Կամորա

Կամորա
Camorra Վիքիպահեստում

Կամորա («morra» նեապոլերենից՝ «հրոսակախումբ, բանդա»), նեապոլական քրեական կազմավորում, որը նման է մաֆիային։ Հիմնադրվել է 18-րդ դարում։

Կառուցվածք

Կամորան այլ մաֆիայի խմբերի կառուցվածքից տարբերվում է իր հիերարխիկ կառուցվածքով։ Ընդհանուր առմամբ կամորան բաղկացած է տարբեր կլաններից, որոնցից յուրաքանչյուրն ունի իր առաջնորդը։ Օրինակ, Կոզա նոստրա մաֆիան ունի մեկ առաջնորդ՝ Դոն։

Բրիտանական «The Economist» շաբաթաթերթի տվյալներով, ներկայումս կամորան ընդգրկում է մոտավորապես 115 հանցավոր խմբավորում, որոնք տարբերվում են ուժով և անդամների թվաքանակով, յուրաքանչյուրի կազմում միջինում կա 500 անդամ։

Պատմություն

Կամորայի անդամները 1906 թվականին

Ի սկզբանե կամորան առաջացել է բանտերում, բանտային վարչակազմի հետ հարաբերություններում բանտարկյալների շահերը պաշտպանելու համար։ Բուրբոնի վերականգնման ժամանակ կամորիստները վայելում էին մոնարխիստների պաշտպանությունը՝ նրանց կազմակերպությունը լրտեսներ և դահիճներ էր մատակարարել իշխանություններին։ XIX դարի վերջում կամորան իր գործունեությունը ծավալել է ԱՄՆ-ում, բայց հետագայում միացվել է իտալո-ամերիկյան մաֆիայի ընդհանուր ալիքին։

Կա նաև մի տարբերակ, որ կամորան հայտնվել է իսպանացիների գաղտնի համայնքներում, որոնք գոյություն են ունեցել Իտալիայում՝ 16-րդ դարում։

Գործունեություն

Իտալական քրեական կառույցների շարքում կամորան առավել արյունռուշտ է, քան մաֆիան և նդրանգետան։ Կամորայի ռազմավարությունը կենտրոնանում է թմրամիջոցների՝ մասնավորապես կոկաինի առևտրի վրա։ Խմբավորումը վերահսկում է Եվրոպայի գրեթե բոլոր թմրամիջոցների թրաֆիքինգը։ Նեապոլ քաղաքին կից Սեկոնդիլյանո շրջանում գտնվում է Եվրոպայի ամենախոշոր բաց նարկոշուկան։ Թմրանյութերից բացի, կամորան եկամուտներ է ստանում մարմնավաճառությունից, մարդկանց թրաֆիքինգից և ռեկետից։ Կա նույնիսկ տեղեկություն, որ քրեական սինդիկատը փորձել է գումար վաստակել Սիլվիո Բերլուսկոնի սկանդալային լուսանկարների միջոցով։ Այնուամենայնիվ, կազմակերպությունների եկամուտների հիմնական աղբյուրը հանդիսանում են թմրամիջոցները։

Բացի ապօրինի գործողություններից, կամորան զբաղվում է նաև օրինական բիզնեսով (սովորաբար, ռեստորանային և շինարարական բիզնես)։ The Economist ամսագրի տվյալներով, սինդիկատի հանցավոր գործունեությունը բնութագրվում է արդյունավետության և կառավարման բարձր մակարդակով։

Կազմակերպության ձերբակալված ղեկավարներ

• Ռոբերտո Մանգանիելո (Roberto Manganiello)
• Ֆրանչեսկո Սկյավոնե (Francesco Schiavone)
• Էդոարդո Կոնտինի (Edoardo Contini)
• Լուչո Դե Լուչիա (Lucio De Lucia)
• Սալվատորե Ռուսո (Salvatore Rousseau)

Հասարակության վերաբերմունք

Ոստիկանական արշավանքների ժամանակ տեղացիները ավանդաբար աջակցում են գանգստերներին՝ նրանք ոստիկանների համար ստեղծում են խոչընդոտներ, նրանց նետում են աղբի մեջ և այրում ոստիկանական մեքենաներ։

