Մելիսա Մաքբրայդ

Վիքիպեդիայից՝ ազատ հանրագիտարանից
Jump to navigation Jump to search
Մելիսա Մաքբրայդ
Melissa McBride.jpg
Ծնվել էմայիսի 23, 1965(1965-05-23)[1] (55 տարեկան)
ԾննդավայրԼեքսինգտոն, Կենտուկի, ԱՄՆ
ՔաղաքացիությունFlag of the United States.svg ԱՄՆ
Մասնագիտությունկինոդերասանուհի, հեռուստատեսային դերասանուհի, քասթինգի տնօրեն և դերասանուհի
ԸնտրանիՔայլող մեռյալները
Պարգևներ և մրցանակներՍատուրն մրցանակ

Մելիսա Սյուզան Մաքբրայդ (անգլ.՝ Melissa Suzanne McBride, մայիսի 23, 1965(1965-05-23)[1], Լեքսինգտոն, Կենտուկի, ԱՄՆ), ամերիկացի դերասանուհի և քասթինգի նախկին տնօրեն, որն առավել հայտնի է AMC«Քայլող մեռյալները» սերիալում խաղացած Քերոլ Պելետե դերով:

Վաղ տարիներ[խմբագրել | խմբագրել կոդը]

Մելիսա Սյուզան Մաքբրայդը ծնվել է Կենտուկի նահանգի Լեքսինգթոն քաղաքում՝ Ջոն Լեսլի Մաքբրայդի և Սյուզան Լիլիան Մաքբրայդի (օրիորդ ժամանակ՝ Սագլի) ընտանիքում[2][3]: Նրա հայրը ունեցել է սեփական բիզնես, իսկ մայրը դասավանդել է Փասադենայի Pasadena Playhouse թատրոնում[4]: Ունի երկու հարազատ եղբայր՝ Ջոն Մայքլը (1957-1990), Նիլ Ալենը (1960-2008), և քույր՝ Մելանի Սյուզանը (1962-2012)[5][6]:

Կարիերա[խմբագրել | խմբագրել կոդը]

Մաքբրայդն իր դերասանական կարիերան սկսել է 1991 թվականին՝ մասնակցելով Rooms To Go ընկերության համար մի քանի գովազդային հոլովակների նկարահանումների: Նա նաև Ֆորդ ընկերության ներկայացուցիչն էր[7][8]: Նրա դերասանական առաջնաելույթը տեղի է ունեցել 1993 թվականին ABC-ի «Մեթլոք» դրամատիկական սերիալում: Հետո էպիզոդիկ դերեր է ունեցել «Կեսգիշերային շոգ», «Շերիֆը դժոխքից», «Պրոֆայլեր», «Տեխասի ռենջեր Ուոքեր» և «Դոուսոնի ծովախորշը» սերիալներում: Վերջինում խաղացել է Նինայի՝ կինեմատոգրաֆի սիրուհու դերը, որը Ջենի հետ բաժանվելուց հետո գերում է Դոուսոնին: Նա մասնակցել է 1998 թվականի առաջին եթերաշրջանի առաջին էպիզոդի նկարահանումներին և 2003 թվականին վեցերորդ եթերաշրջան է վերադարձել ուրիշ դերով[9]:

1990-ական թվականների ընթացքում Մաքբրայդը խաղացել է երկրորդական դերեր մի քանի հեռուստասերիալներում («Երդվյալ թշնամի» (1995), «Վտանգի կողքին» (1997), «Ուր ասես, միայն ոչ տուն» (1997) և «Սիլիկոնյան հովտի ծովահենները» (1999)): 1996 թվականին նկարահանվել է CBS-ի «Քավարանի սեզոն» մինի-սերիալում, որը հիմնված է Դոմինիկ Դանի համանուն վեպի վրա: 2000-2010 թվականներին որպես քասթինգի տնորեն աշխատել է Ջորջիա նահանգի Ատլանտա քաղաքում և մասնակցել է մի քանի կարճամետրաժ ֆիլմերի: 2007 թվականին Մաքբրայդը Ֆրենկ Դարաբոնտի «Մշուշը» գիտաֆանտաստիկ սարսափ ֆիլմում էպիզոդիկ դերի համար անցել է փորձաշրջան: Հաջորդ տարի նկարահանվել է Lifetime-ի «Կենդանի ապացույց» հեռուստասերիալում:

