Մասնակից:Narek1620/Ավազարկղ
| Անի Բատիկյան | |
|---|---|
 | |
| Հիմնական տվյալներ | |
| Ծնվել է | 1982 նոյեմբերի 22 Երևան, Հայաստան |
| Մասնագիտություն | ջութակահար |
| Գործիքներ | ջութակ |
| Կայք | anibatikian.com |
Անի Բատիկյան (ծնվել է նոյեմբերի 22 1982 թ., Երևան, Հայաստան) — հայազգի ջութակահարուհի:
Կրթություն[խմբագրել | խմբագրել կոդը]
Անի Բատիկյանը 1998 թվականին 15 տարեկանում ընդունվել է Երևանի Կոմիտասի անվան պետական կոնսերվատորիան` դառնալով այնտեղ սովորած ամենաերիտասարդ ուսանողներից մեկը: Կոնսերվատորիան ավարտել է գերազանցության դիպլոմով:[1]
2006 թվականին Անին ստացել է լրիվ կրթաթոշակ Լոնդոնի Թագավորական Ակադեմիայում սովորելու համար: Այնտեղ նա ստացել է DipRAM դիպլոմ, ինչպես նաև ջութակի հիասքանչ կատարման համար արժանացել գլխավոր մրցանակի:
Հետագայում ուսումը շարունակել է Կրեմոնայում (Իտալիա), որտեղ նրան դասավանդել է լեգենդար վիրտուոզ Սալվատորե Ակարդոն:
Տարբեր ժամանակներում նրա ուսուցիչներն են եղել Հենրիկ Սմբատյանը, Պիտեր Լիսսաուերը և Հու Կունը: Նա նաև ցուցումներ է ստացել Թոմաս Բրանդիսից, Տիբոր Վարգայից, Պյեր Ամոյալից, Ցվի Ցեյտլինից և Սիլվիա Ռոզենբերգից:
Ստեղծագործական գործունեությունը[խմբագրել | խմբագրել կոդը]
Անին համերգներով հանդես է եկել Էդինբուրգի «Usher Hall», Օքսֆորդի «Sheldonlan Theatre», Տորոնտոյի «Glenn Gould Studio» բեմերում և Լոնդոնի «St'Martin-in-the-Fields և St. John Smith» հրապարակում: Որպես մենակատար նա հանդես է եկել Տորոնտոյի, Օքսֆորդի, Հայաստանի ազգային կամերային, Շվեդիայի Կատրինհոլմ սիմֆոնիկ և Գլազգոյի կամերային նվագախմբերի հետ:
Որպես Dewar մրցանակակիր, նա ելութ է ունեցել Շոտլանդիայի խորհրդարանում անցկացվող The Dewar Arts Awards մրցանակաբաշխության հինգերորդ հոբելյանական համերգին:
2007-2012 թթ. Անին ջութակի դասեր է անցկացրել Շոտլանդիայի թագավորական երաժշտական և դրամատիկական ակադեմիայում:
Անի Բատիկյանը մասնակցել է «Music Alp» փառատոնին Ֆրանսիայում, Լևոն Չիլինգարյանի փառատոնին Հայաստանում, Շլեզվիգ-Հոլշտեյն փառատոնին Գերմանիայում և Լոզանի երաժշտական փառատոնին Շվեյցարիայում:
Անին ձայնագրել է «My Favorite Encore» անվանումով ձայնասկավառակ:
Անձնական կյանքը[խմբագրել | խմբագրել կոդը]
Անի Բատիկյանը ներկայումս բնակվում է Մեծ Բրիտանիայի Բրայթոն քաղաքում: Ամուսնացած է, ունի մեկ դուստր:
Մրցանակները և պարգևները[խմբագրել | խմբագրել կոդը]
Անի Բատիկյանը արժանացել է բազմաթիվ մրցանակների և պարգևների:[2]
- Hilda Bailey Prize
- David Knox Memorial Prize
- Dunbar-Gerber Prize
- Mabel Glover String Quartet Prize
- Governors’ Prize for Chamber Music
- Wilfred Parry Prize
- Marjorie Hayward Prize
- Dewar Arts Award prize
Ծանոթագրություններ[խմբագրել | խմբագրել կոդը]