Կուբայի կոմունիստական կուսակցություն

Վիքիպեդիայից՝ ազատ հանրագիտարանից
Կուբայի կոմունիստական կուսակցություն
Partido Comunista de Cuba
LOGO PART COM CUBANO.svg
Տեսակ կոմունիստական կուսակցություն
Երկիր Կուբա
Առաջնորդ Ռաուլ Կաստրո Ռուս և Ֆիդել Կաստրո
Հիմնադրված հոկտեմբերի 3, 1965
Գաղափարախոսություն կոմունիզմ և մարքսիզմ-լենինիցմ
Շտաբ Հավանա
Թերթ «Գրանմա»
Միջազգայիին պատկանելություն COPPPAL
Նախորդ Popular Socialist Party, Հուլիսի 26 շարժում և Directorio Revolucionario Estudantil
Կայք pcc.cu
Communist Party of Cuba Վիքիպահեստում

Կուբայի Կոմունիստական Կուսակցություն (ԿԿԿ), ստեղծվել է 1925 թ.-ին, Հավանայում կայացած I ազգային համագումարում՝ կոմունիստական խմբակների և Կուբայի բանվորական սոցիալիստական կուսակցության ձախ թևի միավորմամբ։ Կուսակցության հիմնադիրներն էին Կ. Բալինյոն և Ի. Մելյան։ 1926—1938-ին գործել է խոր ընդհատակում։ Ընդհատակից դուրս գալուց հետո Հեղափոխական միության հետ մասնակցել է (1939 թ.) սահմանադիր ժողովի ընտրություններին։ 1940 թ.-ին ԿԿԿ և Հեղափոխական միությունը միավորվեցին, նոր կուսակցությունը կոչվեց Հեղափոխական կոմունիստական միություն, 1944 թ.-ին վերանվանվեց Կուբայի ժողովրդա-սոցիալիստական կուսակցություն (ԿԺՍԿ)։ 1940—1952 թթ.-ին ԿԺՍԿ ունեցել է իր ներկայացուցիչները կոնգրեսում և տեղական իշխանության մի շարք մարմիններում, 1940—1944 թթ.-ին՝ կոալիցիոն կառավարության կազմում։ 1946—1947 թթ.-ին կուսակցությունը նորից ենթարկվեց ռեպրեսիայի, որի հետևանքով զոհվեցին ԿԺՍԿ գործիչներ Խ. Մենենդեսը, Ա. Իգլեսիասը, Ֆ. Ֆերնանդես Ռոյգը և ուրիշներ։ 1952 թ.-ի պետական հեղաշրջումից և Բատիստա-ի-Սալդիվարի դիկտատուրայի հաստատումից հետո ԿԺՍԿ հանդես է եկել հանուն կառավարության դեմ օպոզիցիոն բոլոր ուժերի միավորման։ 1953 թ.-ի նոյեմբերին կուսակցության գործունեությունն արգելվել է։ Կուբայական հեղափոխության հաղթանակից (1959 թ.) հետո, երբ երկիրը բռնեց սոցիալիստական շինարարության ուղին, անհրաժեշտ դարձավ ստեղծել միասնական հեղափոխական կուսակցություն։ ԿԺՍԿ, «Հուլիսի 26-ի շարժում», «Մարտի 13-ի անվան հեղափոխական ուսանողական դիրեկտորատ» կազմակերպությունները միավորվեցին (1961 թ.-ի կեսին)՝ ստեղծելով Միացյալ հեղափոխական կազմակերպություն, որր 1962—1963 թթ.-ին վերափոխվեց Կուբայի սոցիալիստական հեղափոխության միացյալ կուսակցության, 1965 թ.-ի հոկտեմբերին այն վերանվանվեց Կուբայի կոմունիստական կուսակցություն։ ԿԿԿ ներկայացուցիչները մասնակցել են կոմունիստական ու բանվորական կուսակցությունների միջազգային խորհրդակցությանը (1969 թ., Մոսկվա)։ Կուբայի կոմկուսն ունի 322 հազար անդամ և թեկնածու (1979 թ.)։ ԿԿԿ Կենտկոմի կենտրոնական օրգանն է «Գրանմա» («Granma») թերթը։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 710 CC-BY-SA-icon-80x15.png