Մասնակից:ԳԻՏԱԿ/Ալեքսանդր Դմիտրիև
ԳԻՏԱԿ/Ալեքսանդր Դմիտրիև |
---|
Ալեքսանդր Սերգեևիչ Դմիտրիև (ռուս.՝ Алекса́ндр Серге́евич Дми́триев, ), խորհրդային դիրիժոր, մանկավարժ։ ԽՍՀՄ ժողովրդական արտիստ (1990), Ռուսաստանի Դաշնության պետական մրցանակների դափնեկիր (2000)։
Կենսագրություն[խմբագրել | խմբագրել կոդը]
Ծնվել է 1935 թվականի հունվարի 19-ին Լենինգրադում (այժմ՝ Սանկտ Պետերբուրգ)։
1953 թվականին ավարտել է Մ․ Գլինկայի անվան երգչախմբային ուսումնարանը և Սանկտ Պետերբուրգի պետական ակադեմիական կապելլան, իսկ 1958 թվականին՝ Ն․ Ռիմսկի - Կոսակովի անվան Լենինգրադի պետական կոնսերվատորիայի երգչախմբային դիրիժոր ֆակուլտետը (ղեկավար՝ Ե․ Կուդրյավցևա)։ Այնուհետև ավարտել է պատմա-տեսական բաժնի տեսական-կոմպոզիտորական ֆակուլտետը, որը կրում է Յ․ Տյուլինի անունը, իսկ 1961 թվականին՝ նույն բաժնի ասպիրանտուրան՝ օպերայի և սիմֆոնիայի դիրիժոր որակավորմամբ (ղեկավար՝ Ն․ Ռաբինովիչ)։
1968-1969 թվականներին փորձաշրջան է անցել Վիեննայի երաժշտության և կատարողական արվեստի ակադեմիայում Խ․ Սվորովսկու ղեկավարությամբ՝ որպես դիրիժոր, իսկ 1970-1971 թվականներին՝ Լենինգրադի ֆիլհարմոնիայի սիմֆոնիկ նվագախմբում (ղեկավար՝ Ե․ Մռավինսկի)[1]։
1960 թվականից սկսել է աշխատել կարիելյան ռադիոյի սիմֆոնիկ նվագախմբում և հեռուստատեսությունում (այժմ՝ Կարելիայի պետական ֆիլհարմոնիայի սիմֆոնիկ նվագախումբ), իսկ 1962-1971 թվականներին եղել է նրա գլխավոր դիրիժորը։ 1971 թվականից եղել է Լենինգրադի Փոքր թատրոնի օպերայի և բալետի դիրիժորը (այժմ՝ Միխայլովսկի թատրոն)։
1977 թվականից մինչև 2018 թվականը եղել է Սանկտ Պետերբուրգի ֆիլհարմոնիայի սիմֆոնիկ նվագախմբի գլխավոր դիրիժորը և գեղարվեստական ղեկավարը։
2018 թվականից՝ Սանկտ Պետերբուրգի ակադեմիական ֆիլհարմոնիայի սիմֆոնիկ նվագախմբի դիրիժոր։
Դիրիժորի խաղացանկում ընդգրկված են ռուս դասական վարպետների և արտասահմանյան երգահանների ստեղծագործություններ՝ ժամանակակից մոտեցմամբ։ Գրի է առել Լ․ վան Բեթհովենի և Ֆ․ Շուբերտի ամբողջական սիմֆոնիկ շարքերը։
Ինտենսիվ համերգային գործունեություն է վարում Ռուսաստանում և արտասահմանում՝ Արևմտյան Եվրոպա, ԱՄՆ, Հարավային Ամերիկա, Ասիա[2]։
1971 թվականին Լենինգրադի պետական կոնսերվատորիայում դասավանդել է դիրիժորական արվեստ։
2000 թվականից Սանկտ Պետերբուրգի ֆիլհարմոնիկ հասարակության պատվավոր անդամ է։
Դիրիժոր[խմբագրել | խմբագրել կոդը]
- Օպերաներ
- «Եվգենի Օնեգին» Պ․ Չայկովսկի
- «Մայիսյան գիշեր» Նիկոլայ Ռիմսկի-Կորսակով
- «Դոն Ժուան» Վ․ Մոցարտ
- «Խելացին» Կառլ Օրֆ
- «Ոչ միայն սեր» Ռոդիոն Շչեդրին
- «Տիրամայրը և զինվորը» Մ․ Վեյնբերգ
- Բալետներ
Պարգևներ և կոչումներ[խմբագրել | խմբագրել կոդը]
- Երկրորդ համամիութենական երաժշտավարների մրցանակաբաշխության դափնեկիր (1966)
- Կարելիայի ԻՍՍՀ վաստակավոր արվեստի գործիչ (1967)
- ՌԽՖՍՀ վաստակավոր արվեստի գործիչ (1970)
- ՌԽՖՍՀ ժողովրդական արտիստ (1976)
- ԽՍՀՄ ժողովրդական արտիստ (1990)
- Ռուսաստանի Դաշնության պետական մրցանակ (2000)
- Պատվո շքանշան (2005)
- IV կարգի «Հայրենիքին մատուցած ծառայությունների համար» շքանշան (2010)
- Սանկտ Պետերբուրգի կառավարության մրցանակ՝ գրականության, արվեստի և ճարտարապետության բնագավառում (2010)