Կոնստանտին Բիբլ

Վիքիպեդիայից՝ ազատ հանրագիտարանից
Jump to navigation Jump to search
Կոնստանտին Բիբլ
Konstantin Biebel 1928.jpg
Ծնվել էփետրվարի 26, 1898(1898-02-26)
ԾննդավայրՍլավետին, Լոունի շրջան, Ústí nad Labem Region, Չեխիա
Վախճանվել էնոյեմբերի 12, 1951(1951-11-12)[1] (53 տարեկանում)
Վախճանի վայրՊրահա, Չեխոսլովակիա[1]
Մասնագիտությունգրող և բանաստեղծ
Լեզուչեխերեն[2]
ՔաղաքացիությունFlag of the Czech Republic.svg Չեխիա
Գրական ուղղություններսյուրռեալիզմ և պոետիզմ
Ուշագրավ աշխատանքներՆոր Իկար
ԿուսակցությունՉեխոսլովակիայի կոմունիստական կուսակցություն
Կոնստանտին Բիբլ Վիքիքաղվածքում
Konstantin Biebl Վիքիպահեստում

Կոնստանտին Բիբլ (չեխ․՝ Konstantin Biebl, փետրվարի 26, 1898(1898-02-26), Սլավետին, Լոունի շրջան, Ústí nad Labem Region, Չեխիա - նոյեմբերի 12, 1951(1951-11-12)[1], Պրահա, Չեխոսլովակիա[1]), չեխ բանաստեղծ:

Կենսագրություն[խմբագրել | խմբագրել կոդը]

Կոնստանտին Բիբլը ծնվել է 1898 թվականին Սլավետին փոքրիկ քաղաքում, ատամնաբույժի ընտանիքում։ 1916 թվականին հայրը ինքնասպանություն է գործել։ Նույն տարում Կոնստանտինը զորակոչվել է բանակ, մասնակցել Առաջին համաշխարհային պատերազմին, մարտնչել է Գալիցիայում և Բալկանյան ճակատում: Պատերազմից հետո բուժվել է տուբերկուլյոզից: 1921-1924 թվականներին Բռնո քաղաքում եղել է գրական միավորման անդամ, 1934 թվականին Պրահայում մասնակցել է սյուրռեալիստական խմբավորման ձևավորմանը[3]: 1949 թվականին Կառլովի Վարիիում բուժվել է պանկրեատիտից։

1951 թվականի նոյեմբերի 12-ին ինքնասպանություն է գործել՝ դուրս նետվելով Պրահայի իր տան պատուհանից[4]: Ինքնասպանության պատճառն անհայտ է մնացել։

Konstantin Biebl plaque 2.jpg

Ստեղծագործություններ[խմբագրել | խմբագրել կոդը]

Կոնստանտին Բիբլը ստեղծագործական կյանքի առաջին շրջանում հարել է պոեզիայի «Պրոլետարական» ապա «Պոետիզմ» ուղղությանը։ Տարվել է նաև սյուրռեալիզմով։ Երկար տարիներ եղել է Վոլկերի և Նեզվալի ազդեցության տակ, բայց ի վերջո գտել է իր սեփական ճանապարհը։ Բիբլի առաջին՝ «Ճանապարհ դեպի մարդիկ» ժողովածուն լույս է տեսել 1923 թվականին։ Բիբլը իր ստեղծագործություններով և հասարակական գործունեությամբ պայքարել է բռնության ու դաժանության, կեղծիքի ու խավարամոլության դեմ։ Նրա համար կոմունիզմ և պոեզիա բառերը հոմանիշ էին «մարդու երջանկություն» արտահայտությանը[5]:

  • «Նավից, որը թեյ և սուրճ է բերում», 1927 թ.
  • «Նոր Իկար», 1929 թ.
  • «Գիշերվա հայելին», 1930 թ.
  • «Առանց սարսափի», 1951 թ.

Գրականություն[խմբագրել | խմբագրել կոդը]

  • Čeští spisovatelé 20. století. Praha : Československý spisovatel, 1985. S. 33–37.
  • FORST, Vladimír, a kol. Lexikon české literatury : osobnosti, díla, instituce. 1. A-G. Praha : Academia, 1985. 900 s. ISBN 80-200-0797-0.
  • Osobnosti - Česko : Ottův slovník. Praha : Ottovo nakladatelství, 2008. 823 s. ISBN 978-80-7360-796-8. S. 52.

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 1,5 Библ Константин // Большая советская энциклопедия: [в 30 т.] / под ред. А. М. Прохоров — 3-е изд. — М.: Советская энциклопедия, 1969.
  2. data.bnf.fr: տվյալների բաց շտեմարան — 2011.
  3. «Biebl Konstantin» (չեխերեն)։ Արխիվացված օրիգինալից-ից 2012-08-13-ին։ Վերցված է 2011-07-01 
  4. KDO BYL KDO v našich dějinách ve 20. století
  5. Չեխ բանաստեղծներ, «Սովետական գրող» հրատարակչություն, Երևան, 1979