Մալպելո

Վիքիպեդիայից՝ ազատ հանրագիտարանից
Jump to navigation Jump to search
Picto infobox map.png
Մալպելո
իսպ.՝ Malpelo

Երկիր Կոլումբիա Կոլումբիա
Մակերես 0,35 կմ2
Ամենաբարձր կետը 376 մ
Բնակչություն (2012) 0 մարդ

Մալպելո (իսպ.՝ Malpelo), կղզի Խաղաղ օվկիանոսի արևելյան մասում՝ Հարավային Ամերիկայի Բուենավենտուրա ծոցի ափերից 500 կմ հեռավորության վրա։ Պատկանում է Կոլումբիային, մտնում է Վալե դել Կաուկայի դեպարտամենտի կազմի մեջ։ Մակերեսը կազմում է 0,35 կմ²։ 2006 թվականի հուլիսի 12-ին Մալպելոն 857,150 հա մակերեսով հարակից ջրային տարածքի հետ միասին գրանցվել է ՅՈՒՆԵՍԿՕՀամաշխարհային ժառանգության օբյեկտների ցանկում։ Այն Խաղաղ օվկիանոսի արևելյան արևադարձային հատվածի ամենամեծ գոտին է, որտեղ ձկնորսւթյունն արգելված է։

Աշխարհագրություն[խմբագրել | խմբագրել կոդը]

Sula(չաշխատող հղում) granti

Կղզին ժայռ է`առանց առատ բուսականության, առավելագույն բարձրությունը 376 մ է (Մոնա լեռ, իսպ.՝ Cerro de la Mona): Երկարությունը մոտ 1850 մ է, լայնությունը` մինչև 600 մ, շրջապատված է փոքր ժայռերով։ Մալպելոյի պահպանվող տարածքն զբաղեցնում է 3°58′30″ հս․ լ. 81°34′48″ ամ. ե.HGЯO կոորդինատներով կետի շուրջն ընկած տարածքը 9,656 կմ շառավղով։

Մալպելոյի շրջակայքում բնակվում են մետաքսյա շնաձկների, թիկնոցակիր շնաձկների, կետանման շնաձկների և մուրճագլուխ շնաձկների պոպուլյացիաներ, հանդիպում են ավազի շնաձկներ, ինչը կղզին դարձնում է հայտնի վայր դայվինգով զբաղվողների համար։

Կղզին բաղկացած է հրաբխային ապարներից, հրաբխածին բրեկչիաներից և երրորդական բազալտային դայքներից։ Որպես օվկիանոսային կղզի՝ այն երբեք միացած չի եղել որևէ այլ կղզու կամ մայրցամաքի հետ[1][2]: Բուսականությունը կազմում են ջրիմուռները, քարաքոսերը, մամուռները, թփերի որոշ տեսակներ, ձարխոտեր։

Բնակչություն[խմբագրել | խմբագրել կոդը]

Կղզին անմարդաբնակ է, այն ունի միայն կոլումբիական բանակի փոքր պահակետ, որն ստեղծվել է 1986 թվականին։ Կղզի այցելելու համար պետք է գրավոր թույլտվություն ստանալ Կոլումբիայի շրջակա միջավայրի նախարարությունից։

Ծանոթագրություններ[խմբագրել | խմբագրել կոդը]

  1. Anonymous (2010) Pacific Coast: Malpelo Island Archived 2007-03-21 at the Wayback Machine., Coasts of Colombia. Archived 2012-06-25 at the Wayback Machine. Coastal and Marine Geology Program, United States Geological Survey, Santa Cruz, California.
  2. Marcaillou, B. P. Charvis, and J.-Y. Collot (2006) Structure of the Malpelo Ridge (Colombia) from seismic and gravity modeling. Marine Geophysical Research. 27:289–300.

Աղբյուրներ[խմբագրել | խմբագրել կոդը]

Գրականություն[խմբագրել | խմբագրել կոդը]

  • Verga Giovanni (1936)։ Malpelo (Spanish)։ México: Departamento de Biblioteca de la Secretaría de Educación Pública 
  • Prahl Henry von (1990)։ Malpelo la roca viviente (Spanish) (1. ed.)։ Bogotá, Colombia: Fondo para la Protección del Medio Ambiente 
  • Parques Nacionales Naturales de Colombia. Fundación Malpelo y Otros Ecosistemas Marinos։ Plan de Manejo del Santuario de Flora y Fauna de Malpelo (Spanish)։ Bogotá, Colombia: Fondo para la Protección del Medio Ambiente։ Վերցված է 2014-01-05 

Արտաքին հղումներ[խմբագրել | խմբագրել կոդը]