Խուան Էրնեստո Մենդես
Խուան Էրնեստո Մենդես | |
---|---|
Ծնվել է | դեկտեմբերի 11, 1944[1] (79 տարեկան) |
Ծննդավայր | Լոմաս դե Սամորա, Բուենոս Այրես, Արգենտինա |
Քաղաքացիություն | Արգենտինա |
Կրթություն | Վաշինգտոնի ամերիկյան համալսարան |
Մասնագիտություն | դիվանագետ, փաստաբան, քաղաքական գործիչ և Իրավաբանություն |
Աշխատավայր | Նոտր Դամ համալսարան, Միավորված ազգերի կազմակերպություն և Human Rights Watch |
Զբաղեցրած պաշտոններ | United Nations Special Rapporteur on torture? |
Պարգևներ և մրցանակներ |
Խուան Էրնեստո Մենդես (դեկտեմբերի 11, 1944[1], Լոմաս դե Սամորա, Բուենոս Այրես, Արգենտինա), արգենտինացի իրավաբան, խոշտանգումների և այլ դաժան, անմարդկային կամ նվաստացնող վերաբերմունքի կամ պատժի գործերով ՄԱԿ-ի նախկին հատուկ զեկուցող[2] ու քաղբանտարկյալների վերաբերյալ աշխատություններով հայտնի իրավապաշտպան։
Կարիերա[խմբագրել | խմբագրել կոդը]
Մենդեսը ծնվել է Բուենոս Այրեսի արվարձան Լոմաս դե Սամորայում[3]։ 1970 թվականին Բուենոս Այրես նահանգի Մար դել Պլատա քաղաքի Ստելլա Մարիս համալսարանում ստացել է իրավագետի գիտական աստիճան[4]։
Կարիերայի սկզբից զբաղվել է քաղբանտարկյալների հարցերով, որի արդյունքում Արգենտինայի ռազմական բռնապետության կողմից ձերբակալվել է, 18 ամիս ենթարկվել խոշտանգումների և վարչական կալանքի, որից հետո՝ 1977 թվականին արտաքսվել երկրից ու տեղափոխվել Միացյալ Նահանգներ[5]։
Այնուհետև Մենդեսն աշխատել է Իլինոյ նահանգի Օրորա քաղաքի կաթոլիկ եկեղեցու համար՝ պաշտպանելով ներգաղթյալ աշխատողների շահերը։ 1978 թվականին միացել է Վաշինգտոնում գործող Քաղաքացիական իրավունքի հարցերով հանձնաժողովին, իսկ 1982 թվականին սկսել Human Rights Watch-ի (HRW) ամերիկյան ծրագիրը։ Աշխատել է 15 տարի՝ 1994 թվականին դառնալով գլխավոր խորհրդական[4]։
1996 - 1999 թվականներին Մենդեսն աշխատում էր Կոստա Ռիկայում որպես մարդու իրավունքների միջ-ամերիկյան ինստիտուտի գործադիր տնօրեն[3]։ Հետո 1999 թվականի հոկտեմբերից մինչև 2004 թվականը որպես իրավագիտության պրոֆեսոր և քաղաքացիական ու մարդու իրավունքների կենտրոնի տնօրեն աշխատել է ԱՄՆ-ի Նոթր Դամի համալսարանում[6]։
2001 թվականին Մենդեսն սկսել է աշխատել Անցումային արդարադատության միջազգային կենտրոնում (ICTJ), որը մարդու իրավունքների միջազգային հասարակական կազմակերպություն է։ 2004-2009 թվականներին եղել է այդ կազմակերպության նախագահը, այժմ՝ պատվավոր նախագահը։ 2010 թվականի նոյեմբերից մինչև 2016 թվականի հոկտեմբերի 31-ը եղել է խոշտանգումների վերաբերյալ ՄԱԿ-ի հատուկ զեկուցողը[2]։
Մենդեսը մարդու իրավունքներ է դասավանդել Ջորջթաունի համալսարանի իրավաբանական կենտրոնում, Ջոնս Հոփկինսի անվան միջազգային հետազոտությունների դպրոցում և Միացյալ Թագավորության Օքսֆորդի համալսարանում։
