Կրեշիմիր Չոսիչ
 Kresimir Cosic | ||||||||||||||||||||||||||||||||||||||||||||||||||||||||
 | ||||||||||||||||||||||||||||||||||||||||||||||||||||||||
| Դիրքը | Կենտրոնական | |||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Ծննդյան ամսաթիվ | նոյեմբերի 26, 1948[1] | |||||||||||||||||||||||||||||||||||||||||||||||||||||||
| Ծննդավայր | Զագրեբ, Խորվաթիայի Սոցիալիստական Հանրապետություն, ՀՍՖՀ | |||||||||||||||||||||||||||||||||||||||||||||||||||||||
| Մահացել է | մայիսի 25, 1995 (46 տարեկան) կամ մարտի 25, 1995[2] (46 տարեկան) | |||||||||||||||||||||||||||||||||||||||||||||||||||||||
| Վախճանի վայրը | Բալթիմոր, Մերիլենդ, ԱՄՆ | |||||||||||||||||||||||||||||||||||||||||||||||||||||||
| Ազգություն | խորվաթ | |||||||||||||||||||||||||||||||||||||||||||||||||||||||
| Հասակ | 211 սմ | |||||||||||||||||||||||||||||||||||||||||||||||||||||||
| Քաշ | 96 կգ | |||||||||||||||||||||||||||||||||||||||||||||||||||||||
| համալսարան | Բրիգամ Յանգի համալսարան (1970-1973) | |||||||||||||||||||||||||||||||||||||||||||||||||||||||
| Դրաֆթ | 84-րդ (5-րդ փուլ) | |||||||||||||||||||||||||||||||||||||||||||||||||||||||
| Դրաֆթի տարի | 1973 | |||||||||||||||||||||||||||||||||||||||||||||||||||||||
| Դրաֆթ ակումբ | Լոս Անջելես Լեյքերս | |||||||||||||||||||||||||||||||||||||||||||||||||||||||
Կարիերայի պատմություն
| ||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||
.svg){kind=small}
Կրեշիմիր Չոսիչ (խորվ.՝ Krešimir Ćosić, 26 նոյեմբերի, 1948, Զագրեբ, Հարավսլավիա - 25 մայիսի, 1995, Բալթիմոր, Մերիլենդ, ԱՄՆ), հարավսլավացի խորվաթ[3][4][5] բասկետբոլիստ և բասկետբոլի մարզիչ։ Խաղացել է կենտրոնականի դիրքում։ Հանդես է եկել «Զադար», «Բրեստ» (Լյուբլյանա), «Վիրտուս» (Բոլոնյա), «Ցիբոնա» ակումբների և Բրիգամ Յանգի համալսարանի թիմի կազմում, ինչպես նաև խաղացել է Հարավսլավիայի ազգային հավաքականում։ Օլիմպիական չեմպիոն (1980) է, աշխարհի կրկնակի չեմպիոն (1970, 1978) և Եվրոպայի եռակի չեմպիոն (1973, 1975, 1977)։ Բասկետբոլի փառքի սրահի անդամ է 1996 թվականից։
Կենսագրություն[խմբագրել | խմբագրել կոդը]
Կրեշիմիր Չոսիչը ծնվել է 1948 թվականի նոյեմբերի 26-ին Զագրեբում, հասակ է առել Զադարում, որտեղ «Զադար» բասկետբոլային ակումբում սկսել է իր կարիերան։ 1960-ական թվականների վերջին «Զադարը» եղել է Հարավսլավիայի առաջնության ուժեղագույն թիմը, երեք անգամ հաղթել է երկրի առաջնությունում, իսկ 1968 թվականին հասել է մինչև Եվրոլիգայի կիսաեզրափակիչ։ 1970 թվականին Կրեշիմիր Չոսիչն ընդունվել