Մեսրոպ Վարդանյան (մանկավարժ)

Մեսրոպ Վարդանյան;
Ծնվել է	1911
Ծննդավայր	Վարդաբլուր, Ալեքսանդրապոլի գավառ, Երևանի նահանգ, Կովկասի փոխարքայություն, Ռուսական կայսրություն
Մահացել է	անհայտ
Քաղաքացիություն	Ռուսական կայսրություն և ԽՍՀՄ
Կրթություն	Հայկական պետական մանկավարժական համալսարան (1941)
Մասնագիտություն	մանկավարժ
Պարգևներ և ; մրցանակներ	և

Վիքիպեդիայում կան հոդվածներ Վարդանյան ազգանունով այլ մարդկանց մասին։

Անվան այլ կիրառումների համար տե՛ս՝ Մեսրոպ Վարդանյան (այլ կիրառումներ)

Մեսրոպ Արմենակի Վարդանյան (1911, Վարդաբլուր, Ալեքսանդրապոլի գավառ, Երևանի նահանգ, Կովկասի փոխարքայություն, Ռուսական կայսրություն - անհայտ), հայ մանկավարժ։ Հայրենական մեծ պատերազմի մասնակից։ «Ժողովրդական կրթության գերազանցիկ»։

Կենսագրություն[խմբագրել | խմբագրել կոդը]

Մեսրոպ Վարդանյանը ծնվել է 1911 թվականին Ստեփանավանի շրջանի Վարդաբլուր գյուղում։ 1932 թվականին ավարտել է Ստեփանավանի գյուղատնտեսական տեխնիկումը։ 1933-1935 թվականներին ծառայել է կարմիր բանակի շարքերում, զորացրվելուց հետո վերադարձել է հայրենի գյուղը, նշանակվել յոթնամյա դպրոցի հայոց լեզվի ուսուցիչ։ Այնուհետև նշանակվել է Ստեփանավան քաղաքի № 2 մանկատան տնօրեն։ 1941 թվականին ավարտել է Երևանի հեռակա մանկավարժական ինստիտուտի լեզվագրական ֆակուլտետը^[1]։

1942 թվականի օգոստոսից մինչև պատերազմի վերջը Վարդանյանը ծառայել է 89-րդ հայկական հրաձգային դիվիզիայում։ Նա մարտերով Կովկասյան լեռներից հասել է Բեռլին, ակտիվորեն մասնակցել թշնամու դեմ մղված կռիվներին։ Նրա մասին ջերմ տողեր են գրվել «Թամանցիները» և «Մարտական 89» գրքերում։ Վարդանյանը մասնակցել է Ղրիմի ազատագրմանը և ցուցաբերած խիզախության համար արժանացել է Կարմիր աստղի շքանշանի։ Լեհաստանի ազատագրման կռիվներում մարտական առաջադրանքները գերազանց կատարելու համար պարգևատրվել է Հայրենական պատերազմի երկրորդ աստիճանի շքանշանով, և մի քանի մեդալներով։ Լեհական Ռուսկի Բրուտ բնակավայրի մոտ վիրավորվել է, բայց չի հեռացել մարտի դաշտից։ Մարտերով անցել է Օդերը, մասնակցել Բեռլինի գրավմանը։ Ցուցաբերած քաջության համար պարգևատրվել է Հայրենական պատերազմի 1-ին և 2-րդ աստիճանի շքանշաններով^[1]։

Վարդանյանը հարուստ գործունեություն է ծավալել նաև հետպատերազմյան տարիներին։ Եղել է ուսուցիչ, ուսմասվար, քաղխմբակի պրոպագանդիստ Գուգարքի շրջանի Համզաչիման գյուղում։ Պարգևատրվել է ՀԽՍՀ Գերագույն նախագահության պատվոգրով, «Ժողովրդական կրթության գերազանցիկ» կրծքանշանով։ 1969 թվականի նոյեմբերի 27-ին կուսակցության Ստեփանավանի շրջկոմը կազմակերպել է Վարդանյանի մեծարման երեկո^[1]։

Պարգևներ[խմբագրել | խմբագրել կոդը]

Կարմիր աստղի շքանշան
Հայրենական պատերազմի 2-րդ աստիճանի շքանշան (կրկնակի)
Հայրենական պատերազմի 1-ին աստիճանի շքանշան
«Ժողովրդական կրթության գերազանցիկ» կրծքանշան

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 Հայաստանի ուսուցիչները մեծ հայրենականում (Ա. Հ. Հարությունյան, Լ. Ս. Մելքումյան, Ա. Ղ. Սուքիասայան), «Լույս» հրատարակչություն, Երևան, 1982:

[books-1] 1,0 ^1,1 ^1,2 Հայաստանի ուսուցիչները մեծ հայրենականում (Ա. Հ. Հարությունյան, Լ. Ս. Մելքումյան, Ա. Ղ. Սուքիասայան), «Լույս» հրատարակչություն, Երևան, 1982:

[1]