Մասնակից:Սոֆի Շահնազարյան/Զբոսանք աշխարհով-2
Սոֆի Շահնազարյան/Զբոսանք աշխարհով-2 |
---|
Էդիր Մասեդու (Մասեդո) պորտ.՝ Edir Macedo, ), բրազիլացի եկեղեցական գործիչ, եպիսկոպոս-հոգեգլաստական, «Աստծո թագավորություն» համաշխարհային եկեղեցու հիմնադիր (1977), ձեռնարկատեր, գրող:
Կենսագրություն[խմբագրել | խմբագրել կոդը]
Մասեդուն ծնվել է բազմազավակ ընտանիքում: Նրա ծնվելուց կարճ ժամանակ անց ընտանիքը տեղափոխվել է Ռիո դե Ժանեյրո: Բրազիլական չափանիշներով ծնողներն ապահովված մարդիկ էին, թեև չունեին առաջին անհրաժեշտության էլեկտրական տեխնիկա: 16 տարեկանում սկսել է աշխատել, զբաղվել վիճակախաղի տոմսերի վաճառքով: Նախկին կաթոլիկ է: 18 տարեկանում կրոնական դարձի է ենթարկվել կանադայի հիսունական եպիսկոպոս Ռոբերտ Մաքալիսթերի ավետարանական քարոզարշավի ժամանակ:
1974 թվականից Մասեդուն սկսել է քարոզել Ռիո դե Ժանեյրոյի հրապարակներում: 1977 թվականի ամռանը համախոհների հետ գնել է նախկին թաղման բյուրոյի շենքը և այն վերածել եկեղեցու:
1977 թվականին Բրազիլիայում պաշտոնապես հիմնադրել է քրիստոնեական նեոհիսունական համաշխարհային եկեղեցի՝ «Աստծո թագավորությունը» (պորտ.՝ Igreja Universal do Reino de Deus, IURD)[1]:
Սկզբում Մասեդուի քարոզները գրավել են ոչ ավելի, քան հարյուր մարդու, բայց շուտով ռադիոյի և հեռուստաշոուների շնորհիվ եկեղեցին սկսել է աճել և մասնաճյուղեր բացել: Դուստր եկեղեցիների ժամերգություններն անցկացվել են Ռիո դե Ժանեյրոյի վարձակալած կինոթատրոններում: Հաջորդ տասնամյակում եկեղեցին բացել է համայնքներ Բրազիլիայի բոլոր խոշոր քաղաքներում: 1986 թվականին Նյու Յորքում բացվել է Բրազիլիայի սահմաններից դուրս առաջին «Աստծո թագավորություն» համաշխարհային եկեղեցու համայնքը: Եվրոպայում առաջին եկեղեցին հայտնվել է 1989 թվականին՝ Լիսաբոնում: 1980-ականների վերջին եկեղեցին գործում էր Ասիայում և Աֆրիկայում։ Ներկայումս «Աստծո թագավորությունը» ունի դուստր եկեղեցիներ աշխարհի 180 երկրում՝ միավորելով 8 միլիոն հավատացյալի[2]:
Էդիր Մասեդուն Բրազիլիայի ամենավիճելի կրոնական առաջնորդներից մեկն է: Նա մերժել է բրազիլական հիսունականության առաջին ալիքին բնորոշ բոլոր պուրիտանության ձևերը:
Նա նաև Բրազիլիայում մեծությամբ երկրորդ հեռուստատեսային ցանցի՝ «Rede Record»-ի սեփականատերն էր: Հեղինակել է կրոնական թեմատիկայով այնպիսի գրքեր, որոնք վաճառվել են ավելի քան 10 միլիոն օրինակով:
Ֆորբսի տվյալներով Բրազիլիայի ամենահարուստ մարդկանցից է: 2013 թվականի տվյալներով նրա կարողությունը գնահատվում է 950 միլիոն դոլար, իսկ 2015 թվականի տվյալներով՝ 1,1 միլիարդ դոլար[3][4]:
Որոշ հրապարակումներ[խմբագրել | խմբագրել կոդը]
- Orixás, Caboclos e Guias: Deuses ou Demônios? (1995) ISBN 978-85-7140-536-3
- O Caráter de Deus (1997) ISBN 978-85-7140-161-7
- Somos todos filhos de Deus? (1997) ISBN 978-85-7140-490-8
- Estudos Bíblicos (1999) ISBN 85-7140-354-6
- Mensagens que Edificam (Volume 1) (2000) ISBN 85-7140-385-6
- As Obras da Carne e os Frutos do Espírito (2001) ISBN 85-7140-163-2
- O avivamento do Espírito de Deus (2002) ISBN 978-85-7140-162-4
- Nos Passos de Jesus (2003) ISBN 978-85-7140-500-4
- Mensagens que Edificam (Volume 2) (2004) ISBN 85-7140-380-5
- O Espírito Santo (2007) ISBN 978-85-7140-334-5
- O Bispo — A História Revelada de Edir Macedo (2007) ISBN 978-85-7635-265-5
- Aliança com Deus (2007) ISBN 978-85-7140-350-5
- Como Fazer A Obra de Deus (2011) ISBN 978-85-7140-642-1
- Novo Nascimento (2012) ISBN 9788571404507
- Nada a Perder (2012) ISBN 978-85-7665-893-1
- Mensagens do Meu Blog (2013) ISBN 978-85-7140-565-3
- Jejum de Daniel (2013) ISBN 978-85-7140-685-8
- Fé Racional (2013) ISBN 978-85-7140-567-7
- A Excelência da Sabedoria (2013) ISBN 978-85-7140-498-4
- A Voz da Fé (2013) ISBN 978-85-7140-544-8
- Nada a Perder 2 (2013) ISBN 85-422-0139-6
- O Despertar da Fé (2013) ISBN 978-85-7140-223-2
- O Perfil da Família de Deus (2013) ISBN 978-85-7140-160-0
- O Perfil da Mulher de Deus (2013) ISBN 978-85-7140-159-4
- O Perfil do Homem de Deus (2013) ISBN 978-85-7140-157-0
- Nada a Perder 3 (2014) ISBN 978-85-422-0414-8
Ծանոթագրություններ[խմբագրել | խմբագրել կոդը]
- ↑ Peter Bernard Clarke Neo-Pentecostal Churches // New Religions in Global Perspective: A Study of Religious Change in the Modern World. — Psychology Press, 2006. — P. 213. — 385 p. — ISBN 9780415257480
- ↑ В ходе давки на церковной службе пятидесятников в Анголе погибли 10 человек
- ↑ Одним из богатейших людей Бразилии стал протестантский пастор
- ↑ #1638 Edir Macedo & family. 2015 BILLIONAIRES NET WORTH