Քայլող մեռյալները (2010 - մեր օրեր)[խմբագրել | խմբագրել կոդը]

Մաքբրայդը Ֆրենկ Դարաբոնտի «Քայլող մեռյալները» նոր հեռուստատեսային ծրագրում առանց լսումների ստացել է Քերոլ Պելետեի դերը[10]: Նրա հերոսուհին՝ քառասուն տարեկան այրին և հոգատար մայրը, պայքարում է դաժան պոստապոկալիպտիկ աշխարհում գոյատևելու համար, որը բնակեցված է գիշատիչ զոմբիներով: Առաջին երեք եթերաշրջաններին նրա հերոսուհին եղել է երկրորդական կերպար, բայց 4-րդ եթերաշրջանի առաջին էպիզոդից սկսած՝ Մաքբրայդի անունը հայտնվել է նախնական տիտրերում[11][12]: Ենթադրվում էր, որ Քերոլ Պելետեն սպանվելու է «Killer Within» էպիզոդում, սակայն պրոդյուսերը հրաժարվել է այդ գաղափարից[13]:

Սերիալի պրոդյուսերներ Սկոթ Մ. Գիմպլը և Ռոբերտ Կիրկմանը 2014 թվականին հայտարարել են, որ «Քերոլը այս տիեզերքի եզակի կերպարն է: Հեռուստաշոուի Քերոլը բնօրինակ արարած է, որին մենք մեր շոուում կշարունակենք ուսումնասիրել մեծ հետաքրքրությամբ: Մեր բոլոր սցենարիստները սիրում են այդ կերպարին, և մենք հիանում ենք Մելիսայով: Նա դարձել է հերոսուհի, որին հետաքրքիր է հետևել և առջևում նրան իսկապես հետաքրքիր բաներ են սպասվում»[14]:

3-րդ, 4-րդ և 5-րդ եթերաշրջաններում դերասանական աշխատանքի համար Մաքբրայդը ընդունվել է քննադատներից կողմից և արժանացել է հանդիսատեսի դրական արձագանքներին[15]: Շատ քննադատներ բարձր են գնահատել Մաքբրայդի ելույթը «The Grove»-ի 4-րդ եթերաշրջանի 14-րդ էպիզոդում, որի գլխավոր գործող անձը Քերոլն էր[16][17][18]: Բարձր է գնահատվել նաև նրա ելույթը «No Sanctuary»-ի 5-րդ եթերաշրջանի առաջին էպիզոդում[19][20][21]: Չնայած քննադատների և հանդիսատեսի գովասանքին, Մաքբրայդը այդպես էլ չի ստացել դրամատիկական հեռուստասերիալում երկրորդական պլանի լավագույն կանացի դերի համար «Էմմի» մրցանակի անվանակարգ[22]: Այնուամենայնիվ, «Սատուրն» մրցանակի 40-րդ մրցանակաբաշխությունում Մաքբրայդը ստացել է մրցանակ երկրորդական պլանի լավագույն հեռուստատեսային դերասանուհու համար[23][24], 4-րդ եթերաշրջանի իր ելույթի համար 2014 թվականին առաջադրվել է նաև Critics’ Choice Television Award-ին[25]: «Սատուրն» մրցանակի 41-րդ մրցանակաբաշխությունում կրկին ստացել է մրցանակ նույն կատեգորիայում[26]: 2016-2019 թվականների ընթացքում Մաքբրայդը ստացել է այս մրցանակի անվանակարգ:

Ֆիլմագրություն[խմբագրել | խմբագրել կոդը]

Տարի Անվանում Բնօրինակ անվանում Դեր
1993 ս Մեթլոք Matlock Դարլին Քելոգ/մատուցողուհի
1994 ս Կեսգիշերային շոգ In the Heat of the Night WPMM-ի լրաբեր
1995 հֆ Երդվյալ թշնամի Her Deadly Rival Էլի
1995 ս Շերիֆը դժոխքից American Gothic Հոլի Գալահեր
1996 ս Քավարանի սեզոն A Season in Purgatory Մերի Փեթ Բրեդլի
1996 ս Պրոֆայլեր Profiler Ուոքեր Յանգ
1997 հֆ Վտանգին մոտ Close to Danger Նատալի
1997 հֆ Ուր ասես, միայն ոչ տուն Any Place But Home Բրեթ
1997 ս Տեխասի ռենջեր Ուոքերը Walker, Texas Ranger բժիշկ Ռեյչել Վուդս
1998-2003 ս Դոուսոնի ծովախորշը Dawson’s Creek Մելանի/Նինա
2007 ֆ Մշուշը The Mist կին, ում երեխաները մնացել են տանը
2008 մֆ Դելգո Delgo օրիորդ Սաթլի/ծեր Պիրո
2008 հֆ Կենդանի ապացույց Living Proof Սալի
2010-մեր օրեր ս Քայլող մեռյալները The Walking Dead Քերոլ Պելետիե
2016 ֆ Երջանիկները The Happys Քրիստա
2018 ս Վախեցեք քայլող մեռյալներից Fear the Walking Dead Քերոլ Պելետիե

