Կլիշի սու Բուա

Բնակավայր
Կլիշի սու Բուա
ֆր.՝ Clichy-sous-Bois ֆր.՝ Clichy-en-Aulnoy
Զինանշան
Երկիր	Ֆրանսիա
Մակերես	3,95 կմ²
ԲԾՄ	98 մետր
Բնակչություն	▲29 735 մարդ (հունվարի 1, 2021)
Ժամային գոտի	UTC+1 և UTC+2
Փոստային դասիչ	93390
Պաշտոնական կայք	clichy-sous-bois.fr
Կլիշի սու Բուա (Ֆրանսիա)
Կլիշի սու Բուա Վիքիպահեստում

Տեղադրությունը Մեծ Փարիզի քարտեզին

Կլիշի սու Բուա ( ֆր.՝ Clichy-sous-Bois ), քաղաք և համայնք Ֆրանսիայում՝ Իլ դը Ֆրանս երկրամասի Սեն-Սեն Դենի դեպարտամենտում։ Փարիզի արվարձաններից մեկն է և ընկած է նրա կենտրոնից մոտավորապես 16 կմ դեպի հյուսիս-արևելք։ Զբաղեցնում է մոտավորապես 4 քառակուսի կիլոմետր տարածք։ 2015 թվականի տվյալներով բնակչության թվաքանակը եղել է 30 082։

Պատմություն

Միջնադարում եղել է տամպլիերների տիրապետության տակ գտնվող գյուղ, այնուհետև ծառայել է որպես արքայական որսատեղի։ 1814 թվականին Ալեքսանդր I ցարը կանգ է առել թագավորական «որսորդական տնակում»։ 1870 թվականին տարածքը մեծապես տուժել է ֆրանս-պրուսական պատերազմից։ 1912 թվականին Կլիշի սու Բուայի բնակչությունը կազմում էր 1434 մարդ։ Բնակավայրի արագ աճն սկսվել է 1955 թվականից հետո։

Հանցագործությունների մակարդակը

Հանցագործությունների մակարդակը Սեն-Սեն Դենի դեպարտամենտում և մասնավորապես Կլիշի սու Բուա քաղաքում ամենաբարձրերից է Ֆրանսիայում։ Դա, ի թիվս այլ գործոնների, պայմանավորված է գործազրկության բարձր մակարդակով։ Մինչեւ 25 տարեկան երիտասարդների 20%-ից 40%-ը մշտական աշխատանք չունի։

Զանգվածային անկարգություններ (2005)

Էժան բնակարաններով թաղամասերից մեկը Կլիշու սու Բուայում

2005 թվականի հոկտեմբերին Կլիշիում բռնկվեցին հուզումներ, որոնք վերաճեցին անկարգությունների և հետագայում տարածվեցին Փարիզի այլ շրջաններում։ Պատճառը թունիսյան և մավրիտանական ծագումով երկու դեռահասների մահն էր. նրանք, փախչելով ոստիկանությունից, թաքնվել էին տրանսֆորմատորային խցիկում և էլեկտրական հոսանքի մահացու հարվածներ ստացել։

Անկարգությունների հետևանքով տուժել են նաև մի խումբ յարոսլավցի ռուս զբոսաշրջիկներ, ովքեր իջեւանել էին այդ արվարձանի էժան հյուրանոցում։ Նոյեմբերի 3-ին նրանց կողոպտել են. Բացի այդ, մի խումբ մուսուլման երիտասարդներ առևանգել, ջարդուփշուր են արել ու այրել տուրիստական խմբի ավտոբուսը։

Ժողովրդագրություն

Կլիշի սու Բուայի բնակչության մեծ մասն աֆրիկյան ծագում ունի։ 2015 թվականի տվյալներով երիտասարդության գործազրկության մակարդակը կազմել է 40%։

Պատմական բնակչություն
Տարեթիվ Բնակ․ տ․ ±% 1793 161 —     1800 152 −0.82% 1806 136 −1.84% 1821 137 +0.05% 1831 138 +0.07% 1836 145 +0.99% 1841 156 +1.47% 1846 168 +1.49% 1851 175 +0.82% 1856 184 +1.01% 1861 227 +4.29% 1866 247 +1.70% 1872 182 −4.96% 1876 205 +3.02% 1881 251 +4.13% 1886 350 +6.88% 1891 452 +5.25% 1896 503 +2.16%	Տարեթիվ Բնակ․ տ․ ±% 1901 672 +5.96% 1906 1071 +9.77% 1911 1434 +6.01% 1921 2104 +3.91% 1926 3467 +10.50% 1931 4026 +3.03% 1936 4056 +0.15% 1946 3573 −1.26% 1954 5105 +4.56% 1962 11 606 +10.81% 1968 16 357 +5.89% 1975 22 422 +4.61% 1982 24 654 +1.36% 1990 28 180 +1.68% 1999 28 288 +0.04% 2007 29 674 +0.60% 2012 30 720 +0.70% 2017 29 348 −0.91%
Աղբյուր՝ EHESS and INSEE (1968-2017)

Պատկերասրահ

• 
  Գագարինի բուլվարը
• 
• 
• 
  Սեն Դենի եկեղեցին
• 
  Աստվածամոր մատուռը
• 
  L'orangerie
• 
  Լուի Միշելի անվան քոլեջը

Արտաքին հղումներ

• pictures of clichy sous bois :[1]
• Официальная страница коммуны Архивная копия от 19 марта 2008 на Wayback Machine(Ֆրանսերեն)
• Бунт мусульманской молодежи под Парижем Архивная копия от 10 февраля 2013 на Wayback Machine

Վիքիպահեստն ունի նյութեր, որոնք վերաբերում են «Կլիշի սու Բուա» հոդվածին։