է ամերիկյան Բրիգամ Յանգի համալսարան և հետագա երեք մրցաշրջանների ընթացքում մեծ հաջողությամբ խաղացել է համալսարանի թիմում։ Նա դարձել է առաջին օտարերկրացին, որ ընդգրկվել է ԱՄՆ ուսանողական առաջնության խորհրդանշական հավաքականում. այդ պատվին նա արժանացել է երկու անգամ՝ 1972 և 1973 թվականներին[6]։ Համալսարանն ավարտելուց հետո Չոսիչը հրավիրվել է խաղալու ամերիկյան պրոֆեսիոնալ ակումբներում, սակայն նա նախընտրել է վերադառնալ հայրենիք, որտեղ շարունակել է խաղալ «Զադարում», ապա տեղափոխվել է Լյուբլյանայի «Բրեստ» ակումբ։ Դրանից հետո նա խաղացել է Իտալիայի Բոլոնյա քաղաքի «Վիրտուս» ակումբում, ապա տեղափոխվել է «Ցիբոնա» ակումբ, որի կազմում խաղացել է մինչև 1983 թվականը, երբ ավարտել է խաղացողի կարիերան։
Կրեշիմիր Չոսիչը համաշխարհային ճանաչման է արժանացել Հարավսլավիայի ազգային հավաքականում հանդես գալու շնորհիվ։ Հավաքականի կազմում նա մասնակցել է 303 խաղի։ Նա չորս անգամ անընդմեջ մասնակցել է Օլիմպիական խաղերի, 1980 թվականին դարձել է օլիմպիական չեմպիոն, երկու անգամ արժանացել է արծաթե մեդալների։ Ընդհանուր առմամբ իր կարիերայի ընթացքում նա մասնակցել է աշխարհի չորս առաջնությունների և Եվրոպայի ութ առաջնությունների, որոնց ընթացքում արժանացել է հինգ ոսկե, հինգ արծաթե և մեկ բրոնզե մեդալների։
Խաղացողի կարիերան ավարտելուց հետո Կրեշիմիր Չոսիչը աշխատել է որպես մարզիչ։ Գլխավորելով «Օլիմպիա» և «Ցիբոնա» ակումբները՝ նա հինգ անգամ հաղթել է Հարավսլավիայի ազգային առաջնությունում։ Նա եղել է նաև իտալական «Վիրտուս» (Բոլոնյա) և հունական ԱԵԿ (Աթենք) ակումբների մարզիչը։ Չոսիչի գլխավորությամբ Հարավսլավիայի հավաքականը 1986 և 1987 թվականներին արժանացել է աշխարհի և Եվրոպայի առաջնությունների բրոնզե մեդալների։ Չոսիչի կողմից կազմված թիմը 1988 թվականի Օլիմպիական խաղերում արժանացել է արծաթե մեդալի։
Մարզական կարիերան ավարտելուց հետո Կրեշիմիր Չոսիչը աշխատել է ԱՄՆ-ում Խորվաթիայի դեսպանատանը[7][8]։ Կրեշիմիր Չոսիչը մահացել է քաղցկեղից 1995 թվականի մայիսի 25-ին Բալթիմորում։ Թաղված է Զագրեբում՝ Միրոգոյ գերեզմանատանը։ Մահվանից մեկ տարի անց Կրեշիմիր Չոսիչն ընդգրկվել է Մասսաչուսեթսի Բասկետբոլի փառքի սրահում՝ դառնալով այդ պատվին արժանացած երրորդ օտարերկրացին։ 2007 թվականին նա ընդգրկվել է նորաստեղծ Բասկետբոլի փառքի սրահում։ Կրեշիմիր Չոսիչի անունն է կրում Խորվաթիայի բասկետբոլի ազգային գավաթը, ինչպես նաև Զագրեբի հրապարակներից մեկը։
Նվաճումներ[խմբագրել | խմբագրել կոդը]
Թիմային[խմբագրել | խմբագրել կոդը]
- Հարավսլավիայի չեմպիոն (6) - 1965, 1967, 1968, 1974, 1975, 1982
- Հարավսլավիայի գավաթակիր (4) - 1970, 1981, 1982, 1983
