Հուգենոտական խաչ

Հուգենոտական խաչ(ֆր.՝ Croix huguenote), քրիստոնեական կրոնական խորհրդանիշ, որն ի հայտ է եկել Ֆրանսիայում և ռեֆորմատական հավատքի ամենաընդունված ու հայտնի խորհրդանիշերից է։ Խաչը նաև Ֆրանսիայի ռեֆորմատական եկեղեցու լոգոտիպի մի մասն է (ֆր.՝ L’Eglise Réformée de France, ÉRF).

Ծագում[խմբագրել | խմբագրել կոդը]

Համարվում է, որ խաչը մտածել ու ստեղծ է արծաթագործ-ոսկեգործ Միստրը Նիմից, 1688 թվականին։ Որպես հիմք վերցվել է Մալթական խաչը։ Նանտի Էդիկտից հետո խաչն ընդհանուր նգործածության մեջ մտավ հուգենոտների շրջանում և հավաստում էր այն կրողի հավատքի մասին։ Կախված աղավնին ավելացվեց որպես Սուրբ հոգու խորհրդանիշ, բայց սարսափելի հետապնդումների պատճառով այն փոխարինեցին մարգարտով, որը արցունք էր խորհրդանշում։

Խորհրդանշումը[խմբագրել | խմբագրել կոդը]

Հուգենոտյան դրոշի խորհրդանշումը հատկապես հարուստ է։ Նրա յուրաքանչյուր բաղադրամաս ունի որոշակի իմաստ։

Առանձին բաղադրիչների սիմվոլիկան[խմբագրել | խմբագրել կոդը]

Խաչը՝ որպես քրիստոնեական հավատքի խորհրդանիշ, ներկայացնում է ոչ միայն Քրիստոսի մահը, այլ նաև հաղթանակը մահի ու անպատվության դեմ։ Նույնն է խորհրդանշում նաև Մալթական խաչը։
Ութ կետերը խորհրդանշում են երանության ութ ավետարանային պատվիրանները (Մտ. 5:3-12)։
Չորս հերալդիկ շուշանները խորհրդանշում են Նոր Կտակարանի չորս ավետարանները։ Յուրաքանչյուր շուշան ունի երեք թերթիկ, որը ընդհանուր կազմում է տասներկու թերթիկ՝ առաքյալների թվով։
Շուշանների միջև ընկած սրտաձև հատվածը խորհրդանշում է հավատարմությունը։ Համարվում է, որ այդպիսին էր Ժան Կալվինի կնիքը։
Կախված աղավնին խորհրդանշում է Սուրբ հոգին (Հռոմ. 5:16)։ Ինչպես նշվեց վերևում, դաժան հետապնդումների ժամանակ աղավնին փոխարինվեց մարգարտով, որը խորհրդանշում էր արտասունքը։

Արտաքին հղումներ[խմբագրել | խմբագրել կոդը]

Dinges. Huguenots — Հուգենոտներ Արխիվացված 2014-02-21 Wayback Machine
Huguenot Memorial Museum Արխիվացված 2009-09-30 Wayback Machine
Huguenot Society of South Africa Արխիվացված 2009-12-16 Wayback Machine