Ձինտրա Կլետնեցե

Վիքիպեդիայից՝ ազատ հանրագիտարանից
Jump to navigation Jump to search
Ձինտրա Կլետնեցե
լատիշ․՝ Dzintra Klētniece
Ծնվել էփետրվարի 17, 1946(1946-02-17)
Մահացել էդեկտեմբերի 14, 2016(2016-12-14) (70 տարեկանում)
Մահվան վայրԼատվիա
Մասնագիտությունդերասանուհի

Ձինտրա Կլետնեցե (լատիշ․՝ Dzintra Klētniece, օրիորդական ազգանունը «Գրիկե», փետրվարի 17, 1946(1946-02-17) - դեկտեմբերի 14, 2016(2016-12-14), Լատվիա), խորհրդային ժամանակաշրջանի լատվիացի դերասանուհի, թատերական գործիչ:

Կենսագրություն[խմբագրել | խմբագրել կոդը]

Ծնվել է 1946 թվականի փետրվարի 17-ին, Ռիժկի գավառում: 1970 թվականին ավարտել է Լատվիայի Յազեպ Վիտոլի անվան երաժշտական ակադեմիայի թատերական ֆակուլտետը: Դերասան և ռեժիսոր Նաուրիս Կլետնիեկսի (1938—2010) կինն է, աղջիկը՝ Քրիստինեն (1979), նույնպես դերասանուհի է:

Կյանքի վերջին տարիներին Ձինտրա Կլետնեցեն ծանր հիվանդացել է: Մահացել է 2016 թվականի դեկտեմբերի 14-ին:

Գործունեություն[խմբագրել | խմբագրել կոդը]

1970-ից 1975 թվականներին եղել է Վալմիերայի դրամատիկական թատրոնի դերասանուհի: Այնտեղ նա Շեքսպիրի «Համլետ» և «Երիտասարդ տանտիրուհի Նիսկավուորի» պիեսներում մարմնավորել է գլխավոր դերեր: 1974-ից Լատվիայի թատերական միության անդամ է: 1975-ից մինչև 1991 թվականներին եղել է Լիեպայայի դրամատիկական թատրոնի դերասանուհի (այդ թատրոնում աշխատել է նաև նրա ամուսին Նաուրիս Կլետնիեկսին): Ձինտրա Կլետնեցեի աստեղային ժամը սկսվում է 1970-ականների վերջին և 80-ականների սկզբին[1]: Այդ ժամանակաշրջանում նա խաղում էր հանրաճանաչ այնպիսի պիեսներում, ինչպիսիք են «Խաղում ենք Ստրինդբերգին» (Ալիսա, Ֆրիդրիխ Դյուրենմաթ), «Երջանկության սենյակը» և «Վասսա Ժելեզնովա» (Մաքսիմ Գորկու պիեսը):

1992 թվականին տեղափոխվել է աշխատելու Դաուգավպիլս: Երկու տարի աշխատել է Դաուգավպիլսի դրամատիկական թատրոնում: 1995-ից 1997 թվականներին «Կաբատա» թատրոնում աշխատել է որպես ռեժիսոր և դերասանուհի:

1997 թվականին որպես ռեժիսոր բեմադրում է Լ.Կուրգենի մոնոներկայացումը: 1998 թվականին ներկայացումը ճանաչում է գտնում Մինսկի միջազգային փառատոնի ժամանակ: 1999 թվականին ներկայացումը հաջողությամբ ցուցադրվում է Սանկտ-Պետերբուրգում, Մոսկվայում և Քիլում[2]:

1996 թվականին կազմակերպում է «Ābols no ābeles» համերգը, 2003-ից համակարգում է «Zvaigzne» փառատոնը:

Ֆիլմագրություն[խմբագրել | խմբագրել կոդը]

  • Այս արտասովոր լուսնի լույսը (1987)
  • Մատնաչափիկ տղան (1985)
  • Իմ ընտանիքը (ՀՍ, 1982)

Ծանոթագրություններ[խմբագրել | խմբագրել կոդը]

Գրականություն[խմբագրել | խմբագրել կոդը]

  • Teātris un kino biogrāfijās. 2.[sēj.]. Rīga : Pils, 2002. 91.-92. lpp.

Արտաքին հղումներ[խմբագրել | խմբագրել կոդը]