- Իտալիայի չեմպիոն (2) - 1979, 1980
- Գավաթակիրների գավաթի առաջնության հաղթող (1) - 1982
- Օլիմպիական չեմպիոն (1) - 1980
- Աշխարհի չեմպիոն (2) - 1970, 1978
- Եվրոպայի չեմպիոն (3) - 1973, 1975, 1977
- Օլիմպիական խաղերի արծաթե մեդալակիր (2) - 1968, 1976
- Աշխարհի առաջնության արծաթե մեդալակիր (2) - 1967, 1974
- Եվրոպայի առաջնության արծաթե մեդալակիր (3) - 1969, 1971, 1981
- Աշխարհի առաջնության բրոնզե մեդալակիր (1) - 1986 (որպես մարզիչ)
- Եվրոպայի առաջնության բրոնզե մեդալակիր (2) - 1979, 1987 (որպես մարզիչ)
Անձնական[խմբագրել | խմբագրել կոդը]
- Եվրոբասկետի ամենաարժեքավոր մարզիկ (1971, 1975),
- Խորվաթիայի տարվա մարզիկ (1980),
- Ընդգրկվել է ՖԻԲԱ պատմության 50 խոշորագույն խաղացողների ցանկում (1991),
- Ընդգրկվել է Մասաչուսեթսի Բասկետբոլի փառքի սրահում (1996),
- Ընդգրկվել է Բասկետբոլի փառքի սրահում (2007),
- Ընդգրկվել է Եվրոլիգայի զարգացման գործում ամենամեծ ներդրումն ունեցած 50 անձանց ցանկում (2008)։
Ծանոթագրություններ[խմբագրել | խմբագրել կոդը]
- ↑ 1,0 1,1 Brozović D., Ladan T. Hrvatska enciklopedija (хорв.) — LZMK, 1999. — 9272 p. — ISBN 978-953-6036-31-8
- ↑ 2,0 2,1 Find A Grave — 1996.
- ↑ «Croatian Basketball Hall of Fame». www.eurobasket.com.
- ↑ «The Krešimir Ćosić Hall». www.dalekovod.hr.
- ↑ «Famous people born in Zadar / Krešimir Ćosić». www.tzzadar.hr. Արխիվացված է օրիգինալից 2013 թ․ հոկտեմբերի 21-ին. Վերցված է 2016 թ․ ապրիլի 21-ին.
- ↑ «The Naismith Memorial Basketball Hall of Fame — Kresimir Cosic». Արխիվացված է օրիգինալից 2009 թ․ օգոստոսի 31-ին. Վերցված է 2016 թ․ ապրիլի 21-ին.
- ↑ «A Dalmatian Sensation». www.sportsillustrated.cnn.com. 1995 թ․ հունիսի 5.
- ↑ «National Hero». www.ldschurchnewsarchive.com. Արխիվացված է օրիգինալից 2016 թ․ մարտի 4-ին. Վերցված է 2016 թ․ ապրիլի 21-ին.
Արտաքին հղումներ[խմբագրել | խմբագրել կոդը]
- Էջը ՖԻԲԱ փառքի սրահի կայքում Արխիվացված 2010-04-19 Wayback Machine (անգլ.)
- Էջը Եվրոլիգայի կայքում (անգլ.)
- Todd Bluth. "Former BYU All-American's Jersey Retired" Արխիվացված 2010-11-23 Wayback Machine, The Daily Universe (byu.edu), 6 March 2006
- Krešimir Ćosić profile Արխիվացված 2009-08-31 Wayback Machine, Basketball Hall of Fame webpage
- Krešimir Ćosić profile, Fibaeurope.com
- Krešimir Ćosić profile, interbasket.net
- Krešimir Ćosić: An Off-Court Story Արխիվացված 2016-04-20 Wayback Machine
 | Վիքիպահեստն ունի նյութեր, որոնք վերաբերում են «Կրեշիմիր Չոսիչ» հոդվածին։ |
| ||||||
