Կլաուդիա Կարդինալե

Վիքիպեդիայից՝ ազատ հանրագիտարանից
Jump to navigation Jump to search
Կլաուդիա Կարդինալե
Claudia Cardinale
Դիմանկար
Ծնվել էապրիլի 15, 1938(1938-04-15)[1][2][3][…] (84 տարեկան)
ԾննդավայրԽալք էլ Ուեդ, Թունիս, Թունիս
ՔաղաքացիությունFlag of Italy.svg Իտալիա
ԿրթությունCSC?
Մասնագիտությունկինոդերասանուհի և դերասանուհի
ԱմուսինՖրանկո Կրիստալդի
Զբաղեցրած պաշտոններՅՈՒՆԵՍԿՕ-ի բարի կամքի դեսպան
Պարգևներ և
մրցանակներ
Երեխաներ1 տղա, 1 աղջիկ
Կայքofficial-claudiacardinale.com
Commons-logo.svg Claudia Cardinale Վիքիպահեստում

Կլաուդիա Կարդինալե (ամբողջական անունը՝ Կլոդ Ժոսեֆին Ռոզ Կարդինալե (Claude Joséphine Rose Cardinale), ապրիլի 15, 1938(1938-04-15)[1][2][3][…], Խալք էլ Ուեդ, Թունիս, Թունիս), իտալաթունիսցի դերասանուհի, որը հանդես է եկել 60-ականների և 70-ականների եվրոպական մի շարք նշանավոր ֆիլմերում։ Կարդինալեի մասնակցությամբ ֆիլմերի մեծամասնությունը կա՛մ իտալական են, կա՛մ էլ ֆրանսիական։ 1960-ականների սեքս-խորհրդանիշն է։

Կենսագրություն[խմբագրել | խմբագրել կոդը]

Կարդինալեն ծնվել է Թունիսի համանուն մայրաքաղաքի իտալական թաղամասում՝ La Goulette։ 1957 թվականին ճանաչվել է «Թունիսի ամենագեղեցիկ իտալուհի» և հրավեր ստացել մասնակցելու Վենետիկյան կինոփառատոնում։ Նկարահանվել է նշանավոր իտալացի ռեժիսորներ Ֆեդերիկո Ֆելինիի և Լուկինո Վիսկոնտիի ֆիլմերում։ Դերասանական կրթությունը ստացել է Հռոմի դրամատիկական դպրոցում, զուգահեռաբար հաճախել է պարի, գեղասահքի, իտալերենի դասերին, քանի որ նա ավելի լավ էր խոսում օտար լեզուներով, քան մայրենի լեզվով։ Իտալական մամուլի կողմից «Հրաշագեղ փիսիկ» անվանված Կարդինալեն նկարահանվել է աշխարհի տարբեր կինոընկերությունների անվանի բազմաթիվ կինոնկարներում, այդ թվում՝ Ալբերտո Կավալկանտիի «Վենետիկյան ամուսնություններ» (1958), Պիետրո Ջերմիի «Սպանություն իտալական ձևով» (1959), Մարիո Մոնիչելիի «Աղավնին» (1959) և «Միլանի գաղթականները» (1979), Լուիջի Ձամպայի «Դատավորը» (1959) և «Թռչող աղվեսը» (1972), Ֆեդերիկո Ֆելինիի «Ութ և կես» (1962), Ֆիլիպ դը Բրուկայի «Կարտուշ» (1962), Լուիջի Կոմենչինիի «Բուբեի հարսնացուն» (1963), Լուկինո Վիսկոնտիի «Հովազը» (1963) և «Սանդրա» (1965), Ռիչարդ Բրուկսի «Պրոֆեսիոնալները» (1966), Ֆրանկո Ձեֆիրելիի «Հիսուս Նազովրեցին» (1977) և այլն։ Կարդինալեն նշանակալի հաջողությունների է հասել նաև երգարվեստի բնագավառում և մեկ անգամ չէ, որ թողարկվել են նրա ձայնապնակները։

Ամուսնացած եղել է երկու անգամ. առաջին ամուսնությունը եղել է իտալացի պրոդյուսեր Ֆրանկո Կրիստալդիի հետ՝ 1966-1975 թվականներ (ամուսնալուծություն)։ 1975 թվականից առ այսօր ապրում է իտալացի կինոռեժիսոր Պասկուալի Սկուտիերիի հետ։

Ունի 2 զավակ. առաջնեկը՝ Պատրիցիոն, եղել է Կլաուդիայի՝ 17 տարեկան հասակում ոմն ֆրանսիացու կողմից բռնաբարության ենթարկվելու արդյունք, քանզի նա որոշել էր չընդհատել հղիությունը, իսկ երկրորդ զավակն է Կլաուդիան, որի կենսաբանական հայրն է Սկուտիերեն։

Մասնակցել է մի շարք հասարակական գործունեությունների։

Ֆիլմագրություն[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 Discogs — 2000.
  2. 2,0 2,1 filmportal.de — 2005.
  3. 3,0 3,1 FemBio: Банк інформації про видатних жінок, Frauendatenbank, Банк данных о выдающихся женщинах, Görkəmli qadınlar haqqında məlumat bankı
  4. Dettaglio decorato (իտալ.)presidenza della Repubblica Italiana.
  5. Dettaglio decorato (իտալ.)presidenza della Repubblica Italiana.

Արտաքին հղումներ[խմբագրել | խմբագրել կոդը]