Մենդեսը «Հանցագործություններ ընդդեմ մարդկության» նախաձեռնության վարչական հանձնաժողովի անդամ է, որը ստեղծվել է 2008 թվականին և որի նպատակն է ուսումնասիրել մարդկության դեմ հանցագործությունների կանխարգելման և պատժման վերաբերյալ համապարփակ կոնվենցիայի անհրաժեշտությունը, վերլուծել նման կոնվենցիայի անհրաժեշտ տարրերը և մշակել առաջարկվող պայմանագիր[7]։ Առաջարկվող պայմանագիրն այժմ քննարկվում է ՄԱԿ-ի միջազգային իրավունքի հանձնաժողովի կողմից[8][9]։
Մրցանակներ[խմբագրել | խմբագրել կոդը]
Իր աշխատանքի համար ստացել է բազմաթիվ մրցանակներ, այդ թվում՝ Գոլեր Թ․ Բուչերի մեդալը միջազգային իրավունքի ամերիկյան ընկերության կողմից, «Doctorate Honoris Causa» Մոնրեալում Քվեբեկի համալսարանի կողմից, «Մոնսինյոր Օսկար Ա. Ռոմերոյի անվան մրցանակ`մարդու իրավունքների պաշտպանության ոլորտում առաջնորդության համար» Դեյթոնի համալսարանի կողմից, «Ժաննա և Ժոզեֆ Սալիվանի անվան մրցանակ» Հարթլենդ դաշինքի կողմից[10], «Doctorate Honoris Causa» Արգենտինայի Լա Պլատա քաղաքի համալսարանի կողմից 2013 թվականի հունիսի 10-ին[11] և «Լետելիեր-Մոֆիթի անվան մարդու իրավունքների մրցանակ» Քաղաքագիտության ինստիտուտի կողմից 2014 թվականին[12]։
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ 1,0 1,1 Deutsche Nationalbibliothek Record #1021094226 // Gemeinsame Normdatei (գերմ.) — 2012—2016.
- ↑ 2,0 2,1 «UN Special Rapporteur on Torture». Office of the High Commissioner for Human Rights.
- ↑ 3,0 3,1 «La Oficina del Asesor Especial para la Prevención del Genocidio». www.un.org.
- ↑ 4,0 4,1 "Juan E. Mendez", Source Watch
- ↑ "Washington College of Law Faculty", American University
- ↑ "Faculty Bio" Արխիվացված 2012-03-18 Wayback Machine, Washington College of Law
- ↑ The Crimes Against Humanity Initiative Արխիվացված 2017-08-10 Wayback Machine Whitney R. Harris World Law Institute
- ↑ Cecilia Marcela Bailliet, "UN International Law Commission to Elaborate New Global Convention on Crimes Against Humanity" IntLawGrrls
- ↑ William A. Schabas, "International Law Commission to Work on Draft Articles on Crimes Against Humanity" PhD studies in human rights
- ↑ "Washington College of Law Faculty", American University
- ↑ "Instituto de Derechos Humanos - UNLP", Instituto de Derechos Humanos - UNLP
- ↑ Constable, Pamela (2014 թ․ հոկտեմբերի 14). «Letelier-Moffitt Human Rights Awards go to border activists, lawyer, Latina organizers». Washington Post. Վերցված է 2014 թ․ հոկտեմբերի 22-ին.
Արտաքին հղումներ[խմբագրել | խմբագրել կոդը]
- Announcement from the United Nations of his appointment
- Interview on Democracy Now!
- Speech to Swarthmore College on the Darfur conflict
- Report of the Special Advisor on the Prevention of Genocide: Visit to Darfur, Sudan (PDF)
- Juan Méndez: U.S. Should Address WikiLeaks’ Disclosures of Torture - video interview by Democracy Now!
|