Մրցանակներ և անվանակարգեր[խմբագրել | խմբագրել կոդը]

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 Person Profile // Internet Movie Database — 1990.
  2. «Birth Record of Melissa Suzanne McBride»։ Birth Records։ Վերցված է 20-01-03 
  3. «Suzanne Lillian McBride Obituary»։ Dignity Memorial։ Վերցված է 20-01-03 
  4. «"The Walking Dead" -- Carol on her own»։ LA Times։ Վերցված է 20-01-03 
  5. «Neil McBride Obituary»։ Legacy։ Վերցված է 20-01-03 
  6. «In Memory of Melanie Suzanne McBride Sweat»։ Dignity Memorial։ Վերցված է 20-01-03 
  7. «Atlanta actress Melissa McBride transforms Carol, her 'Walking Dead' character»։ Radio TV Talk։ Վերցված է 20-01-03 
  8. «Melissa McBride»։ TV Guide։ Վերցված է 20-01-03 
  9. «Melissa McBride: 6 Things to Know About the Walking Dead Actress»։ Wet Paint։ Վերցված է 20-01-03 
  10. «AMC adds 'Walking Dead' cast»։ Hollywood Reporter։ Վերցված է 20-01-04 
  11. «Ask Ausiello: Spoilers on HIMYM, Private Practice, Bones, Walking Dead, Parks and Rec and More!»։ TV Line։ Վերցված է 20-01-04 
  12. «Melissa McBride Clears Up Walking Dead Contract Mystery, Declares: 'I Am a Series Regular'»։ TV Line։ Վերցված է 20-01-04 
  13. «'The Walking Dead': Carol was supposed to die»։ Hypable։ Վերցված է 20-01-04 
  14. «'Walking Dead': Is Carol Becoming the New Andrea?»։ Hollywood Reporter։ Վերցված է 20-01-05 
  15. «Melissa McBride deserves an Emmy for 'The Walking Dead' Season 4»։ Web Archive։ Վերցված է 20-01-05 
  16. «TVLine's Performer of the Week: Melissa McBride»։ TV Line։ Վերցված է 20-01-05 
  17. «'Walking Dead' Dissection: Melissa McBride Talks Carol's Devastating Decision»։ Hollywood Reporter։ Վերցված է 20-01-05 
  18. «'Look At The Flowers': Carol's Wrenching Choice Changes 'The Walking Dead' Forever In A Shocking Episode 414»։ Forbes։ Վերցված է 20-01-05 
  19. «Emmys 2014: Melissa McBride deserves 'The Walking Dead's' first acting nomination»։ Zap 2 It։ Վերցված է 20-01-05 
  20. «The Walking Dead: Melissa McBride, an Emmy Worthy Actress»։ Huffington Post։ Վերցված է 20-01-05 
  21. «FYC Best Supporting Actress – Drama: Melissa McBride»։ Awards Daily։ Վերցված է 20-01-05 
  22. «Primetime Emmy Nominations 2014: My Snappy Judgements»։ TV Line։ Վերցված է 20-01-05 
  23. «'Gravity,' 'Desolation of Smaug' lead Saturn Award nominations»։ Variety։ Վերցված է 20-01-05 
  24. «40th Annual Saturn Awards Nominations Include The Conjuring, The Walking Dead»։ Daily Dead։ Վերցված է 20-01-05 
  25. «Critics' Choice TV Awards 2014: And the nominees are...»։ Entertainment Weekly։ Վերցված է 20-01-05 
  26. «'Captain America,' 'The Walking Dead' lead 2015 Saturn Awards nominations»։ Hit Fix։ Վերցված է 20-01-05