Հասան Ջեմալ

Վիքիպեդիայից՝ ազատ հանրագիտարանից
Jump to navigation Jump to search
Հասան Ջեմալ
Hasan Cemal
Hasan Cemal 11.jpg
Ծնվել է1944[1]
ԾննդավայրՍտամբուլ, Թուրքիա
ՔաղաքացիությունԹուրքիա Թուրքիա
Ազգությունթուրք
ԿրթությունԱնկարայի համալսարան
Մասնագիտությունլրագրող, գրող
ԱշխատավայրMilliyet

Հասան Ջեմալ (ծնված 1944, Ստամբուլ, Թուրքիա), թուրք լրագրող, գրող և հայոց ցեղասպանությունն կազմակերպիչներից՝ Ջեմալ փաշայի թոռը[2]։ 1981-1992 թվականներին նա Ջումհուրիյեթ թերթի, 1992-1998 Սաբահի գլխավոր խմբագիրն էր։ 2013 թվականին, երբ Էրդողանի քննադատությունից հետո Միլլիյեթը հրաժարվեց նրա սյունակից, նա հեռացավ Միլլիյեթից[3] Հասան Ջեմալը ճանաչել է Հայոց ցեղասպանությունը, որ կազմակերպել էր նրա պապը իր գործընկերների հետ միասին, և ներողություն խնդրել[4]։

Կրթություն[խմբագրել | խմբագրել կոդը]

Հասան Ջեմաը ծնվել է 1944 թվականին Ստամբուլում, Թուրքիա[5]։ 1965 թվականին, Ջեմալը ավարտում է Անկարայի համալսարանը քաղաքագետ մասնագիտությամբ[6]։

Կարիերա[խմբագրել | խմբագրել կոդը]

1969 թվականից Ջեմալը սկսեց աշխատել Հաքքը Դեվրիմ շաբաթերթում։ Որոշ ժամանակ անց նա դարձավ Ջումուրիյեթ թերթի Անկարան ներկայացուցիչը[5]։ 1981 և 1992 տարիների ընթացքում նա եղել է այդ թերթի գլխավոր խմբագիրը[6]։ 1992 թվականին խմբագրական քաղաքականության շուրջ անհամաձայնության արդյունքում հեռացավ Ջումուրիյեթից։ 1992-ի մայիսից նա ստանձնեց Սաբահ թերթի գլխավոր խմբագրի պաշտոնը[7], որտեղ և շարունակեց աշխատել մինչ 1998 թվականը,[5] 1998 թվականից սկսած աշխատում է Միլլիյեթ թերթում։

Հասան Ջեմալը 2008 թվականի սեպտեմբերին այցելել է Ծիծեռնակաբերդ և ծաղիկներ դրել Հայոց ցեղասպանության հուշահամալիրին[8]։ Նա 2010-ի ապրիլի 24-ին գրել էր, թե հարյուր հազարավոր հայերի կոտորածը ժխտելը նշանակում է հանցակից դառնալ մարդկության դեմ իրագործված ոճրագործությանը։ 2011 թվականին Հասան Ջեմալը մարտի 31-ին Լոս Անջելեսում մասնակցել է հայկական սփյուռքի կազմակերպած «Դեր Զորից մինչև Ծիծեռնակաբերդ» խորագիրը կրող համաժողովին։ 2014 թվականի դեկտեմբերի 11-ին եղել է Սիվիլիթաս հիմնադրամի «Սարն ի վեր» նախագծի հերթական միջոցառման հյուրը Երևանում։ 2012 թվականին Ջեմալը տպագրել է իր «1915. Հայոց ցեղասպանություն» գիրքը՝ նկարագրելով իր անձնական փոխակերպումը մարդուց, որը մերժում էր Հայոց ցեղասպանությունը, մարդու, որն ընդունում է այն[9]։

Ծանոթագրություններ[խմբագրել | խմբագրել կոդը]

  1. German National Library, Berlin State Library, Bavarian State Library et al. Record #103168214 // Gemeinsame Normdatei — 2012—2016.
  2. Sassounian Harut (ապրիլի 5, 2011)։ «Cemal Pasha's Grandson Says Genocide, Morgenthau's Great Granddaughter Doesn’t»։ Armenian Weekly։ Վերցված է 2013 թ․ մայիսի 24 
  3. Hurriyet Daily News, 19 March 2013, Daily Milliyet parts ways with prominent journalist Cemal after İmralı leaks debate
  4. Baydar Yavuz։ «Facing Turkey's Past: Struma and 1915»։ Huffington Post։ Վերցված է 2013 թ․ մայիսի 24 
  5. 5,0 5,1 5,2 «Hasan Cemal kimdir? (Who is Hasan Cemal?)»։ Bugun (Turkish)։ Վերցված է 2013 թ․ մայիսի 24 
  6. 6,0 6,1 «Hasan Cemal Biyografisi»։ Sondakika (Turkish)։ Վերցված է 2013 թ․ մայիսի 24 
  7. Hugh Pope, Los Angeles Times, 12 May 1992, Media : It's News Vs. Nudes in the Turkish Press : The glitzy Sabah daily and the respected Cumhuriyet reflect clashing cultures at a continental crossroads.
  8. Ջեմալ փաշայի թոռ Հասան Ջեմալ. «Ես կիսում եմ հայերի վիշտը»
  9. Հայոց ցեղասպանության հիմքում ընկած է թուրքական ազգայնականությունը. Հասան Ջեմալ