2009 թվականի մարտի 21-ին Նեապոլում առաջին անգամ քաղաքացիները բողոքի լայնածավալ ակցիա կազմակերպեցին կամորայի գոյության և գործունեության դեմ։ Ակցիային մասնակցում էին ավելի քան 100 հազար մարդ։

Իրավապահ մարմինների գործողություններ

1911-1912 թվականներին Կուոկոլոյի դատավարության ընթացքը ցույց տվեց, որ կարաբինյերի հուսահատ փորձերը ճնշելու են կամորայի բռնկումները և ավարտվում են ծանր դատավճիռով։ Կամորայի հետ հաշիվները կարգավորելու համար գործընթացը բնութագրվում էր բազմաթիվ խախտումներով և խարդախություններով։

2009 թվականի ապրիլի 4-ին Հռոմում ոստիկանությունը ձերբակալել է «Կամորայի» առաջնորդներից մեկին՝ Ջուզեպե Սարնոյին։ 2009 թվականի մայիսի 4-ին Իտալիայի հարավում գտնվող Կազալ դի Պրիչիպե (Casal di Principe) քաղաքում ձերբակալվել է Ռաֆայել Դիանան։ 2009 թվականի հոկտեմբերի 31-ին ոստիկանությունը ձերբակալեց Սալվատոր Ռուսոյին։ 2009 թվականի նոյեմբերի 1-ին ձերբակալվեց նրա եղբայրը՝ Պասկալ Ռուսոն։ 2011 թվականի մայիսի 24-ին, Նեապոլի հարևանությամբ գտնվող մի բնակավայրում, ձերբակալվեց Ջուզեպե Դել Ակվիլան, որը ներգրավվեց Իտալիայի 30 ամենավտանգավոր հանցագործների ցուցակում։ Իսկ 2013 թվականի հունիսի 12-ին՝ Մարկո դի Լաուրոն, ով «Կամորայի» այսօրվա ղեկավարն է։

Կամորայի որոշ կլաններ

• Ալֆերի կլան
• Կազալեզի կլան
• Կոնտինի կլան
• Դի Լաուրո կլան
• Լակիարդի կլան
• Լո Ռուսո կլան
• Մալարդո կլան
• Նուվոլետա կլան
• Ռուսա (Նոլա) կլան
• Վոլարո կլան
• Կամորա Օրգանիզետա կլան
• Նուովա կլան
• Լա Տորե կլան

Ծանոթագրություններ

Նշումներ

Արտաքին հղումներ

• «Неаполитанская каморра: мафия, которая старше Италии»։ ria.ru։ Վերցված է 2017-09-16 
• «НЕАПОЛИТАНСКАЯ МАФИЯ И ЕЕ СОЦИАЛЬНЫЙ ПОДТЕКСТ»։ Спільне։ Վերցված է 2017-09-16 
• «В Италии арестовали 47 членов "Каморры"»։ lenta.ru։ Վերցված է 2017-09-16 
• «В Италии арестован главарь мафиозной группировки "Каморра"»։ lb.ua։ Վերցված է 2017-09-16 
• «За последние два месяца в Неаполе арестованы 687 членов "каморры"»։ ria.ru։ Վերցված է 2017-09-16 
•  Полиция Италии арестовала 40 предположительных членов каморры
• «Итальянская полиция случайно задержала знаменитого мафиозного босса Сальваторе Руссо, и благодаря найденным у него документам вышла на его братьев»։ tsn.ua։ Արխիվացված է օրիգինալից 2017-09-20-ին։ Վերցված է 2017-09-20 

Աղբյուրներ

• Любин В. П. 2012.04. 007—008. ИТАЛЬЯНСКАЯ МАФИЯ В ГЕРМАНИИ.(Сводный реферат) //Социальные и гуманитарные науки. Отечественная и зарубежная литература. Серия 11: Социология. Реферативный журнал. — 2012. — №. 4. — С. 51-56.
• Шайдуллин А., Кочережко С. С. Мафия в Италии и США конца XIX—XX веков: сравнительный анализ.
• Олейник А. Н. « Жизнь по понятиям»: институциональный анализ повседневной жизни" российского простого человека" //ПОЛИС: Политические исследования. — 2001. — №. 2. — С. 40-51.