անգլ.՝ One Million Years B.C.), 1966 թվականին ռեժիսոր Դոն Չեֆֆիի կողմից նկարահանված գեղարվեստական կինոնկար, որը 1940 թվականին նկարահանված համանուն ամերիկյան ֆիլմի ռեմեյքն է։
Սյուժե[խմբագրել | խմբագրել կոդը]
Ֆիլմի գործողություններն ընթանում են մտացածին նախապատմական ժամանակաշրջանում։ Քարանձավային մարդիկ դինոզավրերի և այլ ֆանտաստիկ արարածների հետ միասին գոյատևում են միևնույն աշխարհում։ Ֆիլմի գլխավոր հերոսը՝ Տումակը, վտարվում է իր հարազատ Ժայռերի ցեղախմբից, քանի որ կռվել էր հոր հետ՝ որսամիսը կիսելու պատճառով։ Նա սկսում է թափառել և հսկայական մողեսի հարձակումից խուսափելով թաքնվում է քարանձավում, որտեղ բնակվում էին խոշոր մարդանման կապիկներ, սակայն շուտով լքում է քարանձավը և նկատում, որ գտնվում է հրաբխային խառնարանից ոչ հեռու։ Տեսնելով հսկայական հնգամատ հետքեր և քայլելով դրանց ուղղությամբ, նա հանդիպում է բրոնտոզավրի և հսկայական սարդի, որի արդյունքում անչափ վախենում է։
Բազում օրեր անապատով թափառելուց հետո, նա ուժասպառ է լինում, սակայն նրան փրկում են իրեն անծանոթ ցեղի շիկահեր մարտիկներ։ Վերջիններս կարողանում են քշել մոտակայքում հայտնված արխելոնին (հսկա ծովային կրիա)։ Նոր ցեղակիցները առավել քաղաքակիրթ էին և խոսում էին առավել կատարելագործված ու վարժ լեզվով, ուտում էին ափսեներից, կատարում թաղման ծիսակարգ, նկարում ժայռապատկերներ և խեցիներից նուրբ զարդեր պատրաստում։ Սակայն նրանք վախենում էին վայրի կենդանիներից։ Տումակը սպանելով նրանց վրա հարձակված ալոզավրին, կարողանում է նրանց օգնել՝ վախն հաղթահարելու։ Ի վերջո նա մտերմանում է Լոանա անունով աղջկա հետ։
Մի օր Տումակը փորձում է գողանալ ցեղախմբի մարտիկներից մեկի նիզակը, սակայն բռնվում է և Լոանայի հետ միասին վտարվում ցեղախմբից։ Նրանք ստիպված էին թափառել՝ անընդհատ փրկություն փնտրելով նախապատմական շատ վտանգավոր կենդանիներից։ Մի անգամ, փրկվելով տրիցերատոպսի և ցերատոզավրի կատաղի կռվից, նրանք գերեվարվում են Ժայռերի ցեղախմբի կողմից։ Այնտեղ Լոանան բախվում է Ժայռերի թխահեր ցեղախմբի աղջիկներից մեկի՝ Նուպոնդիի հետ և կռվում հաղթում նրան, որից հետո իրավունք է ձեռք բերում՝ մնալ սիրելի տղամարդու կողքին։
Լոանան ցեղախմբի մարդկանց սովորեցնում է զվարճանալ, սակայն գետում լողանալիս, նրան ճանկում է պտերանդոնը և տանում իր բույնը՝ փորձելով կերակրել իր ձագերին։ Այդ ժամանակ պտերանդոնի վրա հարձակվում է հսկայական ռամֆորինխուսը և Լոանան ընկնում է ծովը։ Տումակը չի կարողանում նրան գտնել և կարծում է, որ Լոանան մահացել է։ Սակայն Լոանային գտնում են իր ցեղախմբի անդամները։
Ֆիլմի վերջում երկու ցեղախմբերը՝ թխահերներն ու շիկահերները ընդհարվում են, սակայն այն ընդհատվում է հրաբխի ժայթքման պատճառով, որն ի վերջո վերածվում է ավերիչ երկրաշարժի։ Արդյունքում մարդկանց մի մասը զոհվում է, իսկ մի փոքր մասին հաջողվում է փրկվել։
Դերասանական կազմ[խմբագրել | խմբագրել կոդը]
| Դերակատար | Կերպար |
|---|---|
| Ռաքել Ուելչ | Լոանա |
| Ջոն Ռիչարդսոն | Տումակ |
| Պերսի Հերբերտ | Սաքանա |
| Ռոբերտ Բրաուն | Ախոբա |
| Մարտին Բեսուիկ | Նուպոնդի |
| Լիզա Թոմաս | Սուրա |
Նկարահանող խումբ[խմբագրել | խմբագրել կոդը]
| Կինոգործիչ | Ներդրումը |
|---|---|
| Դոն Չեֆֆի | ռեժիսոր |
| Մայքլ Կարերաս | պրոդյուսեր |
| Մայքլ Կարերաս | սցենարիստ |
| Ուիլքի Կուպեր | օպերատոր |
| Մարիո Նասիմբենե | կոմպոզիտոր |
Հետաքրքիր փաստեր[խմբագրել | խմբագրել կոդը]
- Դինոզավրերի մակետներն ստեղծվել են Չարլզ Նայթի նկարների հիման վրա։
- Կինոնկարի հատուկ էֆեկտներն ստեղծել է Ռեյ Հարիհաուզենը։
- Ի սկզբանե Լոանայի դերում նկարահանվելու առաջարկ էր ստացել Ուրսուլա Անդրեսը[5]։
- Ֆիլմը նկարահանվել է Կանարյան կղզիներում։
Ծանոթագրություններ[խմբագրել | խմբագրել կոդը]
- ↑ 1,0 1,1 http://www.nytimes.com/reviews/movies
- ↑ 2,0 2,1 2,2 2,3 2,4 2,5 2,6 2,7 2,8 http://www.imdb.com/title/tt0060782/
- ↑ http://www.filmaffinity.com/en/film446521.html
- ↑ 4,0 4,1 http://www.filmaffinity.com/es/film446521.html
- ↑ Smith, Gary A. (1991). Epic Films: Casts, Credits and Commentary on over 250 Historical Spectacle Movies. Mcfarland & Co. էջ 162. ISBN 978-0899505671. Վերցված է 2013 թ․ փետրվար-ին.
|
